Левит 16:15 - Коми Библия 2023

¹⁵ Войтырлӧн мыжысь вись пыдди Аарон мед начкас ай кӧзаӧс. Вирсӧ мед пыртас Вежаинын ӧшалысь дӧра сайӧ да ӧш вирӧн моз мед резас Йитӧд кудлысь вевт вывсӧ да вевт водзсӧ.

Левит 16:15 Iomraidhean Croise

Левит 16:2

Господь шуис Мӧисейлы: «Висьтав Аарон вокыдлы, мый сылы оз позь быд кадӧ пырны Вежаинын ӧшалысь дӧра сайӧ, Йитӧд куд водзӧ [мыж лэдзанін водзӧ], медым сійӧ эз кув. Ӧд Йитӧд куд вевт весьтас Ме кута петкӧдчыны кымӧр пытшкын.

Левит 4:21

Начкӧм ӧшсӧ мед петкӧдас чомъяс сайӧ да сотас, кыдзи таӧдз вӧлі тшӧктӧма сотны ӧшсӧ. Тайӧ лоӧ мыжысь вись, сійӧс колӧ вайны войтырлӧн мыж вӧсна.

Левит 4:5

Мавтыштӧм [да вежӧдӧм] поп мед босьтас ӧшлысь вирсӧ да пыртас вежа чомйӧ.

Лыд 17:11

Мӧисей ставсӧ вӧчис Господьлӧн тшӧктӧм серти.

Лыд 28:15

Мыжысь вись пыдди вайӧй Господьлы ӧти ай кӧзаӧс. Вайӧй сійӧс да сыкӧд кисьтан вина висьсӧ быдлунся сотан висьысь ӧтдор.

Еврейяслы 2:17

Кристослы ковмис лоны морт кодьӧн, Аслас вокъяс кодьӧн, медым лоны бур сьӧлӧма да Енлысь кывзысьысь Аркирейӧн да босьтны Ас вылас йӧзлысь мыжъяссӧ.

Еврейяслы 5:3

Та вӧсна сылы колӧ вайны вись оз сӧмын йӧзлӧн мыжъяс вӧсна, но и аслас мыжъяс вӧсна.

Еврейяслы 6:19

Миян олӧмын тайӧ лачаыс зумыд якӧр кодь, сійӧ видзӧ миянӧс да отсалӧ миянлы пырны крамын ӧшалысь дӧра сайӧ, Вежасьыс-вежаинӧ.

Еврейяслы 7:27

Мукӧд аркирейлы моз Сылы абу колана быд лун вись вайны медводз аслас мыжъяс вӧсна, сэсся йӧзлӧн мыжъяс вӧсна. Ӧд Сійӧ вайис нин Асьсӧ вись пыдди ӧтчыдысь да пыр кежлӧ.

Еврейяслы 9:12

Кристос пырис Вежасьыс-вежаинӧ эз кӧза вирӧн, эз ӧш вирӧн, а Аслас вирӧн. Тадзи Сійӧ ӧтчыдысь да пыр кежлӧ мездіс миянӧс мыжъясысь.

Еврейяслы 9:13

Ӧш вирӧн, кӧза вирӧн да сотӧм мӧслӧн пӧимӧн кӧ резлісны пежасьӧмаясӧс, медым вежӧдны-сӧстӧммӧдны налысь вир-яйсӧ,

Еврейяслы 9:3

Мӧд вежӧссӧ вӧлі торйӧдӧма ӧшӧдӧм дӧраӧн. Тайӧ вежӧсыс шусис Вежасьыс-вежаин.

Еврейяслы 9:7

Мӧд вежӧсас сӧмын ӧтчыдысь вонас пырліс аркирей. Аскӧдыс сійӧ вайліс вир аслас мыжъяс вӧсна да йӧзлӧн тӧдтӧг вӧчӧм мыжъяс вӧсна.