Левит 1:5 - Коми Библия 2023

⁵ Сійӧ мед начкас ӧшсӧ Господь водзын. А попъяс, Ааронсянь чужысьяс, мед ваясны ӧшлысь вирсӧ да резасны вежа чом пыранін дорысь висьпуктанінсӧ быд боксянь.

Левит 1:5 Iomraidhean Croise

2 Каднебӧг 35:11

Левитъяс начкисны ыджыдлунся баляясӧс, кулисны налысь кучиксӧ, а вирсӧ сетісны попъяслы. Тайӧ вирнас попъяс резісны висьпуктанінсӧ.

Петӧм 29:11

Ӧшсӧ начкы Господь водзын вежа чом пыранін дорын.

Петӧм 29:16

Начкы межсӧ да рез сылӧн вирнас висьпуктанінсӧ быд боксянь.

Петӧм 40:6

Вежа чом пыранін водзӧ сувтӧд сотан висьлы висьпуктанін.

Исай 52:15

Уна войтыр пондасны шензьыны Сы вылӧ, ӧксыяс тупкасны вомнысӧ Сы водзын, ӧд найӧ аддзасны сійӧ, мый йылысь налы эз висьтавлыны, тӧдмаласны сійӧ, мый йылысь найӧ эз кывлыны.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Езекиль 43:18

Господь шуис меным: «Морт пиӧй! Господь Ыджыдыс тадзи висьталӧ: висьпуктанін йылысь тшӧктӧмыс татшӧм. Сійӧ лунӧ, кор кыпӧдасны висьпуктанінсӧ, медым вайны сотан висьяс да резны сійӧс вирӧн,

Левит 1:11

мед начкас сійӧс Господь водзын висьпуктанін войвывладорын. Попъяс, Ааронсянь чужысьяс, мед вирнас резасны висьпуктанінсӧ быд боксянь.

Левит 1:15

Поп мед ваяс гулюӧс висьпуктанін дорӧ да песовтас сылысь юрсӧ, а вирсӧ мед пычкас висьпуктанін бердӧ. Сэсся гулюсӧ сотас висьпуктанін вылын.

Левит 16:15

Войтырлӧн мыжысь вись пыдди Аарон мед начкас ай кӧзаӧс. Вирсӧ мед пыртас Вежаинын ӧшалысь дӧра сайӧ да ӧш вирӧн моз мед резас Йитӧд кудлысь вевт вывсӧ да вевт водзсӧ.

Левит 17:11

ӧд быд ловъя олысьлӧн олӧмыс сылӧн вирас. Мыжнытӧ вештӧм могысь Ме тшӧкті тіянлы вир вайны висьпуктанін вылӧ, ӧд вирын олӧм, и сійӧ вештӧ мыжнытӧ.

Левит 3:13

Мед пуктылас кисӧ кӧзалы юр вылас, а сэсся мед начкас сійӧс вежа чом пыранін дорын. Та бӧрын Ааронсянь чужысьяс мед вирнас резасны висьпуктанінсӧ быд боксянь.

Левит 3:2

Мед пуктылас кисӧ пемӧслы юр вылас, а сэсся мед начкас сійӧс вежа чом пыранін дорын. Та бӧрын попъяс, Ааронсянь чужысьяс, мед вирнас резасны висьпуктанінсӧ быд боксянь.

Левит 3:8

Мед пуктылас кисӧ ыжлы юр вылас, а сэсся мед начкас сійӧс вежа чом пыранін дорын. Та бӧрын Ааронсянь чужысьяс мед вирнас резасны висьпуктанінсӧ быд боксянь.

Левит 4:29

Мед пуктылас кисӧ кӧзалы юр вылас, а сэсся мед начкас сійӧс мыжысь вись пыдди сэні, кӧні начкӧны сотан вись.

Левит 4:33

Мед пуктылас кисӧ балялы юр вылас, а сэсся мед начкас сійӧс мыжысь вись пыдди сэні, кӧні начкӧны сотан вись.

Левит 4:7

Поп мед мавтас тайӧ вирнас Господь водзын вежа чомйын сулалысь тшынӧдчан висьпуктанінлысь сюръяссӧ, а коляс вирсӧ мед кисьтас вежа чом пыранін дорын сулалысь висьпуктанін улӧ.

Микей 6:6

– Мый меным вайны Господьлы, кор локта Сы водзӧ, кор копыртча енэжвывса Енлы? Гашкӧ, сотан вись вая, арӧса ӧшпиӧс вая?

Лыд 18:17

Но мӧслысь, ыжлысь да кӧзалысь медводдза чужысьясӧс оз ков бӧр ньӧбны, ӧд найӧ вежаӧсь. Налӧн вирӧн тэныд колӧ резны висьпуктанін, а госсӧ сотны вись пыдди. Тайӧ – Господьлы чӧскыд ӧвтантор.

Еврейяслы 10:11

Крамын кесъялігӧн попъяс быд лун вайӧны ӧтипӧлӧс вись. Но тайӧ висьыс оз вермы бырӧдны мортлысь мыжъяссӧ.

Еврейяслы 12:24

Ті матыстчинныд Выль Йитӧдсӧ кӧрталысь Исус дінӧ да Сылӧн сӧстӧммӧдысь вир дінӧ. Сылӧн вирыс Авельлӧн вир дорысь бурджыксӧ висьталӧ.

1 Петыр 1:2

Ен Бать водзысяньыс бӧрйӧма да вежӧдӧма тіянӧс Аслас Ловнас, медым ті кывзысинныд Исус Кристослысь да сӧстӧмминныд Сылӧн вирнас. Буралӧмыс да лӧньлуныс мед содас тіянлы.

Ӧксыяслӧн 1 небӧг 1:25

[Пинысӧ вайӧдісны Господь водзӧ. Батьыс вайис быдвося вись.] Сэсся начкисны ӧшкӧс да нуӧдісны писӧ Илий поп дінӧ.