Колосӧ 3:16 - Коми Библия 2023

¹⁶ Кристослӧн кывйыс мед озыра овмӧдчас тіян пытшкӧ. Мывкыда велӧдӧй-туйдӧдӧй ӧта-мӧднытӧ. Господьӧс аттьӧалӧмӧн сьӧлӧмсяньныд сьылӧй псаломъяс, ошкана сьыланкывъяс да бурсьылӧмъяс.

Колосӧ 3:16 Iomraidhean Croise

Ӧксыяслӧн 3 небӧг 3:28

Став Израиль войтыр кыліс ӧксылӧн веськыда мыждӧм йылысь. Ставнысӧ полӧм босьтіс ӧксыысь. Найӧ гӧгӧрвоисны, мый Енмыс сетӧма Соломонлы мывкыдлун, медым веськыда мыждыны.

1 Каднебӧг 25:7

Налӧн да налӧн вокъяслӧн лыдыс вӧлі кыксё кӧкъямысдас кӧкъямыс морт. Найӧс вӧлі велӧдӧма сьывны Господьлы, найӧ вӧліны сьывны кужысь йӧз.

Неемий 12:46

Важысянь нин, Давид да Асаф дырйи на, сьылысьяслы вӧлі пуктӧма веськӧдлысьясӧс да лӧсьӧдӧма Енмӧс ошкана-аттьӧалана сьыланъяс.

Иов 23:12

Сылӧн тшӧктӧмъясысь ме ог ӧтдортчы, Сылысь кывъяссӧ сьӧлӧм бердын видза, аслам кӧсйӧм дорысь вылӧджык на пукта.

Псалтыр 138:1

Сьылысьясӧн веськӧдлысьлы. Давидлӧн псалом. Господьӧй, Тэ тӧдмалін менӧ да тӧдан менӧ.

Псалтыр 28:7

Господьлӧн гӧлӧс шыыс лэдзӧ чардби.

Псалтыр 32:7

Ыджыд чукӧрӧ Сійӧ чукӧртіс саридзса ваяс, Аслас видзанінӧ пуктіс джуджыд юяс.

Шусьӧгъяс 14:8

Вежӧра мортлӧн мывкыдлуныс тыдалӧ туйсӧ тӧдӧмас, вежӧртӧмлӧн йӧйталӧмыс тыдалӧ пӧръясьӧмас.

Шусьӧгъяс 18:1

Асныра мортыд сӧмын асьсӧ тӧдӧ, сійӧ бур велӧдӧмлы паныд сувтӧ.

Сьылан 1:1

Соломонлӧн сьылан. (Ныв:) – Окав менӧ юмов вомдорнад! Тэнад муслуныд вина дорысь на чӧскыд.

Исай 10:2

медым гӧльясӧс эз мыждыны веськыда, медым Менам войтыр пӧвстысь коньӧръяслы эз вӧчны веськыда, медым мырддьыны дӧваяслысь эмбурсӧ, медым куштыны батьтӧм-мамтӧмъясӧс.

Исай 26:1

Сійӧ лунӧ Иуда муын кутасны сьывны татшӧм сьыланкыв: – Миян эм зумыд кар, оз стенъяс да тымӧдъяс видзны сійӧс, а Енмыс видзӧ сійӧс.

Исай 30:29

А ті понданныд сьывны, кыдзи сьыланныд рытнас, вежа гажӧдчан лун пасйигӧн. Тіян сьӧлӧмныд пондас нимкодясьны, кыдзи нимкодясьӧны пӧлян шы улӧ Господьлӧн керӧс вылӧ мунысьяс, Израильлӧн зумыд Из дінӧ ветлысьяс.

Исай 5:1

Ме сьыла муса Ёрт йылысь, тайӧ сьыланкывйыс менам Ёртӧй да Сылӧн виноград йӧр йылысь. Бур муа керӧс вылын быдмис менам Ёртлӧн виноградыс.

Еремей 15:16

Кор Тэсянь воисны кывъяс, ме пӧткӧдчи наӧн, Тэнад кывъясыд вайисны меным нимкодьлун, найӧ гажӧдісны менсьым сьӧлӧмӧс, Господьӧй, Тэ – Ен Саваоф, а ме – Тэнад.

Матвей 26:30

Енлы сьылӧм бӧрын найӧ кайисны Олив керӧсӧ.

Лука 2:51

Исус бӧр локтіс бать-мамыскӧд Назаретӧ да быдторйын кывзысис налысь. Сылӧн мамыс ставсӧ тайӧс видзис сьӧлӧмас.

Иоан 15:7

Лоанныд кӧ Ме пытшкын, да Менам кывъясӧй кӧ лоӧны тіян пытшкын, сэки корӧй, мый кӧсъянныд, и лоас тіянлы.

Римӧ 10:17

Эскӧмыс ӧд кылӧмсянь, а кылӧмыс Ен кывсянь.

Римӧ 15:14

Вокъяс, ме тӧда, тіян бурлуныс да тӧдӧмлуныс тырвыйӧ, ті верманныд туйдӧдны ӧта-мӧднытӧ.

1 Коринфӧ 14:15

Сідзкӧ, мый меным вӧчны? Кута кевмысьны лолӧн, кута кевмысьны тшӧтш вежӧрӧн. Кута сьывны лолӧн, кута сьывны тшӧтш вежӧрӧн.

1 Коринфӧ 14:26

Вокъяс, мый нӧшта шуны тіянлы? Ӧтлаӧ чукӧртчигӧн быдӧн тіян пиысь вермӧ мыйкӧ вӧчны: кодкӧ сьылӧ, кодкӧ велӧдӧ, кодлӧнкӧ эм Енсянь восьтӧм, кодкӧ сёрнитӧ мукӧд кывъяс вылын, кодкӧ гӧгӧрвоӧдӧ сійӧс. Но ставыс мед лоӧ вичко ёнмӧдӧм могысь.

Ефесӧ 1:17

Ме кора, мед миян Господь Исус Кристослӧн Ен, дзирдлуныслӧн Бать, сетас тіянлы мывкыдлуныслысь да восьтӧмыслысь Ловсӧ, медым ті верминныд тӧдны Сійӧс.

Ефесӧ 5:17

Энӧ лоӧй мывкыдтӧмӧн, а тӧдмалӧй Енлысь кӧсйӧмсӧ.

Ефесӧ 5:19

Сьылӧй ӧтвылысь псаломъяс, ошкана сьыланкывъяс да бурсьылӧмъяс. Сьылӧй Господьлы да ошкӧй Сійӧс став сьӧлӧмсяньныд.

Ефесӧ 5:26

медым вежӧдны сійӧс. Сійӧ сӧстӧммӧдіс вичкосӧ ваӧн да кывнас,

Колосӧ 1:28

Сы йылысь ми висьтавлам быдӧнлы, велӧдам-туйдӧдам став мывкыдлунӧн, медым сувтӧдны быдӧнӧс Ен водзӧ Кристос пытшкын сӧвмӧмаясӧн.

Колосӧ 1:9

Ставсӧ тайӧс кылӧмсянь ми дугдывтӧг кевмысям тіян вӧсна. Кевмам, медым тіян вӧлі Ловсянь мывкыдлун да гӧгӧрвоӧм, медым ті бура тӧдінныд Енлысь кӧсйӧмсӧ.

Колосӧ 4:6

Сёрнитӧй бур сьӧлӧмӧн, сёрниныд мед век вӧлі солыштӧма, сэки быдӧнлы кужанныд вочавидзны колана ногӧн.

1 Фессалоникаӧ 1:8

Господьлысь кывсӧ ті паськӧдінныд энӧ сӧмын Македонияын да Акайяын, тіян эскӧм йылысь тӧдӧны быдлаын. Сідзкӧ, та йылысь миянлы абу нин колана висьтавлыны.

1 Фессалоникаӧ 4:18

Сідзкӧ, ышӧдӧй ӧта-мӧднытӧ тайӧ кывъяснас.

2 Фессалоникаӧ 3:15

Сӧмын энӧ лыддьӧй сійӧс тіянлы паныд сувтысьӧн, а туйдӧдӧй сійӧс вокӧс моз.

1 Тимофейлы 6:17

Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.

2 Тимофейлы 3:15

Тэ ичӧтсяньыд тӧдан вежа Гижӧдъяс. Гижӧдыс сетӧ мывкыдлун, медым Исус Кристослы эскӧмӧн тэ вермин мездмыны.

Титлы 3:6

Исус Кристос Мездысьным пыр Сійӧ лышкыда кисьтіс миян пытшкӧ Вежа Ловсӧ,

Яков 1:5

Тіян пиысь кӧ кодлыкӧ оз тырмы мывкыдлуныс, мед корӧ Енмыслысь, и сылы лоӧ сетӧма. Ӧд Енмыс быдӧнлы сетӧ лышкыда да шуасьтӧг.

Яков 3:17

Но вылісянь сетӧм мывкыдлуныс – медвойдӧр сӧстӧм, сэсся лӧнь, рам, кывзысьысь, тырӧма буралӧмӧн да бур уджъясӧн. Сійӧ оз торйӧд мортӧс чужӧм вылӧ видзӧдӧмӧн, сійӧ ставсӧ вӧчӧ сьӧлӧмсяньыс.

Яков 5:13

Тіян пиысь кӧ кодкӧ сьӧкыдалӧ, мед кевмысьӧ. Нимкодясьӧ кӧ, мед сьылӧ Енмӧс ошкана сьыланкывъяс.

1 Иоан 2:14

Гижи тіянлы, батьяс, ӧд ті тӧданныд водзысянь Олысьсӧ. Гижи тіянлы, том войтыр, ӧд ті ёнӧсь, Енлӧн кывйыс олӧ тіян пытшкын, и ті верминныд омӧльсӧ.

1 Иоан 2:24

Сідзкӧ, мый ті кывлінныд водзысяньыс, сійӧ мед олас тіян пытшкын. Тайӧ кӧ лоӧ тіян пытшкын, сэки Пиыс да Батьыс пытшкын лоанныд.

1 Иоан 2:27

Но тіян эм Вежасянь мавтыштӧм. Та вӧсна абу колана, мед кодкӧ велӧдіс тіянӧс. Ӧд мавтыштӧмыс велӧдӧ тіянӧс быдторйӧ, висьталӧ збыльсӧ да оз пӧръясь. Сідзкӧ, олӧй велӧдӧм сертиыс.

2 Иоан 1:2

Ті меным мусаӧсь збыльыс вӧсна, ӧд сійӧ олӧ миян пытшкын да лоӧ миянкӧд нэмъяс чӧж.

Восьтӧм 14:3

Сё нелямын нёль сюрс морт, кодъясӧс ньӧбӧма му вывсьыс, сьылісны выль сьыланкыв юралан пуклӧс водзын, нёль ловъя олысь да юрнуӧдысьяс водзын. Наысь кындзи некод эз куж сьывны сійӧс.

Восьтӧм 15:3

да сьылісны Ен кесйӧг Мӧисейлысь да Балялысь сьыланкывсӧ: – Господьӧй Енмӧй, Ставсӧвермысьӧй! Тэнад уджъясыд ыджыдӧсь да шензьӧданаӧсь, Тэнад туйясыд веськыдӧсь да збыльӧсь! Тэ – вежа войтырлӧн Ӧксыыс!

Восьтӧм 19:10

Ме уськӧдчи андел кок дорӧ, медым копыртчывны сылы, но сійӧ шуис меным: «Эн вӧч тайӧс! Копыртчыв Енмыслы! Тэ да тэнад вокъясыд моз Ме кесъяла Енмыслы. Вокъясыд висьтавлӧны Исус йылысь, сёрнитӧны пророкалан Ловсянь».

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.