Исай 9:6 - Коми Библия 2023

⁶ Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Исай 9:6 Iomraidhean Croise

Ӧксыяслӧн 2 небӧг 7:13

Сійӧ лэптас Меным керка, и Ме зумыдмӧда сылысь юралӧмсӧ нэмъяс кежлӧ.

Ӧксыяслӧн 2 небӧг 7:16

Тэнад рӧдыд да ӧксыалӧмыд пыр кежлӧ лоӧ Ме водзын зумыд. Тэнад юралан пуклӧсыд кутас сулавны нэмъяс чӧж».

Ӧксыяслӧн 3 небӧг 10:9

Ошкӧм Господьлы, тэнад Енлы! Аслас кӧсйӧм серти Сійӧ пуксьӧдіс тэнӧ Израильлӧн юралан пуклӧсӧ. Господь дугдывтӧг радейтӧ Израиль войтырӧс, та вӧсна пуктіс тэнӧ ӧксыӧ, медым тэ юралін да мыждін веськыда».

Ӧксыяслӧн 3 небӧг 2:33

Тайӧ кык мортлысь вирсӧ кисьтӧмысь мыжыс мед пыр кежлӧ коляс Йоав вылӧ да сысянь чужысьяс вылӧ. А Давидӧс да сысянь чужысьясӧс, сылысь рӧдсӧ да сылысь юралӧмсӧ мед пыр кытшалас Господьлӧн лӧньлуныс».

Ӧксыяслӧн 3 небӧг 2:45

А менӧ, Соломон ӧксыӧс, мед бурсиас. Давидлӧн юралӧмыс мед зумыда сулалас Господь водзын нэмъяс чӧж!»

Неемий 9:32

Миян Енмӧй, Тэ ыджыд, вына да повзьӧдана Ен, Тэ видзан Ассьыд йитӧдтӧ да буралӧмтӧ! Видзӧдлы став сьӧкыдлуныс вылӧ, мый суис миянӧс, миянлысь ӧксыясӧс да юралысьясӧс, попъясӧс да пророкъясӧс, батьяснымӧс да Тэнсьыд став войтыртӧ ассурса ӧксыяслӧн веськӧдлан кадсянь да талунъя лунӧдз.

Псалтыр 45:3

Та вӧсна ми огӧ полӧй, весиг муыс кӧ кутас вӧрны, керӧсъяс кӧ усясны саридз пыдӧсӧ,

Псалтыр 45:6

Ачыс Енмыс кар шӧрас, карыс оз вӧрзьы, водз асывсянь Енмыс отсалӧ сылы.

Псалтыр 45:7

Войтыръяс шызьӧны, юралӧмъяс киссьӧны, муыс сыркмунлӧ Медвылыссалӧн гӧлӧс шыысь.

Псалтыр 50:1

Сьылысьясӧн веськӧдлысьлы. Давидлӧн псалом.

Псалтыр 72:17

кытчӧдз ме эг пыр Енлӧн вежаинӧ и эг гӧгӧрво, мый виччысьӧ лёк вӧчысьясӧс.

Псалтыр 72:3

ӧд ме вежалі лёк вӧчысьяслы, кор аддзи налысь бур олӧмсӧ.

Псалтыр 72:7

Тшӧгнысла налӧн синныс бердӧма, налӧн мӧвпъясныс жуӧны-бергалӧны.

Псалтыр 85:10

Ӧд Тэ ыджыд, Тэ вӧчан шензьӧданаторъяс. Тэ – Ен, и мӧдыс абу.

Псалтыр 89:5

Тэнад син водзын сюрс воыс тӧрытъя кольӧм лун кодь, кар видзысьлӧн войся дӧзьӧритан кад кодь.

Шусьӧгъяс 8:23

Кадсӧ арталӧмыс эз на вӧв, а ме вӧлі нин, му пуксьытӧдзыс на ме вӧлі.

Исай 10:21

Коляс войтырыс бӧр бергӧдчас, Яковсянь чужысьясысь ловйӧн кольӧмаяс бӧр бергӧдчасны вына Ен дінӧ.

Исай 11:5

Сійӧ вӧнясяс веськыдлуннас, эсканлуныс лоӧ сылы вӧньӧн.

Исай 16:5

Сэки лоӧ сувтӧдӧма юралан пуклӧс, юралӧмыс зумыдмас буралӧмӧн. Сэтчӧ пуксяс Давид рӧдысь збыльыс серти юралысь, веськыда мыждысь, веськыдлунсӧ вӧчысь.

Исай 26:12

Господьӧй, Тэ сетан миянлы лӧньлун, ӧд Тэсянь ставыс, мый ми вӧчам да шедӧдам.

Исай 26:3

Кодлӧн лолыс зумыд, сійӧс Тэ видзан тырвыйӧ лӧньлунас, ӧд Тэ вылӧ сійӧ лача кутӧ.

Исай 28:29

Ставыс тайӧ – Господь Саваофсянь. Сылӧн велӧдӧмыс шензьӧдана, Сылӧн мывкыдлуныс пыдӧстӧм!

Исай 32:1

Со, ӧксы кутас юравны веськыдлуныс серти, юралысьяс кутасны веськӧдлыны Индӧдыс серти.

Исай 37:32

Ерусалим карын ловйӧн кольӧмаяс паськӧдчасны кар гӧгӧрыс, мездмӧмаяс паськӧдчасны Сион керӧс гӧгӧр. Тадзи вӧчас Господь Саваоф, ӧд Сійӧ – вежӧгтысь Ен.

Исай 53:10

Господьлӧн вӧлі шуӧма дойдны Сійӧс, мӧдӧдны Сылы сьӧкыдлунъяс. Но кор Сійӧ Асьсӧ ваяс мыж вештан вись пыдди, Сійӧ аддзас Сысянь чужысьясӧс, кодъяс кутасны дыр овны. Господьлӧн кӧсйӧмыс инас Сы пыр.

Исай 53:2

Веж петас моз Сійӧ быдмис Господь водзын, быдмис кос муысь чепӧсйӧм турун моз. Сылӧн эз вӧв мичлун ни тӧдчанлун, медым ми видзӧдім Сы вылӧ. Чужӧм-мыгӧрнас Сійӧ эз вӧв сэтшӧм морт, коді эськӧ кыскис миянӧс Ас дінас.

Исай 53:5

Но Сійӧс вӧлі бытшкӧма миян мыжъяс вӧсна, дойдалӧма миян лёк вӧчӧмъяс вӧсна. Сійӧ нуис мыждӧмсӧ, медым миян вӧлі лӧньлун. Сылӧн дойясӧн ми бурдім.

Исай 63:16

Господьӧй, Тэ – миян Батьным. Ӧвраам оз тӧд миян йылысь, Израиль оз тӧд миянӧс, но Тэ – миян Батьным! Важысянь тэнад нимыд – Миян Мездысь.

Исай 66:12

Господь тадзи висьталӧ: – Юӧс моз Ме веськӧда Ерусалимлы бур олӧмсӧ, мӧдӧда сылы войтыръяслысь озырлунсӧ ойдӧм ва моз. Сійӧ вердас тіянӧс пӧттӧдзныд, пондас новлӧдлыны ки вылас, лелькуйтны пидзӧс вылас.

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

Исай 8:18

Со, ме да ныв-пи, кодъясӧс сетіс меным Господь, ми – Израильлы пас. Господь Саваоф, Сион керӧс вылын Олысь, водзвыв мӧдӧдіс тайӧ пассӧ Израильлы.

Еремей 31:22

Дыр-ӧ на тэ кутан шӧйтны, нылӧй, тэ, коді кежин Меысь? Господь выльтор вӧчас му вылын: гӧтырыс кутас видзны-дорйыны верӧссӧ.

Даниил 2:44

Тайӧ юралӧмас ыджыдалысь ӧксыяс дырйи енэжвывса Ен сувтӧдас сэтшӧм юралӧм, кодӧс оз ло бырӧдӧма и оз ло сетӧма мукӧд войтырлы. Тайӧ юралӧмыс жугӧдас да бырӧдас став воддза юралӧмсӧ, а ачыс лоӧ зумыд нэмъяс чӧж.

Даниил 7:14

Локтысьлы вӧлі сетӧма юралӧм да нималӧм, Сійӧс вӧлі пуктӧма ӧксыӧ, медым войтыръяс, чужанкотыръяс да быд кыла йӧз кесъялісны Сылы. Сылӧн ыджыдалӧмыс – нэмъяс чӧж, Сылысь юралӧмсӧ некор оз ло вештӧма-бырӧдӧма.

Аггей 2:9

Тайӧ крамыслӧн дзирдлуныс лоӧ воддза дорсьыс на мичаджык, – висьталӧ Господь Саваоф. – Тані Ме сета лӧньлун да бур олӧм, – висьталӧ Господь Саваоф».

Матвей 1:1

Исус Кристослӧн ордпуыс петӧ Ӧвраамсянь, сэсся Давидсянь. Сылӧн чужанвужйыс татшӧм.

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

Матвей 11:27

Ставсӧ сетіс Меным Батьӧй. Сӧмын Батьыс тӧдӧ Писӧ, и сӧмын Пиыс тӧдӧ Батьсӧ. Тӧдӧ нӧшта сійӧ, кодлы Пиыс кӧсйӧ восьтны Батьсӧ.

Матвей 28:18

Велӧдчысьяс дінӧ матыстчӧмӧн Исус шуис: «Меным сетӧма ыджыдавны енэжын да му вылын.

Лука 1:35

Андел вочавидзис: «Вежа Лов лэччас тэ вылӧ, Медвылыссалӧн выныс вевттяс тэнӧ. Та вӧсна тайӧ чужысьыс вежа, Сійӧс шуасны Ен Пиӧн.

Лука 2:11

Талун Давид карын тіянлы чужис Мездысь – Господь Кристос.

Лука 2:14

– Ошкӧм Медвылысса Енлы! Му вылын лӧнь олӧм, йӧз костын бур кӧсйӧм!

Лука 21:15

Ме сета тіянлы мывкыдлун сёрнитны. Мыжалысьяс оз вермыны паныд сувтны тіянлы да налы оз сюр воча кывйыс.

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Иоан 1:16

Миянлы быдӧнлы Сы озырлунысь вичмис буралӧм вылӧ буралӧм.

Иоан 14:27

Лӧньлун коля тіянлы. Ассьым лӧньлунӧс сета тіянлы, сійӧ абу муюгыдыслӧн лӧньлун кодь. Энӧ майшасьӧй да энӧ полӧй.

Ап. уджъяс 10:36

Сійӧ мӧдӧдіс Израиль войтырлы Ассьыс кывсӧ, лӧньлун йылысь Бур Юӧрсӧ, кодӧс вайис Исус Кристос. Сійӧ ставныслы Господь.

Ап. уджъяс 20:28

Тӧждысьӧй ас вӧснаныд да став чукӧрыс вӧсна. Ӧд Вежа Лов пуктіс тіянӧс, мед видзны Господь Енлысь вичкосӧ. На вӧсна Сійӧ мынтысис Аслас вирӧн.

Римӧ 8:32

Ӧд Енмыс Ассьыс Писӧ эз жалит, а сетіс Сійӧс ставным вӧсна. Сыкӧд тшӧтш оз ӧмӧй сет миянлы и став мукӧдторсӧ?

Римӧ 9:5

и налӧн эмӧсь батьяс. Тайӧ войтырысь петіс Кристос, Сійӧ чужис морт кодьӧн. Сійӧ став вылас медыджыд Ен. Ошкӧм Сылы нэмъяс чӧж! Аминь.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

1 Коринфӧ 15:25

Кристослы шуӧма юравны сэтчӧдз, кытчӧдз Сійӧ оз пукты Аслас кок улӧ став паныд сувтысьсӧ.

2 Коринфӧ 5:19

Исус Кристос пыр Енмыс бурӧдіс Аскӧдыс став йӧзсӧ да оз нин лыддьы найӧс мыжаӧн. Енмыс сетіс миянлы бурасьӧмыс йылысь кывсӧ.

Индӧд 10:17

Ӧд Господь, тіян Енныд, – енъяслӧн Ен да ыджыдъяслӧн Ыджыдыс. Сійӧ ыджыд, вына да повзьӧдана, Сійӧ оз видзӧд чужӧм вылӧ, козинъяс оз босьт.

Колосӧ 2:3

Сы пытшкын мывкыдлуныслӧн да тӧдӧмлуныслӧн став озырлуныс.

1 Тимофейлы 3:16

Кывшутӧг, миян эскӧмлӧн гусяторйыс ыджыд: Енмыс восьтіс Асьсӧ вир-яйын, Лолыс петкӧдліс Сылысь веськыдлунсӧ, Сійӧс аддзылісны анделъяс, Сы йылысь юӧртісны ентӧдтӧмъяслы, Сылы эскисны муюгыдас, Сійӧ кыпӧдчис дзирдлунас.

Титлы 2:13

виччысим вына Енлысь да миян Мездысь Исус Кристослысь дзирдлуна воссьӧмсӧ да шуда лачанымлысь збыльмӧмсӧ.

Еврейяслы 1:8

Пиыс йылысь шуӧма: – Енмӧй, Тэнад юралан пуклӧсыд лоӧ нэмъяс чӧж. Тэнад юралан беддьыд – веськыдлун.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Восьтӧм 19:16

Сылӧн паськӧмас да лядьвеяс гижӧма, мый Сійӧ – ӧксыяслӧн Ӧксыыс да ыджыдъяслӧн Ыджыдыс.

Ёрдысьяс 13:18

Господьлӧн андел шуис сылы: «Мыйла тэ юасян менсьым нимӧс? Сійӧ шензьӧдана!»