Исай 9:3 - Коми Библия 2023

³ Господьӧй, Тэ содтан-рӧдмӧдан тайӧ войтырсӧ, сетан налы ыджыд нимкодьлун. Найӧ пондасны ёна гажӧдчыны Тэ водзын, кыдзи гажӧдчӧны вундан кадӧ, кыдзи гажӧдчӧны тышын шедӧдӧм эмбур юклігӧн.

Исай 9:3 Iomraidhean Croise

Неемий 9:23

Налысь пиянсӧ Тэ рӧдмӧдін енэжвыв кодзувъяс мында. Тэ вайӧдін найӧс сійӧ муас, мый йылысь Тэ кӧсйысьлін налӧн батьяслы.

Иов 12:23

Сійӧ рӧдмӧдӧ и бырӧдӧ войтыръясӧс, сетӧ паськӧдчыны и мутӧг кольӧ.

Псалтыр 4:7

Унаӧн шуалӧны: «Коді сетас миянлы бурсӧ?» Господьӧй, петкӧдлы миянлы Аслад чужӧмбанлысь югыдсӧ.

Исай 10:26

Господь Саваоф кыпӧдас сы вылӧ Ассьыс орссӧ, кыдзи вӧчис мадиансаяскӧд, кор пасьвартіс найӧс Орив изкырта дорын. Сійӧ нюжӧдас Ассьыс бедьсӧ саридзлань, кыдзи нюжӧдіс сійӧс египетсаяслань.

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Исай 14:5

Господь чегъяліс лёк вӧчысьяслысь бедьсӧ, жугӧдіс ыджыдалысьяслысь юралан бедьсӧ.

Исай 25:9

Сійӧ лунӧ шуасны: «Сійӧ – миян Ен! Ми лача кутім Сы вылӧ, и Сійӧ мездіс миянӧс. Сійӧ – Господь, Сы вылӧ ми лача кутім! Кутам нимкодясьны да гажӧдчыны, ӧд Сійӧ мездіс миянӧс».

Исай 26:15

Господьӧй, Тэ содтін Аслад войтырлысь лыдсӧ, налысь лыдсӧ содтӧмӧн Тэ нимӧдін Асьтӧ, Тэ паськӧдін Аслад войтырлысь олан мусӧ.

Исай 35:10

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Исай 35:2

Сійӧ пондас мичаа дзоридзавны, нимкодясьны да долыда гажӧдчыны, пондас нимавны Ливан моз, лоӧ Кармил керӧс да Шарон ласта кодь мича. Став йӧзыс аддзасны Господьлысь дзирдлунсӧ, миян Енлысь вынсӧ.

Исай 54:1

Нимкодясь, сьӧктыны вермытӧм, кага вайлытӧм ань! Гораа нимкодясь да гажӧдчы, чужтан дой тӧдлытӧм ань! Ӧд эновтӧмалӧн ныв-пиыс уна, ёна унджык верӧсыскӧд олысьлӧн дорысь, – висьталӧ Господь.

Исай 55:12

Ті мунанныд нимкодясьӧмӧн, тіянӧс колльӧдасны лӧня. Керӧсъяс да мылькъяс пондасны нимкодясьны тіян водзвылын, видзвывса пуяс коръяснас пондасны долыда швачӧдчыны.

Исай 61:10

Ме долыда нимкодяся Господь йылысь, менам лолӧй нимкодясьӧ менам Ен йылысь, ӧд Сійӧ пасьтӧдіс менӧ мездмӧмыслӧн паськӧмӧн, вевттис менӧ веськыдлуныслӧн кышанӧн, верӧспулы моз пуктіс менам юр вылӧ мича юрвевттьӧд, гӧтырпуӧс моз мичмӧдіс менӧ мичмӧданторъясӧн.

Исай 61:7

Тіянӧс янӧдӧмысь мынтысясны тіянлы кык пӧвстӧн, увтыртӧм бӧрти ті понданныд нимкодясьны асланыд шудысь, ӧд асланыд муӧ бергӧдчӧм бӧрын тіянлы вичмас кык пӧв унджык му, тіян нимкодясьӧмлы оз ло помыс.

Исай 65:14

Менам кесйӧгъясӧй пондасны нимкодясьны, а тіянлы лоӧ юръяндзим. Менам кесйӧгъясӧй пондасны сьывны, налӧн сьӧлӧмныс тырас ыджыд нимкодьлунӧн, а ті понданныд горзыны шогсьӧмныдла, понданныд бӧрдны лов топӧдӧмысь.

Исай 65:18

Но ті понданныд пыр гажӧдчыны-нимкодясьны сыысь, мый Ме кута вӧчны. Со, Ме вӧча Ерусалим гажӧдчанінӧн, сэні олысьясӧс – нимкодясьысь войтырӧн.

Исай 66:10

Гажӧдчӧй Ерусалимкӧд, нимкодясьӧй сыӧн ставныд, кодъяс радейтанныд сійӧс. Нимкодясьӧй сыкӧд ставныд, кодъяс бӧрдінныд сы вӧсна.

Еремей 31:7

Господь тадзи висьталӧ: – Долыда сьылӧй Яковлӧн рӧд йылысь, гораа ошкӧй медыджыд войтырӧс. Юӧртӧй, ошкӧмӧн шуалӧй: «Господьӧй, мезды Ассьыд войтыртӧ, Израильлысь коляссӧ!»

Осий 4:7

Кымын содӧ попъяслӧн лыдыс, сымын содӧ Меным паныд мыжныс. Налысь нималӧмсӧ Ме бергӧда яналӧмӧ.

Левит 26:13

Ме – Господь, тіян Енныд. Ме петкӧді тіянӧс Египет муысь, медым ті энӧ олӧй кесйӧг туйын. Ме мезді тіянӧс сийӧс улысь, медым ті веськӧдчӧмӧн ветлӧдлінныд».

Закар 10:8

– Ме чукӧста найӧс, чукӧрта ставнысӧ, ӧд Ме ньӧби найӧс, и найӧ важ мозыс бара лоӧны уна лыда войтырӧн.

Закар 2:11

Сійӧ лунӧ уна мукӧд войтыр локтасны Господь дінӧ да лоӧны Сылӧн войтырӧн. Господь кутас овны тэ ордын, и тэ тӧдмалан, мый Господь Саваоф мӧдӧдіс менӧ тэ дінӧ.

Закар 8:23

Господь Саваоф тадзи висьталӧ: сійӧ лунъясӧ быд иудейлӧн паськӧм бӧждорӧ кутчысясны мукӧд войтыръясысь дас морт, ас кыв вылас найӧ шуасны: «Ми тэкӧд мунам, ӧд ми кывлім, мый тэнад войтыркӧд Ен».

Лука 11:22

Но сы вылӧ кӧ уськӧдчас сыысь вынаджык, дерт, вынаджыкыс вермас сійӧс, мырддяс шыпуртсӧ, мый вылӧ сійӧ лача кутіс, да юклас босьтӧм эмбурсӧ.

Ап. уджъяс 8:8

Став карыс ёна нимкодясис.

Филипӧ 4:4

Дугдывтӧг нимкодясьӧй Господь пытшкын! Нӧшта шуа: нимкодясьӧй!

1 Петыр 1:8

Кристосӧс ті энӧ аддзылӧй, но Сійӧ муса тіянлы. Ті онӧ на аддзӧй Сійӧс, но эсканныд Сылы. Тіян сьӧлӧмныд тырӧма ыджыдсьыс-ыджыд нимкодьлунӧн, та йылысь он вермы весиг висьтавнысӧ.

Ёрдысьяс 5:3

Ӧксыяс, кывзӧй! Юралысьяс, кывзӧй! Ме кута сьывны Господьлы, кута ошкыны Господьӧс, Израильлысь Енсӧ!

Ёрдысьяс 7:22

Куимсё израильса тышкамортлӧн буксігкості Господь вӧчис сідзи, мый мадиансаяс виалісны ӧта-мӧднысӧ. А коляс тышкайӧзыс пышйисны Церера карлань Бет-Шитта карӧдз да Авел-Мехола кар дорӧдз, Табат карсянь матӧ.

Ёрдысьяс 8:12

Мадианса Зевей да Салман ӧксыяс пышйисны. Гедеон суӧдіс да кутіс найӧс, а налӧн тышкайӧзыс повзьӧмнысла шӧйӧвошисны.

Ӧксыяслӧн 1 небӧг 30:16

[Давид кыв сетіс.] Мӧдыс нуӧдіс. Воӧм бӧраныс аддзисны, мый быдлаӧ паськӧдчӧмаӧсь амаликъяс, найӧ сёйӧны-юӧны да гажӧдчӧны. Тадзи амаликъяс нимкодясисны, мый унатор вермисны курыштны Филистим да Иуда муясысь.