Исай 8:9 - Коми Библия 2023

⁹ Дзӧрӧй-тіралӧй, войтыръяс! Сюся кывзӧй, ылі муын олысьяс! Дасьтысьӧй тыш кежлӧ, но полӧй-тіралӧй! Дасьтысьӧй тыш кежлӧ, но полӧй-тіралӧй!

Исай 8:9 Iomraidhean Croise

Ӧксыяслӧн 3 небӧг 20:11

Израильса ӧксы шуис юӧр вайысьяслы: «Висьталӧй ӧксыныдлы, мед оз ошйысь тышӧ дасьтысигӧн, а мед ошйысяс тыш бӧртиыс».

Шусьӧгъяс 11:21

Тӧд, мый лёк морт мыждытӧг оз коль, а веськыда олысьлӧн рӧдыс мездмас.

Исай 28:13

Господьлӧн кывйыс лоӧ налы татшӧм: тшӧктӧм бӧрся тшӧктӧм, тшӧктӧм бӧрся тшӧктӧм, велӧдӧм бӧрся велӧдӧм, велӧдӧм бӧрся велӧдӧм, татысь мыйкӧ, сэтысь мыйкӧ. Найӧ мунасны, усясны да доймасны. Найӧ веськаласны налькйӧ, и найӧс кутасны.

Исай 37:36

Локтіс Господьлӧн анделыс да ассурса тышкайӧзлӧн чукӧртчанінын виис сё кӧкъямысдас вит сюрс мортӧс. Асывнас ловйӧн кольӧм ассурсаяс садьмисны да аддзисны, мый гӧгӧр туплясьӧны шойяс.

Исай 54:15

Уськӧдчас кӧ кодкӧ тэ вылӧ, тайӧ абу Месянь. Коді уськӧдчас тэ вылӧ, сійӧ ачыс усяс.

Еремей 42:11

Ӧні ті поланныд вавилонса ӧксыысь. Энӧ полӧй сыысь, – висьталӧ Господь, – ӧд Ме тіянкӧд. Ме видза тіянӧс, мезда тіянӧс сылӧн киысь.

Еремей 46:3

– Дасьтӧй ичӧт и ыджыд сайӧдъяс, петӧй тышӧ!

Еремей 46:4

Доддялӧй вӧвъяснытӧ, сӧлӧй тарантасӧ! Пасьталӧй юртупкӧднытӧ, ёсьтӧй шынытӧ, пасьталӧй кӧрт кышӧднытӧ!

Еремей 51:20

– Вавилон, тэ – Менам мӧлӧтӧй, Менам тышкасянторйӧй, тэӧн Ме пасьвартлі войтыръясӧс, тэӧн пазӧдлі муяс.

Езекиль 38:7

Дасьтысьӧй тышӧ, тэ да став чукӧртчӧм тышкайӧзыс! Тэ лоан налӧн веськӧдлысьӧн.

Езекиль 38:8

Уна кад мысти тэ ковман. Сэки тэ уськӧдчан сійӧ му вылӧ, кӧні кар-сиктъяссӧ лэптӧма тыш бӧрын, и кытчӧ олысьяссӧ чукӧртӧма мукӧд войтыръяс пӧвстысь. Тэ уськӧдчан Израиль керӧсъяс вылӧ, кӧні дыр кад чӧж некод эз ов, но кытчӧ олысьясыс бергӧдчӧмаӧсь мукӧд войтыръяс пӧвстысь. Найӧ повтӧг олӧны,

Нав Исус 11:5

Чукӧртчӧм бӧрын ӧксыяс сувтісны Мером ты дорӧ, медым уськӧдчыны Израиль вылӧ.