Исай 8:10 - Коми Библия 2023

¹⁰ Мӧвпалӧй да дасьтысьӧй, но тіян мӧвпыштӧманыд оз збыльмы. Сёрнитчӧй ӧта-мӧдныдкӧд, но тіян нинӧм оз артмы. Ӧд миянкӧд Ен!

Исай 8:10 Iomraidhean Croise

Олӧм 21:22

Сійӧ кадас Авимелек [Ахузаткӧд, коді колльӧдіс Авимелеклысь гӧтырпусӧ кӧлысь дырйи,] да тышкайӧзӧн веськӧдлысь Пикол шуисны Ӧвраамлы: «Тэкӧд Ен, Сійӧ быдторйын отсалӧ тэныд.

Ӧксыяслӧн 2 небӧг 15:31

Давидлы юӧртісны, Ахитофел пӧ ӧтувтчӧма Авессаломкӧд. Сэки Давид пондіс кевмысьны: «Господьӧй, [Енмӧй,] вӧч сідзи, мед Ахитофеллӧн шуӧм-вӧзйӧмыс лоӧ мывкыдтӧм вӧзйӧмӧн».

Ӧксыяслӧн 2 небӧг 17:23

Кор Ахитофел аддзис, мый сылысь вӧзйӧмсӧ ӧтдортісны, пуксис осёл вылӧ да муніс гортас, аслас карӧ. Гортсаясыслы висьталіс, мый вӧчны керканас, сэсся та бӧрти джагӧдчис. Сылысь шойсӧ пуктісны батьыслӧн дзебанінӧ.

Ӧксыяслӧн 2 небӧг 17:4

Ахитофеллӧн вӧзйӧмыс сьӧлӧм вылас воис Авессаломлы да израильса став юрнуӧдысьлы.

Ӧксыяслӧн 4 небӧг 6:12

Веськӧдлысьяс пӧвстысь ӧти шуис: «Некод, ӧксыӧй-ыджыдӧй. Но Израильын эм Елисей нима пророк. Сійӧ висьтавлӧ израильса ӧксылы ставсӧ, весиг сійӧ, мый йылысь тэ, ӧксыӧй, сёрнитан аслад узьлан жырйын».

2 Каднебӧг 13:12

Енмыс миянкӧд, Сійӧ – миян юралысьным. Кор Сылӧн попъясыс кутасны тутсыны трубаясӧ, ми петам тышӧ тіянлы паныд. А ті, Израиль войтыр, энӧ тышкасьӧй Господькӧд, тіян батьяслӧн Енкӧд, ӧд тіян оз ло вермӧмыс».

Иов 5:12

Наян йӧзлысь мӧвпъяссӧ Сійӧ дзугӧ, налӧн уджъясыс оз артмыны,

Псалтыр 21:12

Эн ылыстчы меысь, ӧд шогыс матын, а отсӧг сетысьыс абу.

Псалтыр 46:1

Сьылысьясӧн веськӧдлысьлы. Корей пиянлӧн псалом.

Псалтыр 46:7

Сьылӧй Енлы, сьылӧй! Сьылӧй миян Ӧксылы, сьылӧй!

Псалтыр 46:8

Ӧд Енмыс став му пасьтала Ӧксы. Сьылӧмӧн ошкӧй Сійӧс!

Шусьӧгъяс 21:30

Господьтӧгыд мывкыдлуныс абу, вежӧрыс абу, и туйдӧдӧмыс абу.

Исай 14:27

Господь Саваоф тадзи шуис, и коді вермас вежны тайӧс? Сійӧ нюжӧдӧма кисӧ, и коді вермас вештыны сійӧс?

Исай 28:18

Кулӧмыскӧд тіян йитӧдныд орас, пыдӧстӧминыскӧд тіян сёрнитчӧмныд торксяс. Кор вӧрӧг ыльӧбтас бырӧдны, сэки тіянӧс лоӧ талялӧма.

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Исай 43:5

Эн пов, Ме тэкӧд! Асыввывсянь Ме вайӧда тэсянь чужысьясӧс, рытыввывсянь чукӧрта тэнсьыд войтыртӧ.

Исай 7:14

Но Господь Ачыс петкӧдлас тіянлы пас: со, ныв сьӧктас, сэсся пи чужтас, Эммануил ним Сылы пуктас.

Исай 8:8

визувтас став Иуда му пасьтала да ойдӧдас сійӧс ставнас, и ваыс лоӧ голявыйӧдз. Сійӧ паськӧдас ассьыс бордъяссӧ став Тэнад му пасьтала, Эммануил.

Исай 9:6

Ӧд миянлы чужис кага, миянлы сетӧма пи. Ыджыдалӧмсӧ пуктӧма Сылы пельпом вылас. Сылы сетӧма ним: Шензьӧдана Туйдӧдысь, Вына Ен, Пыр олысь Бать, Лӧньлунсӧ вайысь Ӧксы.

Еремей 42:11

Ӧні ті поланныд вавилонса ӧксыысь. Энӧ полӧй сыысь, – висьталӧ Господь, – ӧд Ме тіянкӧд. Ме видза тіянӧс, мезда тіянӧс сылӧн киысь.

Еремей 46:28

Эн пов, Менам Яков кесйӧгӧй, – висьталӧ Господь, – Ме тэкӧд! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Бӧрданкыв 3:37

Кодлӧн шуӧмыс инӧ? Оз-ӧ Господьлӧн, коді тшӧктӧ иннысӧ?

Йоиль 3:9

Юӧртӧй войтыръяс пӧвстын: – Дасьтысьӧй ыджыд тыш кежлӧ, чукӧртӧй тышкайӧзӧс! Петӧй тышӧ, вермасьысьяс!

Аггей 1:13

Сэки Аггей, кодӧс Господь мӧдӧдіс, юӧртіс войтырыслы: «Ме тіянкӧд! – висьталӧ Господь».

Лыд 14:9

Энӧ кыпӧдчӧй Господьлы паныд! И сэтчӧс войтырысь энӧ полӧй! Няньӧс моз ми ньылыштам найӧс! Дорйысьыс налӧн абу, а миянкӧд Господь. Энӧ полӧй наысь!»

Матвей 1:23

– Ныв сьӧктас, сэсся пи чужтас. Эммануил ним Сылы пуктасны. Нимыс висьталӧ: миянкӧд Ен.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Римӧ 8:13

Оланныд кӧ вир-яй серти, куланныд, а Ен Лолӧн кӧ вианныд тшыкӧм уджъяснытӧ, понданныд овны.

Римӧ 8:31

Мый та вылӧ шуам? Енмыс кӧ миян дор, коді миянлы паныд?

Индӧд 20:1

«Кор ті петанныд тышӧ да аддзанныд, мый вӧрӧглӧн вӧв-тарантасыс да тышкайӧзыс унджык тіян дорысь, энӧ полӧй, ӧд тіянкӧд Господь, тіян Енныд, коді петкӧдіс тіянӧс Египет муысь.

Нав Исус 1:5

Тэныд паныд сувтны некод оз вермы став тэнад олан лунъяс чӧжыд. Ме лоа тэкӧд, кыдзи вӧлі Мӧисейкӧд. Ог эновт да ог коль тэнӧ.

1 Иоан 4:4

Челядь, ті Енсянь. Ті верминныд ылӧгпророкъясӧс, ӧд тіян пытшкын Олысьыс ёна ыджыдджык муюгыдсасьыс.