Исай 7:8 - Коми Библия 2023

⁸ Дамаскыс ӧд сӧмын Арамлӧн юркар, и Рециныс ӧд сӧмын Дамаскын юралӧ. Коляс квайтымын вит во, и Ефрем войтыр оз ло войтырӧн.

Исай 7:8 Iomraidhean Croise

Олӧм 14:15

Войнас сійӧ юкліс ассьыс тышкайӧзсӧ чукӧръяс вылӧ, уськӧдчис Лотӧс пленӧ босьтысьяс вылӧ да пасьвартіс найӧс. Ловйӧн кольысьясӧс вӧтӧдісны Дамаск войвывладорса Ховаӧдз.

Ӧксыяслӧн 2 небӧг 8:6

Дамаскӧ Давид сувтӧдаліс ассьыс тышкакотыръяссӧ. Тадзи арамейяс шедісны Давидлӧн кипод улӧ да кутісны мынтыны сылы вот. Господь быд тышын отсаліс Давидлы вермыны.

Ездра 4:2

Найӧ локтісны Зоровавель да рӧдкутысьяс дінӧ да шуисны: «Лэдзӧй миянлы тіянкӧд ӧтвыв лэптыны крамсӧ, ӧд ми тіян моз юрбитам тіян Енлы. Сійӧ кадсяньыс, кор ассурса Асардан ӧксы вайис миянӧс татчӧ, ми вись ваям тіян Енлы».

Исай 8:4

Ӧд сійӧ кадӧдзыс на, кор тайӧ кагаыс велалас ”бать” да ”мам” кывъяс шуны, Дамаскысь озырлунсӧ да Самарияысь эмбурсӧ ваясны ассурса ӧксы водзӧ».

Исай 9:11

Господь кыпӧдіс Рецинлы паныд сылысь вӧрӧгсӧ, ышӧдіс сылы паныд сійӧс мустӧмтысьясӧс.

Исай 9:9

Та йылысь тӧдмаліс став войтырыс, Ефремын да Самарияын олысьяс. Найӧ тшапа да ышнясьӧмӧн сёрнитӧны:

Еремей 49:23

Дамаск йылысь. – Хамат да Арпад каръясын олысьяс шӧйӧвошӧмаӧсь лёк юӧр кылӧмысь, полӧмнысла найӧ саридз моз шызьӧмаӧсь, оз вермыны лӧньнысӧ.

Езекиль 27:18

Дамаск ньӧбасис тэнсьыд, ӧд тэнад лыдтӧм-тшӧттӧм вузӧсыд кыскис сійӧс тэ дінӧ. Ачыс сійӧ вузаліс тэныд хелбонса вина да еджыд вурун.

Осий 13:1

– Ефремлӧн сёрнитігӧн йӧзыс тіралісны. Израиль чужанкотыръяс пӧвстын сійӧ вӧлі медтӧдчана, но Ваал вӧсна сійӧ мыжмис да куліс.