Исай 7:20 - Коми Библия 2023

²⁰ Сійӧ лунӧ Господь кушӧдз шырас юрсинытӧ, тошнытӧ да яндзим гӧннытӧ ю мӧдлапӧлысь медалӧм ассурса ӧксылӧн шыранӧн.

Исай 7:20 Iomraidhean Croise

Исай 1:5

Гашкӧ, бара нӧйтны тіянӧс, ӧд ті пыр на асныраланныд. Тіян юрныд ставнас доймалӧма, пытшкӧсныд ставнас висьӧ.

Исай 10:15

Чер ӧмӧй ошйысьӧ чернас керасьысь водзын? Пила ӧмӧй ошйысьӧ пилитчысь водзын? Бедь ӧмӧй шенасьӧ мортӧн, коді сійӧс киас кутӧ? Бедь ӧмӧй лэптӧ мортӧс, кодӧс абу пуысь вӧчӧма?

Исай 11:15

Господь косьтас Египетса саридзлысь куръясӧ, нюжӧдас юлань Ассьыс кисӧ да кыпӧдас ыджыд тӧвныр, Сійӧ юкас юсӧ сизим шор вылӧ, и йӧзыс сэті подӧн вуджасны.

Исай 36:1

Езекей ӧксылӧн дас нёльӧд веськӧдлан воӧ ассурса Сеннахирим ӧксы уськӧдчис иудаса изкаръяс вылӧ да босьтіс найӧс.

Исай 8:7

Та вӧсна Ме, Господь, вайӧда тайӧ войтырыс вылӧ паськыда визувтысь да гораа бузгысь ю – ассурса ӧксыӧс став сылӧн выннас. Сійӧ паськалас ойдӧм ва моз, петас став аслас берегъясысь,

Исай 9:13

Господь нӧйтіс войтырсӧ, но найӧ эз бергӧдчыны Сы дінӧ, эз шыасьны Господь Саваоф дінӧ.

Еремей 2:18

Мый бурыс тэныд сыысь, мый тэ мунан Египетӧ, медым юны Нил юысь васӧ? Мый бурыс тэныд сыысь, мый тэ мунан Ассурӧ, медым юны Ефрат юысь васӧ?

Езекиль 29:18

«Морт пиӧй, Тиркӧд тышкасигӧн вавилонса Навукодоносор ӧксы ёна уджӧдіс ассьыс тышкайӧзсӧ. Тышкайӧзлӧн юрсиныс гылалӧма, налысь пельпомнысӧ зыртӧма. Навукодоносорлы да сылӧн тышкайӧзыслы эз вичмы некутшӧм удждон Тиркӧд тышкасьӧмысь.

Езекиль 29:20

Удждон пыдди Ме сета Навукодоносорлы Египет му, ӧд сылӧн тышкайӧзыс уджалісны Меным, – висьталӧ Господь Ыджыдыс.