Исай 66:5 - Коми Библия 2023

⁵ Кывзӧй Господьлысь кывсӧ ті, кодъяс вежавидзанныд Сылӧн кывйысь: – Тіянӧс мустӧмтысь вокъясныд, Менам ним вӧсна тіянӧс ӧтдортысьяс, шуалӧны: «Мед Господь петкӧдлас Ассьыс дзирдлунсӧ, и ми видзӧдлам тіян гажӧдчӧм вылӧ». Но тіянӧс мустӧмтысьясӧс лоӧ янӧдӧма.

Исай 66:5 Iomraidhean Croise

Ӧксыяслӧн 3 небӧг 21:29

«Видзӧд, кутшӧма Ахав раммӧдчис Ме водзын. Раммӧдчӧмыс вӧсна сылӧн олан лунъяс дырйи Ме ог ысты шогсӧ. Но пиыслӧн олан лунъяс дырйи Ме ыста шогсӧ Ахавлӧн рӧдыс вылӧ».

Ӧксыяслӧн 4 небӧг 22:10

Нӧшта Шафан содтіс, Хилки поп пӧ сетіс меным небӧг. Шафан лыддис сійӧс ӧксылы.

2 Каднебӧг 34:27

”Тэ небзьӧдін сьӧлӧмтӧ да раммӧдчин Ме водзын, кор тэ кылін, мый Ме висьтавлі тайӧ карыс да сэні олысьяс йылысь. Тэ раммӧдчин Ме водзын, косялін паськӧмтӧ да бӧрдін Ме водзын, та вӧсна Ме кылі тэнӧ, – висьталӧ Господь. –

Ездра 9:4

Ме дінӧ чукӧртчисны найӧ, кодъяс полісны локтӧмаяслӧн мыж вӧсна Израиль Енлӧн мыждӧмысь. Шогалӧмӧн ме пукалі рытъя вись ваян кадӧдз.

Шусьӧгъяс 13:13

Коді мустӧмтӧ туйдӧдӧмсӧ – аслыс лёксӧ вӧчӧ, а коді пыдди пуктӧ тшӧктӧмъяссӧ – тырдон босьтӧ.

Сьылан 1:6

Висьтав меным, мусукӧй, кӧні ыжъястӧ йирсьӧдан, кӧні луншӧрнас найӧс шойччӧдан. Мыйла меным шӧйтны, мыйла корсьны тэнӧ ыж видзысьяс пӧвстысь? (Зон:)

Исай 26:11

Господьӧй, Ассьыд китӧ Тэ лэптӧмыд вылӧ, но лёк вӧчысьяс оз аддзыны сійӧс. А кор аддзасны, лоӧ юръяндзим налы, кодъяс мустӧмтӧны Тэнсьыд войтыртӧ. Тэныд паныд сувтысьясӧс сотас би.

Исай 5:19

Найӧ шуалӧны: «Мед ӧдйӧджык тыдовтчасны Господьлӧн уджъясыс, медым ми аддзим найӧс. Мед ӧдйӧджык инасны Израильлӧн вежа Енлӧн кывъясыс, медым ми казялім тайӧс».

Исай 60:15

Тэнӧ вӧлі эновтӧма, тэнӧ ёна мустӧмтісны, некод эз волы тэ дінӧ. Но Ме нимӧда тэнӧ нэмъяс чӧж, вӧча тэнӧ нимкодьлунӧн водзӧ чужысьяслы.

Исай 65:13

Та вӧсна Господь Ыджыдыс тадзи висьталӧ: – Менам кесйӧгъясӧй кутасны сёйны, а ті кутанныд тшыгъявны, Менам кесйӧгъясӧй кутасны юны, а тіян горшныд пондас косьмыны,

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Еремей 36:16

Кывзӧм бӧраныс найӧ повзьӧмӧн видзӧдлісны ӧта-мӧдныс вылӧ да шуисны Баруклы: «Миянлы быть колӧ висьтавны ӧксылы став тайӧ кывъяссӧ».

Осий 11:10

Господь равӧстас лев моз, и Ефрем мунас Сы бӧрся. Господь равӧстас – сэки тіралӧмӧн локтасны рытыввывсянь Сылӧн пияныс,

Матвей 10:22

Менам ним вӧсна унаӧн мустӧмтасны тіянӧс, но сьӧкыдсӧ помӧдз нуысь мездмас.

Лука 13:17

Исуслӧн кывъясысь яналісны Сылы паныд сувтысьяс. Йӧзыс, мӧдарӧ, нимкодясисны Сылӧн чуймӧдана уджъясысь.

Иоан 16:2

Тіянӧс вӧтласны синагогаысь. Весиг воас сэтшӧм кад, кор тіянӧс виысьяс кутасны чайтны, мый татшӧм ногӧн найӧ кесъялӧны Енмыслы.

Иоан 9:34

Сылы вочавидзисны: «Тэ дзоньнас мыж пытшкын чужӧмыд, а лысьтан миянӧс велӧдны!» Сэсся вӧтлісны сійӧс.

2 Фессалоникаӧ 1:12

Сэки миян Господь Исус Кристослысь нимсӧ лоӧ ошкӧма тіян пыр, а тіянӧс – Сы пыр, миян Ен да Господь Исус Кристослӧн буралӧмыс кузя.

Титлы 2:13

виччысим вына Енлысь да миян Мездысь Исус Кристослысь дзирдлуна воссьӧмсӧ да шуда лачанымлысь збыльмӧмсӧ.

Еврейяслы 9:28

Тадзи Кристос ӧтчыдысь вайис Асьсӧ вись пыдди, медым бырӧдны мыжсӧ став йӧзыслысь. Мӧдысь Сійӧ локтас оз мыж бырӧдӧм могысь, но медым мездыны найӧс, кодъяс виччысьӧны Сійӧс.

1 Иоан 3:13

Энӧ шензьӧй, вокъясӧй, муюгыдсаыс кӧ мустӧмтӧ тіянӧс.