Исай 61:9 - Коми Библия 2023

⁹ Насянь чужысьясӧс нимӧдасны войтыръяс пӧвстын, найӧс аддзысьяс гӧгӧрвоасны, мый тайӧ войтырсӧ бурсиӧма Господь.

Исай 61:9 Iomraidhean Croise

Олӧм 22:18

Сыысь, мый тэ кывзысин Менсьым, тэсянь чужысьяс пыр вуджас бурсиӧмыс быд войтырлы».

Олӧм 30:27

Лаван шуис сылы: «Ло бур сьӧлӧма, кывзы менӧ! Ӧні ме тӧда, мый тэ вӧсна Господь бурсиис менӧ.

Исай 43:5

Эн пов, Ме тэкӧд! Асыввывсянь Ме вайӧда тэсянь чужысьясӧс, рытыввывсянь чукӧрта тэнсьыд войтыртӧ.

Исай 44:3

Потласьӧм му вылӧ Ме кисьта ва, косьмӧм му вылын писькӧда юяс. Тэсянь чужысьяс вылӧ Ме кисьта Ассьым лолӧс, тэнад челядь вылӧ – Ассьым бурсиӧмӧс.

Исай 53:10

Господьлӧн вӧлі шуӧма дойдны Сійӧс, мӧдӧдны Сылы сьӧкыдлунъяс. Но кор Сійӧ Асьсӧ ваяс мыж вештан вись пыдди, Сійӧ аддзас Сысянь чужысьясӧс, кодъяс кутасны дыр овны. Господьлӧн кӧсйӧмыс инас Сы пыр.

Исай 65:23

Найӧ оз пондыны мырсьыны-уджавны весьшӧрӧ, оз кутны чужтыны челядьӧс шог вылӧ. Ме, Господь, бурсиа найӧс, тшӧтш налысь челядьсӧ.

Исай 66:22

Кыдзи выль енэжыс да выль муыс, кодъясӧс Ме вӧча, пыр лоӧны Ме водзын, тадзи тіянсянь чужысьяс да тіян нимныд пыр лоӧны Ме водзын, – висьталӧ Господь. –

Еремей 31:7

Господь тадзи висьталӧ: – Долыда сьылӧй Яковлӧн рӧд йылысь, гораа ошкӧй медыджыд войтырӧс. Юӧртӧй, ошкӧмӧн шуалӧй: «Господьӧй, мезды Ассьыд войтыртӧ, Израильлысь коляссӧ!»

Закар 8:13

Иуда войтыр да Израиль войтыр, ті вӧлінныд мукӧд войтыръяс пӧвстын ёрӧмӧн, но Ме мезда тіянӧс, и ті лоанныд бурсиӧмӧн. Энӧ полӧй, лоӧй зумыдӧсь!

Малакий 3:12

Сэки войтыръяс шуасны тіянӧс майбыръясӧн, ӧд тіян муын олӧмыс лоӧ вывті бур, – висьталӧ Господь Саваоф.

Лыд 22:12

Ен вочавидзис Валаамлы: «Эн мун накӧд. Эн ёр Египетысь локтӧм войтырӧс, ӧд сійӧ бурсиӧм войтыр».

Ап. уджъяс 3:26

Ен ловзьӧдіс Ассьыс Писӧ, Исусӧс, да мӧдӧдіс Сійӧс медводз тіян дінӧ, медым бергӧдны тіянӧс лёксьыс да бурсины тіянӧс».