Исай 60:2 - Коми Библия 2023

² Мусӧ вевттяс пемыдыс, сап пемыдыс вевттяс войтыръясӧс, но тэ весьтын петкӧдчас Господь, тэ весьтын тыдовтчас Сылӧн дзирдлуныс.

Исай 60:2 Iomraidhean Croise

Ӧксыяслӧн 3 небӧг 8:11

Кымӧр вӧсна попъяс эз вермыны водзӧ кесъявны, ӧд Господьлӧн дзирдлуныс тыртіс Господьлысь крамсӧ.

Псалтыр 102:16

Тӧв пӧльыштас, и сійӧ абу, некод оз нин казьтыв сы йылысь.

Псалтыр 80:1

Сьылысьясӧн веськӧдлысьлы. Ворсӧны гефса ворсанторйӧн. Асафлӧн псалом.

Исай 2:5

Яковсянь чужысьяс, локтӧй, кутам овны Господьлӧн югыдас!

Исай 4:5

Сэки Господь ставнас Сион керӧссӧ да сэні гажӧдчыны чукӧртчысьясӧс луннас вевттяс кымӧрӧн, а войнас вевттьӧд пыдди лоӧ тшын да ыпъялысь би. Тадзи ставсӧ лоӧ вевттьӧма дзирдлунӧн.

Исай 58:10

тшыгъялысьлы кӧ сетан сьӧлӧмсяньыд, коньӧрӧс кӧ вердан, сэки тэнад югыдыд тыдовтчас пемыдас, и тэнад пемыдыд лоӧ лунъюгыд кодь.

Исай 58:8

Сэки тэнад югыдыд тыдовтчас асъя кыа моз, и тэ регыдӧн бурдан. Тэнад веськыдлуныд мунас тэ водзвывті, а бӧрвывсяньыд тэнӧ видзас Господьлӧн дзирдлуныс.

Исай 62:1

Сион вӧсна ог кут чӧв овны, Ерусалим ради ог дугды висьтавлыны, кытчӧдз сылӧн веськыдлуныс оз воссьы югыд моз, сылӧн мездмӧмыс оз тыдовтчы ӧзъялысь би моз.

Исай 66:11

Ті понданныд сёйны да пӧткӧдчыны сылӧн бурӧдан морӧсысь, понданныд нимкодясьны да пӧттӧдзныд юны сылӧн лышкыда вердысь морӧсысь.

Исай 8:22

Найӧ видзӧдласны вывлань, синнысӧ чӧвтласны му вылӧ да аддзасны: гӧгӧр шог да сап пемыд, гӧгӧр сьӧд пемыд. Найӧс лоӧ йӧршитӧма пемыдас. Но оз век ло пемыд сэні, кӧні ӧні сійӧ сукмӧма.

Еремей 13:16

Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.

Езекиль 10:4

Господьлӧн дзирдлуныс кыпӧдчис херувимъяс вылысь да вуджис крам ӧдзӧслань. Крамсӧ тыртіс кымӧр, а крам йӧрыс тырис Господьлӧн дзирдлунӧн.

Левит 9:23

да Мӧисейкӧд пырис вежа чомйӧ. Сэсся сэтысь петӧм бӧрын найӧ бурсиисны войтырсӧ. Сэки Господьлӧн дзирдлуныс петкӧдчис став войтырлы.

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Лыд 16:19

Корей чукӧртіс вежа чом пыранін дорӧ став войтырсӧ, медым Мӧисейлы да Ааронлы паныд кыпӧдны найӧс. Сэки став войтырыс аддзис Господьлысь дзирдлунсӧ.

Матвей 15:14

Кольӧй найӧс. Найӧ синтӧмӧсь, и синтӧмъясӧс нуӧдӧны. Синтӧм кӧ нуӧдӧ синтӧмӧс, кыкнанныс гуранӧ усясны».

Матвей 23:19

Синтӧмъяс! Мый ыджыдджык: вайӧмторйыс али вайӧмторсӧ вежӧдысь висьпуктаніныс?

Матвей 23:24

Синтӧм нуӧдысьяс! Номйӧс сӧдзӧданныд да верблюдӧс ньылаланныд!

Иоан 1:1

Медводз Кыв вӧлі. Кывйыс Енкӧд вӧлі. Кывйыс Ен вӧлі.

Иоан 1:14

Кывйыс лоис мортӧн, Сійӧ оліс миянкӧд буралӧм-збыльнас тыр. Ми аддзылім Сылысь дзирдлунсӧ. Сӧмын ӧтка Пиыслы вуджӧ татшӧм дзирдлуныс Батьсяньыс.

Иоан 1:18

Йӧзыс Енсӧ эз аддзывлыны, сӧмын ӧтка Пиыс, Бать дінас олысьыс, восьтіс Сійӧс миянлы.

Иоан 8:55

Ті онӧ тӧдӧй Сійӧс, а Ме тӧда. Ме кӧ шуа, мый ог тӧд Сійӧс, сэки лоа тіян кодь пӧръясьысьӧн. Но Ме тӧда Сійӧс да ола Сылӧн кывъясыс серти.

Ап. уджъяс 14:16

Воддза кадъясӧ Сійӧ быд войтырлы лэдзис ветлыны асланыс туйясӧд.

Ап. уджъяс 17:23

Ветлӧдлігӧн ме видзӧдалі тіянлысь юрбитанінъястӧ да аддзи ”тӧдтӧм енлы” гижӧда висьпуктанін. Буретш тайӧ тӧдтӧм Ен йывсьыс, кодлы ті юрбитанныд, ме и висьтала.

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

Колосӧ 1:13

Сійӧ мездіс миянӧс пемыдыслӧн вын улысь да пыртіс муса Пиыслӧн Юраланінӧ.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.