Исай 60:18 - Коми Библия 2023

¹⁸ Тэнад муын водзӧ оз ло виалӧм-дзескӧдӧм, оз ло мырддялӧм да бырӧдӧм тэнад муын. Аслад стенъяслы тэ сетан ”Мездӧм” ним, аслад дзиръяяслы – ”Ошкӧм” ним.

Исай 60:18 Iomraidhean Croise

Ӧксыяслӧн 2 небӧг 7:10

Ме торйӧда Аслам Израиль войтырлы му да вужйӧда найӧс сэтчӧ. Найӧ лӧня да повтӧг кутасны овны асланыс муын. Лёк вӧчысьяс оз кутны дзескӧдны найӧс воддза мозыс,

Исай 11:9

Менам вежа керӧс вылын оз нин пондыны вӧчны лёксӧ. Кыдзи саридзыс тырӧма ваӧн, сідзи муыс лоӧ тырӧма Господьӧс тӧдӧмӧн.

Исай 2:4

Господь отсалас воны ӧти кывйӧ войтыръяслы, кутас веськыда мыждыны чужанкотыръясӧс. Сэки йӧзыс дорасны шыпуртъясысь гӧръяс, шыясысь – чарлаяс. Войтыръяс ӧта-мӧдныслы паныд оз нин лэптыны шыпуртсӧ, водзӧ оз кутны велӧдчыны тышкасьны.

Исай 26:1

Сійӧ лунӧ Иуда муын кутасны сьывны татшӧм сьыланкыв: – Миян эм зумыд кар, оз стенъяс да тымӧдъяс видзны сійӧс, а Енмыс видзӧ сійӧс.

Исай 26:2

Восьтӧй дзиръяястӧ, мед пырас сэті веськыда олысь войтыр, коді кутчысьӧ эсканлунас.

Исай 51:19

Кыкпӧвста шог суис тэнӧ: куштӧм да бырӧдӧм, тшыгъялӧм да шыпурт. Коді жалитас тэнӧ? Коді бурӧдас тэнӧ?

Исай 54:14

Веськыдлуныс ёнмӧдас тэнӧ, тэнӧ оз кутны дзескӧдны, тэ он кут повны таысь, тэныд оз вӧчны лёксӧ – сійӧ оз матыстчы тэ дінӧ.

Исай 56:5

Ме сета Аслам керкаын да карын казьтыланпас да ним, и тайӧ лоӧ налы ныв-пи дорысь бурджык на. Ме сета налы бырлытӧм ним, кодӧс оз вунӧдны.

Исай 60:11

Тэнад дзиръяясыд пыр лоӧны восьсаӧсь, лун и вой найӧс оз кутны пӧдлавны, тэныд пондасны вайны войтыръяслысь озырлунсӧ, тэ дінӧ вайӧдасны налысь ӧксыяссӧ.

Исай 60:17

Ыргӧн пыдди Ме вая тэныд зарни, кӧрт пыдди – эзысь, пу пыдди – ыргӧн, из пыдди – кӧрт. Тэнад юралысьӧн Ме инда лӧньлун, тэнад ыджыдалысьӧн – веськыдлун.

Исай 61:11

Кыдзи муыс быдтӧ пуктас-быдтассӧ, кыдзи йӧрын быдмӧны кӧдзӧмторъяс, тадзи Господь Ыджыдыс быдтас веськыдлун, тадзи быдмас-содас Сійӧс ошкӧмыс войтыръяс водзын.

Исай 62:10

Петӧй, петӧй дзиръяясӧд, шыльӧдӧй туйсӧ войтырлы! Дасьтӧй, дасьтӧй туйсӧ, весалӧй изъясысь, кыпӧдӧй дӧрапас войтыръяслы!

Исай 62:4

Тэнӧ оз нин шуны Эновтӧмаӧн, тэнсьыд мутӧ оз шуны Кушинӧн, но тэнӧ нимтасны Господьлӧн олан гажӧн, тэнсьыд мутӧ шуасны Гӧтырӧн, ӧд тэ муса Господьлы, и тэнад муыд оз коль верӧстӧг.

Исай 62:7

Дугдывтӧг кевмысьӧй Господьлы, кытчӧдз Сійӧ выльысь оз сувтӧд Ерусалим, кытчӧдз Сійӧ оз нимӧд Ерусалим карсӧ став му пасьталаыс.

Езекиль 42:20

Морт мурталіс крамлы торйӧдӧм мусӧ нёльнанладорсяньыс. Сійӧс кытшалысь стен быд боксянь вӧлі витсё бедь кузьта. Стенмыс торйӧдіс вежасӧ сыысь, мый абу вежа.

Микей 4:3

Господь отсалас воны ӧти кывйӧ войтыръяслы, кутас веськыда мыждыны ылі муясысь вына чужанкотыръясӧс. Сэки йӧзыс дорасны шыпуртъясысь гӧръяс, шыясысь – чарлаяс. Войтыръяс ӧта-мӧдныслы паныд оз нин лэптыны шыпуртсӧ, водзӧ оз нин кутны велӧдчыны тышкасьны.

Софоний 3:19

Сійӧ кадас Ме мыжда ставнысӧ, кодъяс дзескӧдісны тэнӧ, Сион. Ме мезда чотысьясӧс, чукӧрта вӧтлӧмаясӧс. Быд муын, кӧні вӧлі найӧс янӧдӧма, Ме нимӧда найӧс, быдлаын найӧс кутасны ошкыны.

Закар 2:5

Ме лоа сы гӧгӧр биа стенмӧн, – висьталӧ Господь. – Лоа сы пытшкын дзирдлунӧн».

Закар 2:9

Регыд Ме лэпта киӧс тіянӧс куштысь войтыръяс вылӧ, и налӧн жӧ кесйӧгъясыс куштасны найӧс. Сэки ті тӧдмаланныд, мый Господь Саваоф мӧдӧдіс менӧ.

Закар 9:8

Ме понда видзны Ассьым керкаӧс тышкайӧзысь, кодъяс ветлӧны тайӧ муыс пыр. Водзӧ некод нин оз дзескӧд Менсьым войтырӧс, ӧд Ме Ачым кута видзӧдны сы бӧрся.