Исай 60:11 - Коми Библия 2023

¹¹ Тэнад дзиръяясыд пыр лоӧны восьсаӧсь, лун и вой найӧс оз кутны пӧдлавны, тэныд пондасны вайны войтыръяслысь озырлунсӧ, тэ дінӧ вайӧдасны налысь ӧксыяссӧ.

Исай 60:11 Iomraidhean Croise

Неемий 13:19

Шойччан лун водзвылын, кор Ерусалим дзиръяяс дорын шондіыс саяліс, ме тшӧкті йигнавны дзиръяяс да эг лэдз восьтны шойччан лун помасьтӧдз. Ме сувтӧді дзиръяяс дорӧ ассьым кесйӧгъясӧс, медым нинӧм эз лэдзны вайны карӧ шойччан лунӧ.

Псалтыр 149:8

Найӧ мед кӧрталасны войтыръяслысь ӧксыяссӧ, мед дорасны чепъясӧн налысь юралысьяссӧ.

Исай 24:21

Сійӧ лунӧ Господь мыждас енэжвывса тышкакотыръясӧс енэжас, мувывса ӧксыясӧс – му вылас.

Исай 26:2

Восьтӧй дзиръяястӧ, мед пырас сэті веськыда олысь войтыр, коді кутчысьӧ эсканлунас.

Исай 49:23

Ӧксыяс пондасны тӧждысьны тэнад челядь вӧсна, ӧксыяслӧн гӧтыръясныс пондасны вердны тэнсьыд ныв-питӧ. Найӧ пондасны муӧдз копрасьны тэныд, тэнад кокысь буссӧ нювны. Сэки тэ тӧдмалан, мый Ме – Господь, и Ме вылӧ лача кутысь оз янав.

Исай 56:7

Ме вайӧда Аслам вежа керӧс вылӧ, сета налы нимкодясьны Аслам кевмысян керкаын. Меным шогманаӧсь лоӧны налӧн сотан да мукӧд висьясыс, висьпуктанін вылӧ вайӧмторъясыс. Менам керкаӧй кутас шусьыны став войтыръяслӧн кевмысян керкаӧн.

Исай 60:18

Тэнад муын водзӧ оз ло виалӧм-дзескӧдӧм, оз ло мырддялӧм да бырӧдӧм тэнад муын. Аслад стенъяслы тэ сетан ”Мездӧм” ним, аслад дзиръяяслы – ”Ошкӧм” ним.

Исай 60:5

Тэ аддзан тайӧс да пондан нимкодясьны, тэнад сьӧлӧмыд пондас чеччыны нимкодьысла, ӧд саридзса озырлун ваясны тэныд, войтыръяслысь озырлунсӧ козьналасны тэныд.

Исай 61:6

А тіянӧс пондасны шуны Господьлы кесъялысь попъясӧн, миян Енлӧн кесйӧгъясӧн. Ті понданныд вӧдитчыны войтыръяслӧн озырлунӧн, налӧн нималӧмыс вичмас тшӧтш тіянлы.

Исай 62:10

Петӧй, петӧй дзиръяясӧд, шыльӧдӧй туйсӧ войтырлы! Дасьтӧй, дасьтӧй туйсӧ, весалӧй изъясысь, кыпӧдӧй дӧрапас войтыръяслы!