Исай 59:20 - Коми Библия 2023

²⁰ Сионӧ локтас Мездысь, Сійӧ локтас Яковсянь чужысьяс дінӧ, кодъяс бергӧдчисны мыжъяссьыныс, – висьталӧ Господь.

Исай 59:20 Iomraidhean Croise

Иов 19:25

Но ме тӧда, менам Мездысьӧй ловъя! Сійӧ медбӧръяыс, коді сувтас му вылӧ.

Исай 10:21

Коляс войтырыс бӧр бергӧдчас, Яковсянь чужысьясысь ловйӧн кольӧмаяс бӧр бергӧдчасны вына Ен дінӧ.

Исай 10:22

Израиль, тэнад войтырыдлӧн лыдыс кӧ лоӧ весиг саридздор лыа мында, бергӧдчас сӧмын колясыс. Бырӧдӧмыс лоӧ веськыдлун серти, сійӧ ыльӧбтас ойдӧм ва моз.

Исай 40:9

Сион, бур юӧр вайысь, кыпӧдчы джуджыд керӧс вылӧ! Ерусалим, бур юӧр вайысь, висьтавлы гора шыӧн! Эн пов, висьтавлы иудаса каръяслы: «Со, тіян Енныд!»

Исай 60:16

Мукӧд войтыръяс кутасны йӧлӧн пӧткӧдны тэнӧ, налӧн ӧксыясыс – вердны тэнӧ. Сэки тэ тӧдмалан, мый Ме, Господь, – тэнӧ Мездысьыс, Яковлӧн вына Енмыс – тэнӧ Видзысьыс.

Исай 62:11

Со, Господь юӧртӧ му помӧдзыс: – Висьталӧй Сион нывлы: видзӧд, локтӧ тэнад Мездысьыд, Сыкӧд ставныс, кодъясӧс Сійӧ шедӧдіс, Сылӧн син водзын ставныс, кодъясӧс Сійӧ Аслыс босьтіс.

Даниил 9:13

Миянӧс суисны сійӧ сьӧкыдлунъясыс, мый йылысь висьталӧма Мӧисейлӧн Индӧдын, но ми эгӧ шыасьӧй Тэ дінӧ, Господьӧй, миян Енмӧй, эгӧ дугдӧй вӧчны мыжсӧ, эгӧ кутчысьӧй Тэнад збыляд.

Йоиль 2:32

И быдӧн, коді шыасяс Господь дінӧ, мездмас. Господьлӧн шуӧм серти мездмӧмыс лоӧ Сион керӧсын да Ерусалимын. Мездмасны найӧ, кодъясӧс корас Господь.

Ап. уджъяс 26:20

Медводз Дамаскын да Ерусалимын, сэсся став Иудея му пасьтала, сэсся нин ентӧдтӧмъяслы висьтавлі, мед бергӧдчасны мыжъяссьыныс Енлань да олӧмнас петкӧдласны тайӧс.

Ап. уджъяс 3:19

Бергӧдчӧй мыжъяссьыныд Енлань, медым Сійӧ вештас тіянлысь мыжъяснытӧ.

Ап. уджъяс 3:26

Ен ловзьӧдіс Ассьыс Писӧ, Исусӧс, да мӧдӧдіс Сійӧс медводз тіян дінӧ, медым бергӧдны тіянӧс лёксьыс да бурсины тіянӧс».

Еврейяслы 12:14

Тӧждысьӧй быдӧнкӧд овны лӧня, лоӧй вежаӧсь, ӧд вежалунтӧг некод оз аддзы Господьӧс.