Исай 59:14 - Коми Библия 2023

¹⁴ Ми ылыстім веськыда мыждӧмсӧ, веськыдлуныс сулалӧ ылын, збыльыс крукасис изэрдйӧ, веськыда вӧчӧмыс оз су миянӧс.

Исай 59:14 Iomraidhean Croise

Ӧксыяслӧн 3 небӧг 21:10

Навотлы воча пуксьӧдӧй кык шогмытӧм мортӧс. Найӧ мед шуасны: ”Тэ омӧльтін Енмӧс да ӧксыӧс”. Та бӧрын петкӧдӧй сійӧс карсьыс да кувтӧдзыс изъялӧй».

Ӧксыяслӧн 3 небӧг 21:11

Навотлӧн карын олысь юрнуӧдысьяс да нималана йӧз вӧчисны, кыдзи тшӧктіс налы Езавель аслас ыстӧм гижӧдын.

Еклесиаст 3:16

Нӧшта ме аддзылі шонді улас, мый ёрдын ыджыдалӧ лёкыс, мыжданінын ыджыдалӧ пӧръясьӧм.

Исай 1:21

Тэ вӧлін эскана войтырлӧн карӧн, а ӧні тэ – кырсалысьяслӧн кар. Водзын тэнад олысьясыд мыждісны да олісны веськыда, а ӧнія олысьясыд – морт виысьяс.

Исай 46:12

Кывзӧй Менӧ, чорыд сьӧлӧмаяс, кодъяс ылынӧсь веськыдлунсьыс.

Исай 5:23

Кор налы сетӧны козин, мыжа мортӧс найӧ лыддьӧны мыжтӧмӧн, а веськыда вӧчысьӧс оз дорйыны.

Исай 5:7

Господь Саваофлӧн виноград йӧрыс – Израиль войтыр. Иуда войтыр – Сылӧн муса быдтасыс. Сійӧ кӧсйис аддзыны веськыда вӧчӧм, но аддзис вир кисьтӧм. Кӧсйис аддзыны веськыда олӧм, но аддзис бӧрдӧм-ойзӧм.

Исай 59:11

Ми ставным равзам ошъяс моз, курксам гулюяс моз. Ми виччысям веськыда мыждӧмсӧ, но сійӧ абу, виччысям мездмӧмсӧ, но сійӧ ылын миянысь.

Исай 59:4

Некод оз мыжды веськыда, ёрд водзын некод оз висьтав збыльсӧ. Ставныс лача кутӧны абутӧмыс вылӧ, висьталӧны ылӧгсӧ. Найӧ новлӧдлӧны ас пытшканыс лёксӧ, чужтӧны лёк вӧчӧм.

Исай 59:9

Та вӧсна веськыда мыждӧмыс ылын миянысь, веськыдлуныс оз во миянӧдз. Ми виччысям югыдсӧ, но гӧгӧр пемыд, виччысям югдӧмсӧ, но ветлам пемыдас.

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Еремей 7:28

Сэки тэ шу налы: тайӧ войтырыс оз кывзы аслас Господь Енлысь гӧлӧс шысӧ, оз сибӧд Сылысь туйдӧдӧмсӧ. Збыльыс вошӧма, ӧд тайӧ войтырыс ӧтдортӧма збыльсӧ.

Даниил 8:12

Быдлунся вись вайӧмысь ӧтдор тшӧтш тышкайӧзӧс налӧн лёк вӧчӧмныс вӧсна вӧлі сетӧма сы киӧ. Збыльсӧ нинӧмӧ пуктӧмӧн сійӧ вӧчис ассьыс уджсӧ, и сылӧн ставыс артмис.

Осий 7:1

Кор Ме бурдӧда Израильӧс, тыдовтчас Ефремлӧн мыжыс, мыччысясны Самариялӧн лёк уджъясыс, ӧд йӧзыс пӧръясьӧны, гусясьысьяс керкаяс куштӧны, туйяс вылын мырддялӧны.

Амос 5:11

Ті дзескӧданныд гӧльясӧс, босьтанныд налысь няньсӧ. Та вӧсна лоас тадзи: ті лэптанныд керкаяс кералӧм ыджыд изъясысь, но сэтчӧ онӧ овмӧдчӧй, ті пуктанныд бур виноград йӧръяс, но сэтчӧс вотӧсысь пычкӧм винасӧ онӧ юӧй.

Амос 5:7

Со, веськыда мыждӧмсӧ ті бергӧдінныд курыд зелляӧ, веськыдлунсӧ муӧ талялінныд!

Амос 6:12

Изкырта вывті ӧмӧй котралӧны вӧвъяс? Верман ӧмӧй ӧшъясӧн гӧрны сэті? А ті бергӧдінныд веськыда мыждӧмсӧ пагӧдан быдмӧгӧ, веськыдлуныслысь вотӧссӧ – курыд зелляӧ.

Аввакум 1:4

Индӧдыс лои вынтӧм, веськыда мыждӧмыс абу. Лёк вӧчысь дзескӧдӧ мыжтӧмӧс, ёрдысьяс оз веськыда мыждыны.