Исай 58:1 - Коми Библия 2023

¹ Горзы гораджыка, эн кут асьтӧ, буксан шы моз гораа горзы! Инды Менам войтырлы налӧн лёк уджъяс вылӧ, инды Яков рӧдлы налӧн мыжъяс вылӧ.

Исай 58:1 Iomraidhean Croise

Исай 2:5

Яковсянь чужысьяс, локтӧй, кутам овны Господьлӧн югыдас!

Исай 27:13

Сійӧ лунӧ ыджыд буксан букӧстас, сэки бӧр локтасны Ассур муӧ вошлӧмаяс да Египет муӧ вӧтлӧмаяс. Ерусалимын, вежа керӧс вылын, найӧ ставныс копыртчасны Господь водзӧ.

Исай 40:6

Ме кылі гӧлӧс шы: – Юӧрт! Ме юалі: – Мый меным юӧртнысӧ? – Мортыс – турун кодь, сылӧн мичлуныс – дзоридз кодь.

Исай 43:27

Тэнад батьыд мыж вӧчис, тэнад веськӧдлысьясыд Меным паныд кыпӧдчисны.

Исай 50:1

Господь тадзи висьталӧ: – Кӧні тіян мамныдлӧн торйӧдчан гижӧдыс, Ме кӧ эновті сійӧс? Меным водзӧсӧн сетысьяс пӧвстысь кодлы Ме вузалі тіянӧс? Тіянӧс вузалӧма асланыд мыжъясныд вӧсна, лёк вӧчӧмныд вӧсна вӧтлӧма тіянлысь мамнытӧ.

Исай 56:10

Израильӧс видзысьяс синтӧмӧсь, ставныс найӧ мывкыдтӧмӧсь – увтны вермытӧм понъяс, найӧ нюжӧдчӧмаӧсь да вугралӧны, радейтӧны узьны.

Исай 57:12

Но Ме петкӧдла тэнсьыд веськыдлунтӧ да тэнсьыд уджъястӧ – таысь тэныд бурыс оз ло.

Исай 59:12

Ӧд ми Тэныд паныд уна лёк вӧчим, миян мыжъясным мыждӧны миянӧс, лёк вӧчӧмъясным век миянкӧд, ми тӧдам ассьыным мыжъяснымӧс.

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Еремей 36:9

Иудаса Ехояким ӧксылӧн, Иосей пилӧн, витӧд веськӧдлан воӧ ӧкмысӧд тӧлысьнас вӧлі юӧртӧма, медым Ерусалимын олысь став войтырыс, тшӧтш иудаса мукӧд каръясысь Ерусалимӧ локтысь став войтырыс видзалісны Господь водзын.

Еремей 6:17

Ме сувтӧді тіянлы видзысьясӧс, тшӧкті кывзыны буксан шы. Но ті шуинныд, огӧ пӧ кывзӧй.

Бӧрданкыв 2:14

Пророкъясыд висьтавлісны тэныд ковтӧм да ылӧг восьтӧмсӧ, а тэнсьыд мыжтӧ эз эрдӧдны, эз видзны тэнӧ пленӧ нуӧдӧмысь. Ковтӧм да пӧрйӧдлан аддзылӧмъяс найӧ юӧртісны тэныд.

Езекиль 11:4

Та вӧсна, морт пиӧй, налы паныд пророкав, налы паныд водзвыв висьтав!»

Езекиль 16:2

«Морт пиӧй, уськӧд Ерусалимлы тӧд вылас зывӧк уджъяссӧ.

Езекиль 20:4

Морт пиӧй, мыжды найӧс. Тӧд выланыс уськӧд батьясныслысь зывӧк уджъяссӧ.

Езекиль 22:2

«Морт пиӧй, мыжды тайӧ вир кисьтысь карсӧ! Уськӧд сылы тӧд вылас зывӧк уджъяссӧ.

Езекиль 23:36

Господь шуис меным: «Морт пиӧй, мыжды Оголаӧс да Оголиваӧс! Уськӧд налы тӧд выланыс зывӧк уджъяснысӧ.

Езекиль 33:3

аддзас локтысь тышкайӧзӧс да кутас буксыны, медым ӧлӧдны войтырӧс.

Осий 8:1

– Матыст вом дорад буксантӧ! Лёкыс кутш моз гӧгралӧ Господьлӧн керка весьтын, ӧд Менам войтырӧй торкисны йитӧдӧс, мый Ме кӧрталі накӧд, кыпӧдчисны Менам Индӧдлы паныд.

Иона 1:2

«Мун Ниневияӧ, тайӧ ыджыд карас, да юӧрт сэні йӧзыслы, мый Ме мыжда найӧс. Налӧн лёк вӧчӧмъяс йылысь юӧрыс воис Менам пельӧдз».

Титлы 2:15

Тадзи велӧд, ышӧд да янӧд тэныд сетӧм вынӧн. Эн сет асьтӧ некодлы увтыртны.

Восьтӧм 1:10

Господьлӧн лунӧ ме вӧлі тырӧма Лолӧн. Сэки мыш сайсянь ме кылі гора шы, тайӧ вӧлі труба шы кодь. Сійӧ шуис: «Ме эм Альфа и Омега, Медводдзаыс и Медбӧръяыс.

Восьтӧм 4:1

Сэсся ме видзӧдлі енэжас да аддзи сэтысь восьса ӧдзӧс. Сэсянь ме кылі гӧлӧс шы, сійӧ вӧлі труба шы кодь. Тайӧ гӧлӧс шысӧ ме водзынджык кывлі нин. Сійӧ шуис меным: «Кыпӧдчы татчӧ! Ме петкӧдла тэныд, мый лоӧ та бӧрти».