Исай 56:5 - Коми Библия 2023

⁵ Ме сета Аслам керкаын да карын казьтыланпас да ним, и тайӧ лоӧ налы ныв-пи дорысь бурджык на. Ме сета налы бырлытӧм ним, кодӧс оз вунӧдны.

Исай 56:5 Iomraidhean Croise

Исай 2:2

Тадзи лоӧ бӧръя кадӧ: сійӧ керӧсыс, кӧні сулалӧ Господьлӧн крамыс, лоӧ став керӧссьыс на джуджыдджык, став мыльксьыс на вылынджык. Сэтчӧ дугдывтӧг кутасны локны войтыръяс.

Исай 2:3

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Исай 26:1

Сійӧ лунӧ Иуда муын кутасны сьывны татшӧм сьыланкыв: – Миян эм зумыд кар, оз стенъяс да тымӧдъяс видзны сійӧс, а Енмыс видзӧ сійӧс.

Исай 43:7

вайӧдӧй быдӧнӧс, кодӧс Ме чукӧсті, кодӧс Ме вӧчи Ачымӧс нимӧдӧм могысь.

Исай 48:19

тэнад челядьыд эськӧ вӧлі лыа мында, тэсянь чужысьясыд – лыа чир мында. Налӧн нимныс эськӧ эз вош, найӧ эськӧ эз бырны Менам син водзысь.

Исай 55:13

Йӧн пыдди кутас быдмыны кипарис, петшӧр пыдди – мирт. Ставыс тайӧ лоӧ Господьӧс нимӧдӧм вылӧ, лоӧ нэмъяс кежлӧ индысьпасӧн.

Исай 56:7

Ме вайӧда Аслам вежа керӧс вылӧ, сета налы нимкодясьны Аслам кевмысян керкаын. Меным шогманаӧсь лоӧны налӧн сотан да мукӧд висьясыс, висьпуктанін вылӧ вайӧмторъясыс. Менам керкаӧй кутас шусьыны став войтыръяслӧн кевмысян керкаӧн.

Исай 60:18

Тэнад муын водзӧ оз ло виалӧм-дзескӧдӧм, оз ло мырддялӧм да бырӧдӧм тэнад муын. Аслад стенъяслы тэ сетан ”Мездӧм” ним, аслад дзиръяяслы – ”Ошкӧм” ним.

Исай 62:12

Найӧс шуасны Вежа войтырӧн, Господьлӧн мездмӧм йӧзӧн, а тэнӧ шуасны Мусаӧн, Карӧн, мый оз ло эновтӧма.

Исай 62:2

Сэки войтыръяс аддзасны тэнсьыд веськыдлунтӧ, став ӧксыяс аддзасны тэнсьыд дзирдлунтӧ, тэнӧ нимтасны выль нимӧн, тайӧ нимсӧ сетас тэныд Господь.

Исай 66:20

Сэки тіянлысь вокъяснытӧ, кодъяс олӧны мукӧд войтыр пӧвстын, тарантасъяс да телегаяс вылын, вӧвъяс, мулъяс да верблюдъяс вылын ваясны козин пыдди Господьлы Ерусалимӧ, Менам вежа керӧс вылӧ, – висьталӧ Господь. – Найӧс ваясны сідзи, кыдзи Израиль войтыр сӧстӧм дозмукын вайӧ нянь Господьлӧн крамӧ.

Исай 66:22

Кыдзи выль енэжыс да выль муыс, кодъясӧс Ме вӧча, пыр лоӧны Ме водзын, тадзи тіянсянь чужысьяс да тіян нимныд пыр лоӧны Ме водзын, – висьталӧ Господь. –

Софоний 3:20

Сійӧ кадас Ме чукӧрта тіянӧс да бӧр вайӧда гортаныд. Ме нимӧда тіянӧс, и войтыръяс кутасны ошкыны тіянӧс, кор бара сета тіянлы бур олӧм. Асланыд синмӧн ті аддзанныд тайӧс, – висьталӧ Господь.

Матвей 16:18

Ме шуа тэныд: Тэ – Петыр, из. Тайӧ из вылас Ме лэпта Ассьым вичко, и адлӧн выныс оз вермы сійӧс.

Иоан 1:12

Сійӧс сибӧдысьяслы, Сылы эскысьяслы, Сійӧ сетіс лоны Енлӧн ныв-пиӧн.

Ефесӧ 2:22

Ті – Кристос пытшкынӧсь. Сідзкӧ, Ен Лов отсӧгӧн ті тшӧтш лоанныд Енмыслы оланінӧн.

1 Тимофейлы 3:15

медым, падма кӧ, тэ тӧдін, кыдзи кутны асьтӧ Ен керкаын, ловъя Енлӧн вичкоын. Ӧд вичкоыс эм збыльыслӧн сюръяыс да подулыс.

Еврейяслы 3:6

Ен керкаын Пиыс – Кристос, Сійӧ кывкутӧмӧн веськӧдлӧ ставнас Ен керканас. Ен керкаыс – тайӧ ми, лоам кӧ повтӧмӧсь да помӧдз кутам зумыда кутчысьны лачаас, мыйӧн ошйысям.

1 Иоан 3:1

Видзӧдӧй, кутшӧм мусаӧсь ми Батьлы: Сійӧ сетіс миянлы лоны да шусьыны Енлӧн ныв-пиӧн. Муюгыдсаыс оз тӧд миянӧс, Сійӧс оз тӧд да.

Восьтӧм 2:17

Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны дзебӧм манна, сета сылы еджыд из, кытчӧ лоӧ гижӧма вермысьлысь выль нимсӧ. Тайӧ нимсӧ кутас тӧдны сӧмын тайӧ изсӧ босьтысьыс».

Восьтӧм 3:12

Вермысьӧс Ме сувтӧда зумыд сюръя пыдди Менам Енлӧн крамын, сійӧ пыр лоас сэні. Ме гижа сы вылӧ Менам Енлысь нимсӧ, Ассьым выль нимӧс да Менам Ен карлысь нимсӧ. Тайӧ карыс – выль Ерусалим, коді лэччас енэжсяньыс, Менам Енсянь”.

Восьтӧм 3:5

Вермысь пасьтасяс еджыд паськӧмӧ, и сылысь нимсӧ Ме ог вушты Олӧмыслӧн небӧгысь. Аслам Бать водзын да Енлӧн анделъяс водзын Ме висьтала, мый сійӧ – Менам.

Ӧксыяслӧн 1 небӧг 1:8

но Элкан верӧсыс бурӧдліс сійӧс: «Анна, мыйла тэ бӧрдан? Мыйла он сёй? Мыйысь шогсьӧ тэнад сьӧлӧмыд? Ме ӧмӧй тэныд абу бурджык дас пи дорысь?»