Исай 53:6 - Коми Библия 2023

⁶ Ми ставным вӧлім вошӧм ыжъяс кодьӧсь, быдӧн кежим асланым туй вылӧ, но Господь пуктіс Сы вылӧ ставнымлысь мыжъяснымӧс.

Исай 53:6 Iomraidhean Croise

Олӧм 22:6

Ӧвраам босьтіс пессӧ да пуктіс Исааклы пельпом вылас. Ачыс босьтіс бива, пурт да мӧдӧдчис Исааккӧд.

Псалтыр 69:4

Мед яналасны да бӧр пышъясны найӧ, кодъяс шуалӧны, тадзи пӧ тэныд и колӧ.

Исай 40:2

Меліа висьталӧй Ерусалимлы, юӧртӧй сылы, мый сылӧн сьӧкыдалан кадлы воис пом, мый сылысь мыжъяссӧ прӧститӧма. Господь мынтысис сылы кык пӧвстӧн став сылӧн мыжъясысь.

Исай 53:10

Господьлӧн вӧлі шуӧма дойдны Сійӧс, мӧдӧдны Сылы сьӧкыдлунъяс. Но кор Сійӧ Асьсӧ ваяс мыж вештан вись пыдди, Сійӧ аддзас Сысянь чужысьясӧс, кодъяс кутасны дыр овны. Господьлӧн кӧсйӧмыс инас Сы пыр.

Исай 53:11

Аслас уджыс вылӧ видзӧдігӧн Сійӧ кутас нимкодясьны. Менсьым кӧсйӧмӧс тӧдӧмӧн Менам веськыда олысь Кесйӧгӧй унаӧс вӧчас веськыдӧн, босьтас Ас вылас налысь мыжъяссӧ.

Исай 53:12

Та вӧсна Ме сета Сылы пай ыджыдъяс пӧвстын, тышын шедӧдӧмасӧ Сійӧ пондас юкны вынаяскӧд, ӧд Сійӧ сетіс Асьсӧ кулӧм вылӧ, Сійӧс пуктісны лёк вӧчысьяс лыдӧ. Сійӧ босьтіс Ас вылас уна йӧзлысь мыжъяссӧ, кевмысис лёк вӧчысьяс вӧсна.

Исай 53:5

Но Сійӧс вӧлі бытшкӧма миян мыжъяс вӧсна, дойдалӧма миян лёк вӧчӧмъяс вӧсна. Сійӧ нуис мыждӧмсӧ, медым миян вӧлі лӧньлун. Сылӧн дойясӧн ми бурдім.

Исай 53:7

Сійӧс нӧйтісны-дойдалісны, Сійӧ сьӧкыдсӧ нуис Ас кӧсйӧм сертиыс, воча эз шуась. Ыжӧс моз Сійӧс нуӧдісны начкыны, шырысь водзын чӧв олысь баля моз Сійӧ эз восьтлы Ассьыс вомсӧ.

Исай 55:7

Лёк вӧчысь мед бергӧдчас аслас лёк туй вылысь, мыж вӧчысь мед эновтчас аслас лёк мӧвпъясысь, сійӧ мед бергӧдчас Господь дінӧ, ӧд Господь бур сьӧлӧма, мед локтас миян Ен дінӧ, ӧд Сійӧ прӧститӧ.

Исай 55:8

– Тіян мӧвпъясныд абу Менам мӧвпъясӧй, тіян туйясныд абу Менам туйясӧй, – висьталӧ Господь.

Исай 56:11

Найӧ горш понъяс, некор оз пӧтлыны. Найӧ мывкыдтӧм ыж видзысьяс, быдӧн мунӧ аслас туйӧд, быдӧн корсьӧ мыйкӧ аслыс курыштны.

Исай 6:7

Биа ӧгырнас сійӧ инмӧдчыліс менам вомдорӧ да шуис: «Тэнсьыд мыжтӧ вештӧма, тэнсьыд лёк вӧчӧмъястӧ прӧститӧма, ӧд тайӧ биа ӧгырыс инмӧдчыліс тэнад вомдорӧ».

Исай 66:3

Ӧшкӧс начкысь да вись пыдди вайысь [коді торкӧ Индӧдсӧ] морт виысь кодь, ыжӧс вись пыдди вайысь понлысь голясӧ песовтысь кодь, нянь вись вайысь порсьлысь вирсӧ вись пыдди вайысь кодь, казьтылан вись пыдди чӧскыд ӧвтанторъяс тшынӧдысь идоллы копрасьысь кодь. Найӧ бӧрйисны ассьыныс туйнысӧ, найӧ радейтӧны пежсӧ вӧчны.

Еремей 50:6

Менам войтырӧй вӧлі вошӧм ыж чукӧр кодь, видзысьясныс кежӧдісны найӧс туйсьыс, разӧдісны керӧсвыв му пасьтала. Найӧ шӧйтісны-ветлӧдлісны керӧсъяс да ыбъяс вывті, вунӧдісны ассьыныс оланінсӧ.

Езекиль 3:18

Кор Ме шуа лёк вӧчысьлы, мый сійӧ кулас, а тэ он ӧлӧд, медым сійӧ бергӧдчас лёк туй вывсьыс да ловйӧн коляс, сэки лёк вӧчысь кулас мыж вӧснаыс. Но сылӧн вирысь Ме водзӧс перъя тэнсьыд.

Даниил 9:5

Ми мыж вӧчим да лёкнога олім. Ми лёксӧ вӧчим да кыпӧдчим Тэныд паныд, ми ӧтдортім Тэнсьыд индӧд-тшӧктӧмъястӧ.

Римӧ 4:25

Енмыс сетіс миян мыжъяс вӧсна Кристосӧс да ловзьӧдіс Сійӧс, медым ми вӧлім веськыдӧсь.

Яков 5:20

тӧдӧй, мый мыжа мортӧс ылӧг туй вылысь бергӧдысь мездӧ сійӧс кулӧмысь да вевттьӧ сылысь уна мыж.

1 Петыр 2:25

Ті вӧлінныд вошӧм ыжъяс кодьӧсь, но ӧні бергӧдчинныд тіянӧс Видзысь да тіян вӧсна Тӧждысьысь дінӧ.

1 Петыр 3:18

Кристос ӧтчыдысь нуис сьӧкыдсӧ миян мыжъяс вӧсна, медым вайӧдны миянӧс Ен дінӧ. Сійӧ, веськыда олысь, куліс лёкнога олысьяс вӧсна. Сылысь вир-яйсӧ вӧлі виӧма, но Ловсянь Сійӧ ловзис,

Ёрдысьяс 21:25

Сійӧ кадас Израильын эз вӧв ӧксыыс. Быдӧн вӧчис сійӧ, мый чайтіс веськыдӧн.