Исай 52:12 - Коми Библия 2023

¹² Ті петанныд тэрмасьтӧг, онӧ пышйӧй, ӧд тіян водзвылын мунас Господь, Израильлӧн Ен бӧрвывсяньныд кутас видзны тіянӧс.

Исай 52:12 Iomraidhean Croise

1 Каднебӧг 14:15

Кор тэ кылан шы, быттьӧ пуяс йывті кодкӧ восьлалӧ, сэки уськӧдчы. Тӧд, мый Енмыс мунӧ тэ водзвылын, медым пасьвартны филистимса тышкайӧзӧс».

Петӧм 12:11

Вӧнясьӧй да кӧмасьӧй. Босьтӧй кианыд бедьнытӧ да тэрмасьӧмӧн сёйӧй балясӧ. Тайӧ Господьлы сиӧм Ыджыд лун.

Петӧм 12:33

Египетсаяс тшӧктісны Израиль войтырлы ӧдйӧджык петны Египет муысь. Найӧ шуалісны, ставным пӧ ми кулам.

Петӧм 12:39

Египетысь петкӧдӧм кӧтасысь израильсаяс пӧжалісны шомтӧм нянь, ӧд сійӧ эз на удит шоммынысӧ, кор найӧс тэрмӧдлӧмӧн вӧтлісны Египет муысь. Найӧ эз слӧймыны весиг дасьтыны сёян, мед босьтны туяныс.

Петӧм 14:8

Господь чорзьӧдіс фараонлысь, египетса ӧксылысь, сьӧлӧмсӧ [да сылӧн киподувса йӧзлысь сьӧлӧмнысӧ]. Фараон уськӧдчис вӧтӧдны Израиль пиянӧс, а Израиль пиян Господьлӧн нуӧдӧм улын мунісны водзӧ.

Исай 26:7

Веськыда олысьлӧн туйыс шыльыд. Тэ дасьтан сылы веськыд туй.

Исай 28:16

Та вӧсна Господь Ыджыдыс тадзи висьталӧ: – Сионӧ Ме пукта подув из. Сійӧ – пельӧс из, кодӧс Ме бӧрйи. Сійӧ – дона из, сулалӧ зумыда. Сылы эскысь оз янав.

Исай 42:16

Ме нуӧда синтӧмъясӧс сійӧ туйӧдыс, кыті найӧ эз на ветлыны, нуӧда найӧс тӧдтӧм туйӧд. Пемыдсӧ на водзвылын Ме вӧча югыдӧн, чукля туйяссӧ – веськыдӧн. Тадзи Ме вӧча налы, ог эновт найӧс.

Исай 45:2

Ме муна тэ водзвывті да шыльӧда керӧсъяс, жугӧда ыргӧн ӧдзӧсъяс да чегъяла кӧрт тасъяс.

Исай 49:10

Найӧ оз кутны тшыгъявны, налӧн оз кут косьмыны горшныс, найӧс оз пӧж шондіыс, ӧд найӧс пондас нуӧдны Сійӧ, коді бур сьӧлӧма на дінӧ, Сійӧ вайӧдас найӧс ва петанінъяс дорӧ.

Исай 49:11

Став Ассьым керӧсъясӧс Ме вӧча туйясӧн, Менам туйясӧй пондасны мунны выліинті.

Исай 51:14

Пленӧ босьтӧмаӧс регыд лоӧ мездӧма, сійӧ оз кув гуын, оз кут тшыгъявны.

Исай 57:18

Ме аддзылі, мый найӧ вӧчисны, но Ме бурдӧда найӧс. Ме Ачым кута нуӧдны да бурдӧдны найӧс, Ме бурӧда шогалысьясӧс.

Исай 58:8

Сэки тэнад югыдыд тыдовтчас асъя кыа моз, и тэ регыдӧн бурдан. Тэнад веськыдлуныд мунас тэ водзвывті, а бӧрвывсяньыд тэнӧ видзас Господьлӧн дзирдлуныс.

Микей 2:13

На водзын мунас туйсӧ писькӧдысьыс, найӧ бырӧдасны мытшӧдъяс и петасны дзиръяӧд. На водзын мунас ӧксыныс, и нуӧдас найӧс Господь.

Лыд 10:25

Медбӧръяӧн асланыс дӧрапас улын тышкайӧз моз петісны туйӧ Дан чужанкотыр да сыкӧд орччӧн сувтлӧм чужанкотыръяс. Дан чужанкотырӧс нуӧдіс Аммишаддайлӧн Ахиэзер пиыс.

Индӧд 16:3

Тайӧ висьыскӧд энӧ сёйӧй шоммӧдӧм нянь. Сизим лун чӧж сёйӧй шомтӧм нянь, шогдырся няньнытӧ, ӧд ті тэрмасьӧмӧн петінныд Египет муысь. Тадзи став олӧм чӧжныд ті кутанныд казьтывны Египетысь петан лунтӧ.

Индӧд 20:4

Ӧд Господь, тіян Енныд, тышӧ петас тіянкӧд ӧтвылысь, медым тіян пыдди тышкасьны вӧрӧгныдкӧд да сетны тіянлы вермӧм”.

Нав Исус 4:11

Став войтырыслӧн вуджӧм бӧрын Господьлысь [Йитӧд] куд нуысь попъяс вуджисны да бара сувтісны мунны войтырыс водзвылын.

Нав Исус 6:9

Войтырыслы Исус тшӧктіс: «Энӧ горзӧй! Тіянсянь мед весиг шы оз кыв, вомсьыныд мед кыв оз пет, кытчӧдз ме ог тшӧкты тіянлы горӧдны. Сэки горзӧй!»

Ёрдысьяс 4:14

Сэки Девора шуис Вараклы: «Пет тышӧ! Талун Господь сетас Сисарӧс тэнад киӧ. Ачыс Господь мунас тэ водзвылын». Варак лэччис Тавор керӧсысь, сы бӧрся лэччис дас сюрс морт.