Исай 51:20 - Коми Библия 2023

²⁰ Лэчкӧ шедӧм антилопа моз тэнад пияныд вынтӧммисны, куйлӧны быд туйвежын. Найӧ пӧтісны Господьлӧн скӧрлунысь, тэнад Енлӧн чорыда мыждӧмысь.

Исай 51:20 Iomraidhean Croise

Исай 29:9

Чуймалӧй-шензьӧй, синтӧммӧй, энӧ аддзӧй! Ті кодаланныд, но онӧ вина понда, довъяланныд, но онӧ сур понда.

Исай 40:30

Весиг зонъяс мудзлӧны да жебмӧны, том йӧз усьлӧны кок йывсьыныс,

Исай 49:26

Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Исай 51:17

Садьмы, садьмӧдчы, чеччы, Ерусалим! Господьлӧн киысь тэ босьтін Сылысь скӧрлуна дозсӧ, юин сэтысь, юин кушӧдзыс да кутін довъявны.

Исай 51:21

Тэ, коді коддзӧмыд, но абу винаысь, коньӧр войтырӧй, кывзы тайӧс.

Исай 66:15

Со, Господь локтӧ би моз, Сылӧн тарантасъясыс ыджыд тӧвныр кодьӧсь. Сійӧ кисьтас Ассьыс скӧрлунсӧ ыджыд ярлунӧн, петкӧдлас Ассьыс мыждӧмсӧ ыпъялысь биӧн.

Исай 8:21

Тайӧ войтырыс кутас шӧйтны му вывті, найӧс кутасны чорыда дзескӧдны, найӧ пондасны ёна тшыгъявны, а тшыгъяліганыс найӧ пондасны лёкӧдны ассьыныс ӧксысӧ да Енсӧ.

Еремей 14:16

Сійӧ войтырыс, кодъяслы найӧ пророкалӧны, тшӧтш куласны тшыгъялӧм да шыпурт помысь. Найӧс шыбитасны ерусалимса уличьяс вылӧ, и некод оз дзеб найӧс ни налысь гӧтыръяснысӧ да налысь ныв-пинысӧ. Налысь лёк вӧчӧмнысӧ Ме бергӧда ас выланыс».

Еремей 14:18

Видз-му вылын куйлӧны шыпуртӧн виӧмаяс, карын – тшыгъялӧмысь кулӧмаяс. Пророк да поп шӧйтӧны-ветлӧны му вывті, оз тӧдны, мый вӧчны.

Бӧрданкыв 1:15

Господь ӧтдортіс менсьым ён йӧзӧс, индіс-юӧртіс кад, медым бырӧдны менсьым зонъясӧс. Пычкан гуын виноградӧс моз Господь таляліс Иудалысь нывсӧ!

Бӧрданкыв 1:19

Ме кори муса ёртъясӧс отсавны, но найӧ пӧрйӧдлісны менӧ. Попъяс да юрнуӧдысьяс корсьӧны кынӧмпӧт, медым ловйӧн кольны, но тшыгнысла найӧ кулӧны карас.

Бӧрданкыв 2:19

Чеччы войнас да горзы, горзы войбыд, дугдывтӧг! Господьлӧн чужӧмбан водзын ваӧс моз кисьт сьӧлӧм дойтӧ. Нюжӧд китӧ Сылань, кевмысь ныв-пиыдлӧн олӧм вӧсна. Найӧ куйлӧны туйвежъясын, тшыгнысла кулӧны.

Бӧрданкыв 4:11

Господь койыштіс Ассьыс скӧрлунсӧ, кисьтіс Ассьыс ярлунсӧ, ӧзтіс Сионын би, сотіс сійӧс подулӧдзыс.

Бӧрданкыв 4:2

Сионлӧн дона пияныс вӧліны весалӧм зарни кодьӧсь. Ӧні найӧ – сёй дозъяс, гырнич вӧчысьлӧн вӧчӧмторъяс.

Бӧрданкыв 5:13

Зонъясӧс изки бердӧ сувтӧдісны, зонпосни кок йывсьыныс усьӧны пес кыскалӧмысь.

Езекиль 12:13

Ме шыбита Ассьым тывйӧс сы вылӧ, и сійӧ веськалас Менам тывйӧ. Ме нуӧда сійӧс Вавилонӧ, калдея войтырлӧн муӧ, но сійӧ оз аддзыв тайӧ мусӧ. Сэні сійӧ кулас.

Езекиль 17:20

Ме шыбита Ассьым тывйӧс сы вылӧ, и сійӧ веськалас Менам тывйӧ. Ме нуӧда сійӧс Вавилонӧ, сэні мыжда сійӧс, ӧд сійӧ эновтіс Менӧ.

Езекиль 39:19

Ме начка налы вись, и найӧ кутасны пӧттӧдзныс сёйны гос да коддзытӧдзныс юны вир.

Индӧд 14:5

кӧрӧс, газельӧс, косуляӧс, вӧлявывса кӧзаӧс да ӧшкӧс, антилопаӧс да керӧсвыв межӧс.

Индӧд 28:20

Господь мӧдӧдас тіян вылӧ ёрӧм, шызьӧм да шӧйӧвошӧм быдторйын, кытчӧдз тіянӧс оз ло бырӧдӧма. Ті куланныд лёк вӧчӧмныд вӧсна, ӧд эновтінныд Господьӧс.

Восьтӧм 14:10

сійӧ кутас юны Ен скӧрлуна вина, соравтӧм вина, кодӧс сулӧдӧма Ен скӧрлуна дозйын. Сійӧ кутас мучитчыны биын да сотчысь тэгйын вежа анделъяс водзын да Баля водзын.