Исай 51:19 - Коми Библия 2023

¹⁹ Кыкпӧвста шог суис тэнӧ: куштӧм да бырӧдӧм, тшыгъялӧм да шыпурт. Коді жалитас тэнӧ? Коді бурӧдас тэнӧ?

Исай 51:19 Iomraidhean Croise

Иов 2:11

Иовлӧн куим ёрт – Теманысь Элифаз, Шуахысь Вилдад да Наамаысь Софар – кывлісны сылӧн ыджыд шог йылысь. Найӧ мӧдӧдчисны быдӧн аслас оланінысь, медым паныдасьны да ӧтлаын мунны Иов дінӧ, юкны сыкӧд шогсӧ да бурӧдны сійӧс.

Иов 42:11

Иов дінӧ локтісны сылӧн чой-вокыс да важ тӧдсаясыс. Найӧ ӧтлаын сёйисны-юисны Иов ордын, бурӧдісны-ышӧдісны сійӧс став сьӧкыд нуӧмсьыс, мый сылы вӧлі ыстӧма Господь. Быдӧн козьналіс Иовлы зарни чунькытш да эзысь.

Еклесиаст 4:1

Ме видзӧдлі быдпӧлӧс дзескӧдӧм вылӧ, мый вӧчсьӧ шонді улас: дзескӧдӧмаяс бӧрдӧны – найӧс бурӧдысьыс абу, найӧ дзескӧдысьлӧн вына киынӧсь, а бурӧдысьыс абу.

Исай 14:30

Сэки Израиль войтырысь гӧльяссӧ лоӧ пӧткӧдӧма, коньӧръясыс кутасны повтӧг шойччыны. А тэнсьыд вужтӧ Ме тшыглы виа, тэнсьыд коляс войтыртӧ бырӧда.

Исай 22:4

Та вӧсна ме шуа: – Кольӧй менӧ, ме кута курыда бӧрдны. Энӧ зільӧй менӧ бурӧдны, ӧд менсьым войтырӧс бырӧдӧма.

Исай 47:9

Но ӧти лунӧ, тӧдлытӧг, суас тэнӧ ӧтиыс и мӧдыс: тэ воштан челядьтӧ и колян дӧваӧн. Ставыс тайӧ воас тэ вылӧ ыджыд шыӧн, кӧть тэ ёна туналан-кимӧститчан.

Исай 54:11

Коньӧрӧй, тӧвнырыс шатлӧдлӧ тэнӧ, некод оз вермы бурӧдны тэнӧ. Видзӧдлы, тэнсьыд изъястӧ Ме вевття бирюзаӧн, тэнсьыд подувтӧ Ме вӧча сапфирысь,

Исай 60:18

Тэнад муын водзӧ оз ло виалӧм-дзескӧдӧм, оз ло мырддялӧм да бырӧдӧм тэнад муын. Аслад стенъяслы тэ сетан ”Мездӧм” ним, аслад дзиръяяслы – ”Ошкӧм” ним.

Исай 61:2

юӧртны Господьлӧн буралан во йылысь, миян Енлӧн водзӧс перъян лун йылысь. Господь мӧдӧдіс Менӧ бурӧдны шогсьысьясӧс,

Исай 8:21

Тайӧ войтырыс кутас шӧйтны му вывті, найӧс кутасны чорыда дзескӧдны, найӧ пондасны ёна тшыгъявны, а тшыгъяліганыс найӧ пондасны лёкӧдны ассьыныс ӧксысӧ да Енсӧ.

Исай 9:20

Найӧ куралӧны веськыдвылысь, но кольӧны тшыгйӧн, сёйӧны шуйгавылысь, но оз пӧтны. Быдӧн йирӧ ассьыс матыссасӧ:

Еремей 15:5

– Коді жалитас тэнӧ, Ерусалим? Коді бурсьӧлӧмтчас тэ дінӧ? Коді локтас юавны тэнад олӧм-вылӧм йылысь?

Еремей 24:10

Ме мӧдӧда на вылӧ шыпурт, тшыглун да пӧрӧс висьӧм, кытчӧдз найӧ оз бырны тайӧ му вывсьыс, кодӧс сеті налы да налӧн батьяслы».

Бӧрданкыв 1:12

Туй вывті ветлысь-мунысьяс, тіянкӧд тадзи мед оз ло! Видзӧдлӧй, эм-ӧ менам кодь дойыс, кутшӧм менӧ суис! Господь ыстіс меным сійӧс Аслас скӧралан лунӧ.

Бӧрданкыв 1:9

Бӧждорыс сылӧн няйтчӧма пежнас. Сійӧ эз мӧвпав, мый виччысьӧ сійӧс. Сійӧ дзикӧдз усис, но сійӧс бурӧдысьыс эз вӧв. «Господьӧй, видзӧдлы менам шогсьӧм вылӧ, ӧд вӧрӧг асьсӧ вылӧ кыпӧдӧ».

Бӧрданкыв 3:47

Повзьӧдлӧм да гуӧ шыбитӧм, куштӧм да бырӧдӧм виччысьӧ миянӧс.

Езекиль 14:15

Ме кӧ мӧдӧді сэтчӧс олысьяс вылӧ зверъясӧс, медым муыс овтӧммис да эз ло сэті ветлысь-мунысьыс,

Езекиль 14:21

Господь Ыджыдыс тадзи висьталӧ: Ме ыста нёль чорыд мыждӧм Ерусалим вылӧ. Мӧдӧда сэтчӧ шыпурт, тшыгъялӧм, зверъясӧс да пӧрӧс висьӧм, медым бырӧдны йӧзӧс да ыж-мӧскӧс.

Амос 7:2

Саранча сёйис став турунсӧ. Сэки ме шуи: «Господьӧй Ыджыдӧй, прӧстит! Яков рӧд оз вермы водзсасьны, сійӧ ӧд этша лыда».

Наум 3:7

Тэнӧ аддзысьяс пышъясны тэ дінысь да шуасны: «Ниневия карӧс бырӧдӧма!» Некод оз кут бӧрдны сы вӧсна, некод оз бурӧд сійӧс.

2 Коринфӧ 7:13

Сідзкӧ, тіян долыдлунныд долыдмӧдіс и миянӧс. Но нӧшта на долыд лоис Титлӧн нимкодясьӧмысь, ӧд сылӧн сьӧлӧмыс оз нин майшась тіян вӧсна.