Исай 51:13 - Коми Библия 2023

¹³ А Господьӧс тэ вунӧдан. Сійӧ вӧчис тэнӧ, шевкнитіс енэжсӧ, зумыда сувтӧдіс мусӧ. Мыйла тэ пыр полан дзескӧдысьлӧн скӧралӧмысь, полан сыысь, коді дась тэнӧ бырӧдны? Но кӧні нӧ тэнӧ дзескӧдысьлӧн скӧралӧмыс?

Исай 51:13 Iomraidhean Croise

Эсфир 5:14

Сэки Зереш гӧтырыс да ёртъясыс шуисны Аманлы: «Тшӧкты сувтӧдны ветымын гырддза судта пу сюръя. Асывнас ӧксылы шу, мед тшӧктас ӧшӧдны сэтчӧ Мардокейӧс. Сэки нимкодь сьӧлӧмӧн верман мунны ӧксыкӧд гаж вылад». Аманлы сьӧлӧм вылас воис татшӧм вӧзйӧмыс, и сійӧ тшӧктіс сувтӧдны пу сюръя.

Эсфир 7:10

Аманӧс ӧшӧдісны пу сюръя вылӧ, мый сійӧ дасьтіс Мардокейлы. Та бӧрын ӧксылӧн скӧрлуныс лӧнис.

Иов 37:18

Тэ ӧмӧй Енмыскӧд артмӧдін енэжсӧ, ыргӧн рӧмпӧштан кодь ёнӧн вӧчин енэжвевтсӧ?

Иов 9:8

Сійӧ ӧтнас шевкнитіс енэжсӧ, Сійӧ ветлӧ саридзса гыяс вывті.

Псалтыр 104:2

Сьылӧй Сылы, ошкӧй Сійӧс, висьтавлӧй Сылӧн шензьӧдана уджъясыс йылысь!

Псалтыр 106:13

Но сьӧкыдаліганыс найӧ шыасисны Господь дінӧ, и Сійӧ мездіс найӧс шогысь.

Псалтыр 76:10

Енмыс ӧмӧй вунӧдіс Ассьыс буралӧмсӧ, скӧралігас ӧмӧй дзикӧдз тупкис сьӧлӧмсӧ?

Исай 10:24

Та вӧсна Ыджыдыс, Господь Саваоф, тадзи висьталӧ: Менам войтырӧй, Сионын олысьяс, энӧ полӧй Ассурысь! Сійӧ нӧйтӧ тіянӧс беддьӧн, Египет моз кыпӧдӧ тіян вылӧ ассьыс орссӧ.

Исай 14:4

тэ кутан сьывны вавилонса ӧксы йылысь сералана сьыланкыв: – Со, оз нин ло нартитысьыс, воис пом сылӧн лёкалӧмлы!

Исай 16:4

Сибӧд ас дінад моавсаясӧс, менсьым вӧтлӧм войтырӧс, дзеб найӧс мырддялысьясысь. – Дзескӧдысьяс оз нин лоны, мырддялӧмлы воас пом, керка куштысьясӧс лоӧ бырӧдӧма му вывсьыс.

Исай 17:10

Ӧд тэ вунӧдін Ентӧ, ассьыд Мездысьтӧ, он казьтыв тэнӧ сайӧдысь Изкырта йылысь. Тэ пуктін мича быдмӧгъяс аслад идолъяслы, вужйӧдін йӧз виноград вожъяс.

Исай 40:21

Ті ӧмӧй онӧ тӧдӧй, ті ӧмӧй энӧ кывлӧй? Тіянлы ӧмӧй эз висьтавлыны водзысяньыс, ті ӧмӧй му пуксьӧмсяньыс онӧ вежӧртӧй тайӧс?

Исай 40:22

Господь пукалӧ му кытш весьтын, а му вылас олысьясыс Сылы чирк кодьӧсь. Сійӧ шевкнитіс енэжсӧ вонйӧс моз, паськӧдіс сійӧс дӧрачомйӧс моз, медым сэні овны.

Исай 42:5

Господь Ен вӧчис енэжсӧ да шевкнитіс сійӧс, вӧчис му да ставсӧ, мый сэні быдмӧ. Мувывса войтырлы Сійӧ сетӧ олӧм, мувывса йӧзлы – ловшы. Сійӧ тадзи висьталӧ:

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Исай 44:24

Господь, коді ньӧбис тэнӧ, вӧчис тэнӧ мамыдлӧн кынӧмас, тадзи висьталӧ: – Ме – Господь, Ме вӧчи ставсӧ, ӧтнамӧн шевкниті енэжсӧ, Аслам вына киӧн Ме вольсалі мусӧ.

Исай 45:12

Ме вӧчи мусӧ, вӧчи му вылас йӧзӧс. Менам киӧй шевкнитіс енэжсӧ, Ме веськӧдла енэжвыв вынъясӧн.

Исай 45:18

Господь эм Ен, Сійӧ вӧчис енэжсӧ, вӧчис-артмӧдіс мусӧ, вӧчис сійӧс зумыдӧн, эз вӧч мусӧ кушӧн, но артмӧдіс мусӧ, медым сэні вӧлі олӧм. Господь тадзи висьталӧ: – Ме – Господь, и мӧд Енмыс абу.

Исай 48:13

Менам киӧй вӧчис мусӧ, Менам веськыд киӧй шевкнитіс енэжсӧ. Ме чукӧста найӧс, и найӧ ӧтвылысь сувтасны Ме водзӧ.

Исай 49:26

Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.

Исай 54:14

Веськыдлуныс ёнмӧдас тэнӧ, тэнӧ оз кутны дзескӧдны, тэ он кут повны таысь, тэныд оз вӧчны лёксӧ – сійӧ оз матыстчы тэ дінӧ.

Исай 57:11

Кодысь тэ полан, кодысь повзин сэтшӧмасӧ, мый эновтін Менӧ? Тэ вунӧдін Менӧ, он казьтывлы Ме йылысь. Ме дыр чӧв олі, гашкӧ, та понда тэ дугдін Меысь повнысӧ?

Исай 7:4

Висьтав Ахазлы, мед лӧняс да оз майшась. Сылӧн лолыс мед оз нюкыртчы тайӧ тшыналысь кык сэрапомлӧн скӧралӧмысь. Мед оз пов Рецинысь да арамейясысь, мед оз пов Ремальлӧн пиысь.

Исай 9:4

Найӧс личкысь сийӧссӧ Тэ жуглан, найӧс нӧйтысь бедьсӧ чегъялан, найӧс дзескӧдысьлысь орссӧ орйӧдлан, кыдзи вӧчин мадиан войтырӧс пасьвартан лунӧ.

Еремей 2:32

Том ныв ӧмӧй вунӧдас пасьтавны мичмӧдчанторъяссӧ, гӧтырпу – кӧлысь паськӧмлысь вӧньсӧ? Но Менам войтырӧй важӧн нин вунӧдіс Менӧ.

Еремей 38:19

Седекей ӧксы шуис Еремейлы: «Ме пола иудаса йӧзысь, кодъяс вуджисны калдеяса тышкайӧз дор. Калдеяса тышкайӧз кӧ сетасны менӧ налӧн киӧ, найӧ косявласны менӧ».

Еремей 41:18

калдеяса тышкайӧзысь, кодъясысь найӧ полісны. Ӧд Нетанийлӧн Измаил пиыс виис Ахикамлысь Гедалий писӧ, кодӧс ачыс вавилонса ӧксы пуктіс веськӧдлыны Иуда муӧн.

Еремей 51:15

Аслас вынӧн Господь вӧчис мусӧ, Аслас мывкыдлунӧн муюгыдыслы пуктіс подувсӧ, Аслас вежӧрлунӧн шевкнитіс енэжсӧ.

Еремей 51:19

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Даниил 3:15

Но талунсянь лоӧй дасьӧсь. Кор ті кыланныд буксанлысь, пӧлянлысь, цитралысь, гуслилысь, арфалысь, тутсанлысь да мукӧд ворсанторлысь шысӧ, сэки кымынь уськӧдчӧмӧн копыртчылӧй меӧн сувтӧдӧм бӧлбанлы. А онӧ кӧ копыртчылӧй, тіянӧс дзик пыр шыбитасны ыпъялысь пачӧ. Кутшӧм Ен сэки вермас мездыны тіянӧс менам киысь?»

Даниил 3:18

Но весиг кӧ оз мезды, тӧд, ӧксыӧй, мый ми огӧ кутӧй кесъявны тэнад енъяслы и огӧ копыртчылӧй тэӧн сувтӧдӧм зарни бӧлбанлы».

Даниил 3:19

Сэки Навукодоносор ёна скӧрмис Шадрак, Мешак да Аведнего вылӧ, сылӧн весиг чужӧмыс вежсис. Сійӧ тшӧктіс ломтыны пач воддза дорысь сизим пӧв жарджыка на.

Ап. уджъяс 12:23

Сэки Господьлӧн андел чорыда дойдіс Ирӧдӧс, ӧд Енлы пыдди сійӧ аслыс босьтіс ошкӧмсӧ. Сійӧс ловъявывсьыс сёйисны номыръяс.

1 Коринфӧ 1:20

Коді нӧ мывкыда йӧзыс? Коді велӧдчӧмаыс? Коді нӧ тайӧ му вылас вежӧраыс? Эз-ӧ тайӧ мувывса мывкыдлунсӧ Енмыс йӧйталӧмӧ бергӧд?

1 Коринфӧ 15:55

Кулӧм, кӧні тэнад чушканыд? Кулӧм, кӧні тэнад вермӧмыд?

Индӧд 32:18

Найӧ вунӧдісны Дорйысьӧс, коді чужтіс найӧс, вунӧдісны Енмӧс, коді вӧчис найӧс.

Индӧд 6:12

видзчысьӧй, медым [сьӧлӧмныд эз ылав да] ті энӧ вунӧдӧй Господьӧс, коді петкӧдіс тіянӧс Египет муысь нартитӧм улысь.

Индӧд 8:11

Видзчысьӧй, медым энӧ вунӧдӧй Господьӧс, ассьыныд Ентӧ. Олӧй Сылӧн индӧд-тшӧктӧмъяс серти, мый талун висьтала тіянлы.

Еврейяслы 11:15

Найӧ кӧ мӧвпалісны сійӧ муыс йылысь, кытысь петісны, эськӧ бӧр на вермисны бергӧдчыны сэтчӧ.

Восьтӧм 19:20

Зверӧс да сы нимсянь шензьӧданаторъяс вӧчысь ылӧгпророкӧс вӧлі кутӧма. Шензьӧданаторъяснас ылӧгпророкыс ылӧдліс найӧс, кодъяс босьтісны зверлысь пассӧ да копрасисны сылӧн серпаслы. Зверӧс да ылӧгпророкӧс ловйӧн вӧлі шыбитӧма биӧн да тэгйӧн сотчысь тыӧ,

Восьтӧм 20:9

Но енэжсяньыс, Енсянь, усяс би да бырӧдас найӧс.