Исай 5:30 - Коми Библия 2023

³⁰ Сійӧ лунӧ найӧ уськӧдчасны тайӧ му вылас, налӧн равзӧмыс лоӧ гызьӧм саридзлӧн шы кодь. Сэки видзӧдлан му вылас, аддзан сап пемыд да шогсьӧм, и кымӧръяс вевттясны югыдсӧ.

Исай 5:30 Iomraidhean Croise

Еклесиаст 12:2

Сэки шонділӧн, тӧлысьлӧн, кодзувъяслӧн югӧрыс пемдас, зэр бӧрын бара кыпӧдчасны кымӧръяс.

Исай 13:10

Енэжвыв кодзувъяс оз кутны дзирдавны, шондіыс петігас на пемдас, и тӧлысьыс оз сет югыдсӧ.

Исай 13:4

Керӧсъяс вылын кылӧ гора шы, сійӧ уна йӧзлӧн ызгысь шы кодь, кылӧ ӧтвыв чукӧртчӧм войтыръяслӧн шы. Господь Саваоф чукӧртӧ Ассьыс тышкайӧзсӧ.

Исай 17:12

Курыд шог! Войтыръяслӧн шызьӧм кылӧ, найӧ шызьӧны саридз моз. Войтыръяслӧн горзӧм кылӧ, найӧ ызгӧны бузгысь ва моз.

Исай 30:6

Негев овтӧминса пемӧсъяс йылысь водзвыв висьталӧм. Шогнас да сьӧкыднас тырӧм му вывті, кӧні олӧны левъяс, гадюкаяс да лэбалысь змейяс, иудаса юралысьяс нуӧны осёлъяс вылын ассьыныс озырлунсӧ, верблюдъяс вылын – ассьыныс эмбурсӧ сійӧ войтырлы, коді оз вермы налы отсавны.

Исай 59:9

Та вӧсна веськыда мыждӧмыс ылын миянысь, веськыдлуныс оз во миянӧдз. Ми виччысям югыдсӧ, но гӧгӧр пемыд, виччысям югдӧмсӧ, но ветлам пемыдас.

Исай 8:22

Найӧ видзӧдласны вывлань, синнысӧ чӧвтласны му вылӧ да аддзасны: гӧгӧр шог да сап пемыд, гӧгӧр сьӧд пемыд. Найӧс лоӧ йӧршитӧма пемыдас. Но оз век ло пемыд сэні, кӧні ӧні сійӧ сукмӧма.

Еремей 13:16

Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.

Еремей 30:5

Господь тадзи висьталӧ: – Ми кылам полӧмла горзӧм, лӧньлуныс абу.

Еремей 50:42

Налӧн кианыс ньӧввуж да шы, найӧ скӧрӧсь, некодӧс оз жалитны, налӧн гӧлӧс шыныс бузгысь саридзлӧн кодь. Найӧ рӧдтӧны вӧвъяс вылын, дасьӧсь тышкасьны тэкӧд, Вавилон ныв.

Еремей 6:23

Налӧн кианыс ньӧввуж да шы, найӧ скӧрӧсь, некодӧс оз жалитны, налӧн гӧлӧс шыныс бузгысь саридзлӧн кодь. Найӧ рӧдтӧны вӧвъяс вылын, дасьӧсь тышкасьны тэкӧд, Сион ныв.

Бӧрданкыв 3:2

Сійӧ вӧтліс менӧ, нуӧдіс пемыдас, эз югыдас.

Езекиль 26:3

Та вӧсна Господь Ыджыдыс тадзи висьталӧ: Ме сувта тэныд паныд, Тир. Ассьыс гыяссӧ кыпӧдысь саридз моз Ме кыпӧда тэныд паныд войтыръясӧс.

Йоиль 2:10

На водзын муыс дзӧрӧ, енэжыс сыркакылӧ. Шондіыс да тӧлысьыс пемдасны, кодзувъяс югӧрсӧ воштасны.

Амос 5:18

Курыд шог сылы, коді Господьлысь лунсӧ виччысьӧ! Бур вылӧ-ӧ тіянлы Господьлӧн луныс лоӧ? Сійӧ пемыд лоӧ, оз югыд.

Амос 8:9

Сійӧ лунӧ, – висьталӧ Господь Ыджыдыс, – Ме тшӧкта шонділы пуксьыны луншӧр кадӧ, лунъюгыднас вевття мусӧ пемыдӧн.

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Восьтӧм 6:12

Кор Баля жугӧдіс квайтӧд печатьсӧ, ме аддзи, мый муыс кутіс ёна вӧрны, шондіыс пемдіс да лои сьӧд дӧра кодь, а тӧлысьыс лои вир гӧрд рӧма.