Исай 5:29 - Коми Библия 2023

²⁹ Найӧ равзӧны лев моз, эргӧны том левъяс моз, кыйдӧссӧ кватитӧны равӧстӧмӧн, пышйӧдӧны, и некод оз вермы налысь мырддьыны.

Исай 5:29 Iomraidhean Croise

Олӧм 49:9

Иуда, тэ – том лев, пиӧй, тэ – кыйсьӧм бӧрын кыпӧдчысь лев, тэ лев моз водан да куйлан. Коді лысьтас садьмӧдны тэнӧ?

Исай 10:6

Ме веськӧда сійӧс тайӧ мыжа войтырыслы паныд, кодъяс вылӧ кыптӧ Менам скӧрлунӧй. Ме тшӧкта сылы куштыны да мырддявны налысь эмбурсӧ, талявны найӧс ывлавывса няйтӧс моз.

Исай 31:4

Господь меным тадзи висьталіс: – Кыдзи лев, том лев, равзӧ аслас кыйдӧс весьтын да оз пов ыж видзысьясысь, налӧн уна лыдысь да горзӧмысь, тадзи Господь Саваоф лэччас Сион керӧс вылӧ, медым вермасьны тайӧ керӧсыс вӧсна.

Исай 35:9

Сэні оз паныдась лев, звер оз тыдовтчы сэні. Сэті ветлӧны сӧмын мездмӧмаяс.

Исай 42:22

Но тайӧ войтырсӧ куштӧма, налысь ставсӧ мырддьӧма. Найӧс ставнысӧ кӧрталӧма да шыбитӧма пемыд гуӧ, йӧртӧма дзескыдінӧ. Найӧ лоины тышын шедӧдӧмторйӧн, некод оз мезды найӧс, некод оз тшӧкты бӧр вайӧдны найӧс.

Исай 47:15

Татшӧмӧсь найӧ, кодъяскӧд тэ уджалін, кодъяскӧд том кадсяньыд тэ вузасин-ньӧбасин. Найӧ быдӧн мунісны асланыс туйӧд, некод оз мезды тэнӧ.

Еремей 2:15

Том левъяс эргӧны сы вылӧ, кылӧ налӧн равзӧм шыыс. Израиль мусӧ найӧ вӧчисны овтӧминӧн, сылысь каръяссӧ пазӧдісны, сэні эз коль олысьыс.

Еремей 4:7

Сук вӧрысь петӧ лев, локтӧ войтыръясӧс бырӧдысь. Сійӧ петӧ аслас оланінысь, медым пазӧдны тэнсьыд мутӧ. Тэнсьыд каръястӧ лоӧ кисьтӧма-жугӧдӧма, сэні оз коль олысьыс.

Еремей 49:19

Йӧрдан юдорса вӧрысь веж йирсянінӧ петысь лев моз Ме виччысьтӧг вӧтла эдомсаясӧс асланыс муысь. Ме пукта налы юралысьӧ сійӧс, кодӧс Ме бӧръя. Эм-ӧ кодкӧ Ме кодьыс? Коді вермас тшӧктыны Менӧ вочавидзны ёрд водзын? Сюрас ӧмӧй сэтшӧм юралысь, коді вермас Меным паныд кыпӧдчыны?

Еремей 50:17

Израиль войтыр разалӧм ыж чукӧр кодь, левъяс вӧтлісны сійӧс. Водзынджык сійӧс вильӧдіс ассурса ӧксы, сэсся вавилонса Навукодоносор ӧксы чегъяліс сылысь лыяссӧ.

Еремей 51:38

Вавилонсаяс пондасны лев моз равзыны, левпиян моз эргыны.

Осий 11:10

Господь равӧстас лев моз, и Ефрем мунас Сы бӧрся. Господь равӧстас – сэки тіралӧмӧн локтасны рытыввывсянь Сылӧн пияныс,

Амос 3:8

Лев кӧ равӧстас, коді нӧ оз повзьы? Господь Ыджыдыс кӧ висьталас, коді нӧ оз пророкав?

Микей 5:8

Войтыръяс пӧвстын Яков рӧдлӧн колясыс лоӧ вӧрса зверъяс пӧвстын олысь лев кодь, ыж чукӧр вылӧ уськӧдчысь том лев кодь. Сійӧ уськӧдчӧ, талялӧ-косявлӧ, и сыысь мездысьны некод оз вермы.

Наум 2:11

Кӧні ӧні левъяслӧн оланіныс, том левъяслӧн пӧткӧдчаніныс? Кӧні левъяслӧн ветлан-шӧйтаніныс, левпиянлӧн лӧнь оланіныс?

Софоний 3:3

Сэтчӧс юралысьясыс – равзысь лев кодьӧсь, ёрдысьясыс – войся кӧин кодьӧсь, асылӧдзыс весиг лытор оз коль кыйдӧссьыс.

Закар 11:3

Кылӧ ыж видзысьяслӧн бӧрдӧм, ӧд налысь йирсянінъяссӧ бырӧдӧма. Кылӧ левъяслӧн равзӧм, ӧд Йӧрдан ю бокысь вӧрсӧ куштӧма.

Лыд 24:9

Ті воданныд да куйланныд левъяс моз. Коді лысьтас чеччӧдны тіянӧс? Тіянӧс бурсиысьясӧс лоӧ бурсиӧма, тіянӧс ёрысьясӧс – ёрӧма.