Исай 5:19 - Коми Библия 2023

¹⁹ Найӧ шуалӧны: «Мед ӧдйӧджык тыдовтчасны Господьлӧн уджъясыс, медым ми аддзим найӧс. Мед ӧдйӧджык инасны Израильлӧн вежа Енлӧн кывъясыс, медым ми казялім тайӧс».

Исай 5:19 Iomraidhean Croise

Исай 30:11

Вешйӧй туй вылысь, кежӧй ветлан туй вылысь, водзӧ энӧ казьтывлӧй миянлы Израильлӧн вежа Ен йылысь».

Исай 66:5

Кывзӧй Господьлысь кывсӧ ті, кодъяс вежавидзанныд Сылӧн кывйысь: – Тіянӧс мустӧмтысь вокъясныд, Менам ним вӧсна тіянӧс ӧтдортысьяс, шуалӧны: «Мед Господь петкӧдлас Ассьыс дзирдлунсӧ, и ми видзӧдлам тіян гажӧдчӧм вылӧ». Но тіянӧс мустӧмтысьясӧс лоӧ янӧдӧма.

Еремей 17:15

Йӧзыс шуалӧны меным: «Господь оз збыльмӧд Ассьыс кывсӧ. Мед инас сійӧ!»

Еремей 23:18

– Кор Господь туйдӧдіс Ассьыс пророкъяссӧ, коді тайӧ пророкъясысь вӧлі сэні? Коді тайӧ пророкъясысь аддзыліс, коді кывліс Сылысь кывсӧ, коді сюся кывзіс Сійӧс?

Еремей 23:36

но энӧ юасьӧй, мыйӧн Господь сьӧктӧдӧ. Ӧд коді юалас тадзи, сійӧс аслас кывйыс кутас сьӧктӧдны. Ті мӧдарӧ бергӧданныд Господь Саваофлысь, миян ловъя Енлысь, кывъяссӧ.

Еремей 36:23

Кор Ехуди лыддьывліс гижӧд тубрасысь куим-нёль юкӧн, ӧксы вундывліс лыддьӧм юкӧнъяссӧ пуртӧн, кутшӧмӧн гижалысь вӧдитчӧ, да шыбитліс найӧс ломтысьысь нажӧгӧ. Тадзи сійӧ бырӧдіс биын ставнас гижӧд тубрассӧ.

Езекиль 12:22

«Морт пиӧй, Израиль муын тіян ветлӧ татшӧм шусьӧг: ”Колясны лунъяс, а Енсянь петкӧдчылӧмъяс оз збыльмыны”.

Езекиль 12:27

«Морт пиӧй, Израиль войтыр шуӧ, мый тэ аддзылан Енсянь петкӧдчылӧмъяс, а найӧ дыр на оз збыльмыны, ӧд тэ пророкалан локтана кадъяс йылысь.

Осий 10:3

Ӧні найӧ шуалӧны: «Миян абу ӧксыным, ӧд Господьысь ми эгӧ полӧй. А вӧлі кӧ, мый бурсӧ эськӧ сійӧ вермис вӧчны миянлы?»

Малакий 2:17

Ті дӧзмӧданныд Господьӧс асланыд сёрниӧн и та дырйи юасянныд, мыйӧн пӧ ми Сійӧс дӧзмӧдам. Дӧзмӧданныд сійӧн, мый шуаланныд, лёк вӧчысь пӧ шогмана Господьлы, татшӧм мортыс пӧ муса Сылы. Нӧшта дӧзмӧданныд сійӧн, мый шуаланныд, кӧні пӧ веськыда мыждысь Енмыс.