Исай 5:10 - Коми Библия 2023

¹⁰ Дас виноград йӧр сетас сӧмын ӧти бӧчка вина, мешӧк тыр кӧдзӧм кӧйдыс сетас сӧмын куд тыр нянь.

Исай 5:10 Iomraidhean Croise

Петӧм 37:22

Чаша подъясыс да вожъясыс бикокыскӧд вӧліны ӧтторъяӧсь, сійӧс ставнас вӧлі серлӧдлӧмӧн дорӧма весалӧм зарниысь.

Исай 32:13

Менам войтырлӧн му вӧсна, ӧд сэні кутас быдмыны йӧн да ёг турун. Шогсьӧй гажӧдчысь керкаяс вӧсна, став гажӧдчысь карыс вӧсна,

Исай 7:23

Сійӧ лунӧ виноград йӧръясын, кӧні сюрсъясӧн быдмисны виноград пуяс, донасьыс-дона пуяс, кутас быдмыны йӧн да ёг турун.

Еремей 48:33

– Моавын, бур вотӧса му вылын, оз нин гажӧдчыны-нимкодясьны. Ме пукті пом пычкан гуын виноград вотӧс талялӧмлы, сэні оз нин сьывны, кылӧ горзӧм, а оз нимкодясьӧм.

Йоиль 1:17

Кӧдзӧм кӧйдыс сісьмис муас, жытникъяс кушмисны, нянь йӧртӧдъяс киссисны, ӧд няньыс эз ло.

Левит 26:26

Ме мырддя тіянлысь няньнытӧ. Ӧти пач дорын дас ань кутасны пӧжасьны, няньсӧ веситӧмӧн кутасны юклыны. Ті кутанныд сёйны, но онӧ пӧтӧй.

Левит 27:16

Коді Господьлы сиас рӧдвуж овмӧссьыс мусӧ, сійӧ мед шуас муыслы донсӧ сы серти, мыйта сэтчӧ позьӧ кӧдзны. Муысь, кытчӧ позьӧ кӧдзны хомер мында ид, доныс мед лоӧ ветымын сикель эзысь.

Аггей 1:6

Ті уна кӧдзанныд, но этша вунданныд, ті сёянныд, но онӧ пӧтӧй, ті юанныд, но горшныд оз веськав, ті пасьтасянныд, но онӧ шоналӧй, ті мырсянныд-уджаланныд, но зепныд век куш.

Аггей 2:16

Ті вӧлі мунанныд нянь йӧртӧдӧ, медым босьтны сэтысь кызь куд мында шобді, а сэні сӧмын дас куд мында. Ті вӧлі мунанныд виноград пычкан гу дорӧ, медым гумовтны сэтысь ветымын литра вина, а сэні сӧмын кызь литра.

Индӧд 28:38

Ті уна кӧдзанныд, но этша вунданныд, ӧд пуктаснытӧ сёяс саранча.

Индӧд 28:39

Пуктанныд да быдтанныд виноград пуяс, но винасӧ онӧ юӧй, весиг вотӧссӧ онӧ чукӧртӧй, ӧд винограднытӧ номыр сёяс.