Исай 49:8 - Коми Библия 2023

⁸ Господь тадзи висьталӧ: – Ме кылі тэнӧ бур кадӧ, отсалі тэныд мездман лунӧ. Ме видзи тэнӧ, пукті тэнӧ тайӧ войтырыслы йитӧд пыдди, медым тэ выльысь сӧвмӧдін тайӧ мусӧ, медым тэ юклін кушмӧм муяссӧ,

Исай 49:8 Iomraidhean Croise

Ӧксыяслӧн 2 небӧг 7:13

Сійӧ лэптас Меным керка, и Ме зумыдмӧда сылысь юралӧмсӧ нэмъяс кежлӧ.

Псалтыр 2:8

Кор Менсьым, и Ме вичмӧда Тэныд войтыръясӧс, сета Тэнад кипод улӧ став муюгыдсӧ.

Псалтыр 75:3

Сылӧн оланіныс Салимын, Сійӧ олӧ Сионын.

Исай 26:3

Кодлӧн лолыс зумыд, сійӧс Тэ видзан тырвыйӧ лӧньлунас, ӧд Тэ вылӧ сійӧ лача кутӧ.

Исай 27:3

Ме, Господь, видза сійӧс, пыр киськала сійӧс. Ме лун и вой видза сійӧс, медым некод эз вӧч сылы лёксӧ.

Исай 41:10

Эн пов, Ме тэкӧд, эн майшась, Ме – тэнад Енмыд. Ме ёнмӧда тэнӧ, отсала тэныд да кутышта тэнӧ Аслам веськыд киӧн.

Исай 42:1

Со, Менам Кесъялысьӧй, Ме сета Сылы вын, Ме бӧрйи Сійӧс, Менам сьӧлӧмӧй нимкодясьӧ Сыӧн. Ме мӧдӧда Сы вылӧ Ассьым лолӧс. Сійӧ ваяс веськыда мыждӧм быд войтырлы.

Исай 42:6

– Ме, Господь, чукӧсті тэнӧ, медым вайны веськыдлунсӧ. Ме кута тэнӧ киӧдыд, Ме видза тэнӧ. Тэ лоан йитӧдӧн Ме да йӧз костын, лоан югыдӧн став войтыръяслы,

Исай 44:26

Ме збыльмӧда сійӧ, мый юӧртіс Менам кесйӧгӧй, вӧча сійӧ, мый висьталісны Меӧн мӧдӧдӧмаяс. Ме висьтала, мый Ерусалимӧс бара лоӧ овмӧдӧма, Иуда каръясӧс выльысь лоӧ лэптӧма. Ме выльысь кыпӧда бырӧдӧм каръяс.

Исай 49:19

Тэнсьыд муястӧ куштӧма, сэні эз коль олысьыс, тэнсьыд мутӧ дзикӧдз пазӧдӧма. Но тэныд дзескыд лоӧ уна лыда олысьяс вӧсна, тэнӧ куштысьяс дзикӧдз ылыстчасны тэ дінысь.

Исай 51:16

Ассьым кывъясӧс Ме пукті тэнад вомӧ, вевтти тэнӧ Аслам ки вуджӧрӧн. Ме шевкниті енэжсӧ, зумыда сувтӧді мусӧ. Ме шуа Сионлы: «Тэ – Менам войтырӧй!»

Исай 51:3

Господь бурӧдас Сион, бурӧдас пазӧдӧм карсӧ, сылысь овтӧминсӧ вӧчас рай кодьӧн, сылысь кушинсӧ вӧчас Господьлӧн сад йӧрӧн. Сэні пондасны нимкодясьны да гажӧдчыны, кыпыда ошкыны да сьывны.

Исай 54:3

Тэ паськӧдчан веськыдвылӧ и шуйгавылӧ, тэнад челядьлы вичмас мукӧд войтырлӧн муясыс, найӧ овмӧдчасны кушмӧм каръясӧ.

Исай 55:6

Корсьӧй Господьӧс, кор позьӧ на аддзыны Сійӧс, шыасьӧй Сы дінӧ, кор Сійӧ матын.

Исай 57:13

Кор тэ кутан корны отсӧг вылӧ, тэнӧ оз мездыны идолъясыд. Найӧс ставнысӧ нӧбӧдас тӧвнырыс, разӧдас тӧв пӧльыштӧмыс. Но Ме вылӧ лача кутысьлы вичмас му, сылы вичмас Менам вежа керӧсӧй.

Исай 58:12

Тэ выльысь кыпӧдан важӧн пазӧдӧм каръяс, лэптан керкаяс важ подувъяс вылӧ. Тэнӧ пондасны шуны карса стенъяс дзоньталысьӧн, туйяс восьтысь-лӧсьӧдысьӧн.

Исай 58:5

Ме ӧмӧй кӧсъя татшӧм видзалӧмсӧ, кӧсъя ӧмӧй татшӧм раммӧдан лунсӧ, кор эжӧр моз копыртанныд юрнытӧ, вольсаланныд ас уланыд чорыд дӧра, куйланныд пӧим вылын? Тайӧс ӧмӧй позьӧ шуны видзалӧмӧн, Господьлы шогмана лунӧн?

Исай 61:2

юӧртны Господьлӧн буралан во йылысь, миян Енлӧн водзӧс перъян лун йылысь. Господь мӧдӧдіс Менӧ бурӧдны шогсьысьясӧс,

Исай 61:4

Найӧ выльысь кыпӧдасны важӧн пазӧдӧм каръяс, овтӧм каръяс пыдди найӧ кыпӧдасны выльясӧс, выльысь лэптасны киссьӧм каръяс, кӧні важӧн нин некод оз ов.

Исай 65:9

Ме сета Яковсянь чужны войтырлы, Иудасянь чужысьяслы вичмасны Менам керӧсъяс. Найӧ вичмасны Менам бӧрйӧмаяслы, Менам кесйӧгъяс пондасны овны сэні.

Матвей 26:28

Тайӧ Менам вир – Выль Йитӧдлӧн вир, сійӧ киссьӧ уналысь мыжъяссӧ прӧститӧм вӧсна.

2 Коринфӧ 6:2

Енмыс ӧд тадзи висьталӧ: – Ме кылі тэнӧ бур кадӧ, отсалі тэныд мездман лунӧ. Со ӧні бур кадыс, со ӧні мездман луныс.

Ефесӧ 1:6

Сідзкӧ, ошкамӧй Енсӧ дзирдлуна буралӧмсьыс. Тайӧ буралӧмсӧ Сійӧ козьналіс миянлы Аслас муса Пиыс пыр.

Еврейяслы 12:24

Ті матыстчинныд Выль Йитӧдсӧ кӧрталысь Исус дінӧ да Сылӧн сӧстӧммӧдысь вир дінӧ. Сылӧн вирыс Авельлӧн вир дорысь бурджыксӧ висьталӧ.

Еврейяслы 5:7

Му вылын олігӧн Исус кыз синваӧн да гораа бӧрдӧмӧн корис-кевмысис Сылы, коді вермис мездыны Сійӧс кулӧмысь. Ен кыліс Сылысь кевмӧмсӧ, ӧд Исус кывзысис Сылысь.

Еврейяслы 8:6

Мукӧд аркирейлы дорысь Исуслы вӧлі сетӧма ёна бурджык кесъялӧм. Исус пыр кӧрталӧм йитӧдыс тшӧтш ёна бурджык, ӧд подуласьӧ бурджык кӧсйысьӧм вылӧ.