Исай 49:17 - Коми Библия 2023

¹⁷ Тэнад пияныд тэрмасьӧны локны тэ дінӧ, а тэнӧ пазӧдысьяс-куштысьяс пышйӧны.

Исай 49:17 Iomraidhean Croise

Ездра 1:5

Иуда да Венямин чужанкотыръясысь рӧдкутысьяс, попъяс да левитъяс – ставныс, кодӧс Ен ышӧдіс лэптыны Ерусалимын Господьлысь крам, лӧсьӧдчисны петны туйӧ.

Неемий 2:17

Ме шуи налы: «Ті аддзанныд, мый миянӧс суис: Ерусалим карнымӧс кисьтӧма, сылысь дзиръяяссӧ сотӧма. Выльысь лэптам карлысь стенъяссӧ, вештам ас вылысь янӧдӧмсӧ».

Псалтыр 137:3

Сійӧ лунӧ, кор ме шыаси Тэ дінӧ, Тэ вочавидзин меным, сетін меным повтӧмлун да ёнмӧдін менсьым лолӧс.

Исай 10:6

Ме веськӧда сійӧс тайӧ мыжа войтырыслы паныд, кодъяс вылӧ кыптӧ Менам скӧрлунӧй. Ме тшӧкта сылы куштыны да мырддявны налысь эмбурсӧ, талявны найӧс ывлавывса няйтӧс моз.

Исай 37:18

Господьӧй, збыльысь, ассурса ӧксыяс бырӧдісны войтыръясӧс да куштісны налысь муяссӧ,

Исай 49:19

Тэнсьыд муястӧ куштӧма, сэні эз коль олысьыс, тэнсьыд мутӧ дзикӧдз пазӧдӧма. Но тэныд дзескыд лоӧ уна лыда олысьяс вӧсна, тэнӧ куштысьяс дзикӧдз ылыстчасны тэ дінысь.

Исай 51:13

А Господьӧс тэ вунӧдан. Сійӧ вӧчис тэнӧ, шевкнитіс енэжсӧ, зумыда сувтӧдіс мусӧ. Мыйла тэ пыр полан дзескӧдысьлӧн скӧралӧмысь, полан сыысь, коді дась тэнӧ бырӧдны? Но кӧні нӧ тэнӧ дзескӧдысьлӧн скӧралӧмыс?

Исай 60:4

Лэпты синтӧ да видзӧдлы гӧгӧр: найӧ ставныс чукӧртчӧмаӧсь, локтӧны тэ дінӧ. Тэнад пияныд ылісянь локтасны, тэнсьыд нывъястӧ ки вылын ваясны.

Исай 62:5

Кыдзи том зон ӧтлаасьӧ том нывкӧд, сідзи тэнад войтырыд ӧтлаасьӧ тэкӧд. Кыдзи верӧспу нимкодясьӧ гӧтырпуыс вӧсна, сідзи тэнад Енмыд пондас нимкодясьны тэ вӧсна.

Езекиль 28:24

Израиль войтырлӧн оз нин лоны сійӧс мустӧмтысь орччӧн олысьясыс, кодъяс ёсь лежнӧг моз сутшкалӧны-дойдалӧны. Сэки найӧ тӧдмаласны, мый Ме – Господь Ыджыдыс.

Езекиль 36:10

Ме овмӧда унасьыс-уна йӧзӧс Израиль керӧсъяс вылӧ. Израиль войтыр выльысь овмӧдчас каръясас, из чукӧръясысь лэптас керкаяс.