Исай 48:20 - Коми Библия 2023

²⁰ Петӧй Вавилонысь, пышйӧй Калдеяысь! Гораа нимкодясьӧмӧн юӧртӧй, висьтавлӧй та йылысь, паськӧдӧй тайӧ юӧрсӧ му помӧдзыс. Висьтавлӧй тадзи: Господь мездіс Ассьыс Яков кесйӧгсӧ.

Исай 48:20 Iomraidhean Croise

Ӧксыяслӧн 2 небӧг 7:23

Енмӧй, сюрас-ӧ Тэнад Израиль войтыр кодь мӧдыс? Му вылас олысь войтыръясысь сӧмын на дінӧ Тэ локтін. Локтін, медым мездыны найӧс да вӧчны Аслад войтырӧн, ыдждӧдлыны Ассьыд нимтӧ, вӧчны налӧн синъяс водзын ыджыд да повзьӧдана уджъяс. Тэ мездін Ассьыд войтыртӧ Египетысь, вӧтлін на водзысь мукӧд войтыръясӧс да налысь енъяссӧ.

Ездра 2:1

Иуда муысь йӧз, кодъясӧс вавилонса Навукодоносор ӧксы коркӧ нуӧдліс пленӧ, ӧні бӧр локтісны Вавилонысь Ерусалимӧ да Иуда муӧ – быдӧн аслас карӧ.

Псалтыр 126:1

Крамӧ мунігӧн сьылӧм. Соломонлӧн сьыланкыв. Господь кӧ оз лэпты керкатӧ, весьшӧрӧ мырсьӧны керка лэптысьяс. Господь кӧ оз видз картӧ, весьшӧрӧ войсӧ узьтӧг олӧны карсӧ видзысьяс.

Исай 12:1

Сійӧ лунӧ тэ шуан: «Господьӧй, ме ошка Тэнӧ. Тэ скӧралін ме вылӧ, но лӧньӧдін Ассьыд скӧрлунтӧ да бурӧдін менӧ.

Исай 12:4

Сійӧ лунӧ ті шуанныд: «Ошкӧй Господьӧс, шыасьӧй Сы дінӧ! Юӧртӧй войтыръяслы Сылӧн уджъясыс йылысь, висьтавлӧй, кутшӧм ыджыд Сылӧн нимыс.

Исай 24:14

Ловйӧн кольӧмаяс гораа ошкӧны Господьӧс, рытыввылын гораа ыдждӧдлӧны Сійӧс.

Исай 26:1

Сійӧ лунӧ Иуда муын кутасны сьывны татшӧм сьыланкыв: – Миян эм зумыд кар, оз стенъяс да тымӧдъяс видзны сійӧс, а Енмыс видзӧ сійӧс.

Исай 42:10

Сьылӧй Господьлы выль сьыланкыв, ошкӧй Сійӧс быд му пельӧсын! Ошкӧй Сійӧс, саридз вывті кывтысьяс и саридзын олысьяс. Ошкӧй Сійӧс, саридздорса муяс и саридз дорын олысьяс.

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Исай 44:22

Руӧс моз Ме разӧда тэнсьыд лёк вӧчӧмъястӧ, кымӧрӧс моз вешта тэнсьыд мыжъястӧ. Бергӧдчы Ме дінӧ, Ме мезда тэнӧ!

Исай 48:6

Ӧні мӧвпав сы йылысь, мый водзынджык кывлін. Ті ӧмӧй онӧ эскӧй таӧ? Ӧнісянь Ме висьтала тэныд выльтор, висьтала гусятор, мый йылысь тэ эн на тӧдлы.

Исай 49:13

Нимкодясь, енэжыс, гажӧдчы, муыс, гораа нимкодясьӧй, керӧсъяс! Ӧд Господь бурӧдіс Ассьыс войтырсӧ, Сійӧ бурсьӧлӧмтчӧ Аслас коньӧръяс дінӧ.

Исай 49:6

– Тэ – Менам кесйӧг, тэ выльысь сувтӧдан Яковлысь чужанкотыръяссӧ, бергӧдан Израильлысь коляс войтырсӧ, но тайӧ этша на. Ме вӧча тэнӧ войтыръяслы югыдӧн, медым Меӧн мӧдӧдӧм мездмӧмыс воис му помӧдзыс.

Исай 51:14

Пленӧ босьтӧмаӧс регыд лоӧ мездӧма, сійӧ оз кув гуын, оз кут тшыгъявны.

Исай 52:10

Став войтыръяслӧн син водзын Господь петкӧдліс Аслас вежа килысь вынсӧ. Му помын олысьяс ставныс аддзасны миян Енсянь мездӧмсӧ.

Исай 52:11

Мунӧй, мунӧй, ылыстчӧй сэтысь, энӧ инмӧдчӧй пежас, дзикӧдз ылыстчӧй сэтысь, лоӧй сӧстӧмӧсь, Господьлысь вежа дозъяс новлӧдлысьяс.

Исай 52:9

Кыпыда гажӧдчы, пазӧдӧм Ерусалим кар! Сьылӧй ставныд ӧтвылысь, ӧд Господь бурӧдіс Ассьыс войтырсӧ, мездіс Ерусалим.

Исай 62:11

Со, Господь юӧртӧ му помӧдзыс: – Висьталӧй Сион нывлы: видзӧд, локтӧ тэнад Мездысьыд, Сыкӧд ставныс, кодъясӧс Сійӧ шедӧдіс, Сылӧн син водзын ставныс, кодъясӧс Сійӧ Аслыс босьтіс.

Исай 63:9

сьӧкыд кадӧ Сійӧ вӧлі накӧд, Сылӧн анделыс отсаліс налы. Аслас муслуныс да бурлуныс вӧсна Сійӧ мездывліс найӧс, новлӧдліс найӧс ки вылас став важся лунъясӧ.

Еремей 31:10

Войтыръяс, кывзӧй Господьлысь кывсӧ, саридз сайын олысьяслы юӧртӧй: «Израиль войтырӧс разӧдысь бӧр чукӧртас найӧс, ыж видзысь моз кутас видзны найӧс».

Еремей 31:11

Господь вештысяс Яковлӧн рӧд вӧсна, мездас найӧс вынаджыклӧн киысь.

Еремей 31:21

Сувтӧд туй бокад изъяс, сувтӧд аслыд пасъяс, медым эн вунӧд ветлан туйтӧ. Бергӧдчы, Израиль ныв, бергӧдчы аслад каръясӧ.

Еремей 50:2

– Юӧртӧй войтыръяслы, кыпӧдӧй дӧрапас, юӧртӧй, энӧ дзебӧй, висьталӧй тадзи: Вавилон карӧс босьтӧма, Вил идолӧс янӧдӧма, Мардук идолӧс пасьвартӧма, вавилонса идолъясӧс янӧдӧма, сылысь бӧлбанъяссӧ жугӧдӧма.

Еремей 50:28

Кылӧ пышйӧмаяслӧн гӧлӧс шыныс, найӧ мездмӧмаӧсь Вавилонысь. Сионын найӧ висьталӧны, мый Господь, миян Енным, водзӧс перйис Аслас крамыс вӧсна.

Еремей 50:8

Пышйӧй Вавилонысь, мунӧй Калдея муысь, кӧзаяс моз мунӧй ыж чукӧр водзын.

Еремей 51:45

Менам войтырӧй, петӧй Вавилонысь, видзӧй ассьыныд олӧмнытӧ, пышйӧй Господьлӧн яр скӧрлунысь!

Еремей 51:48

Енэжыс, муыс и ставыс, мый сэні эм, кутасны нимкодясьны, ӧд войвывсянь Вавилонӧ локтасны куштысь-бырӧдысьяс, – висьталӧ Господь. –

Еремей 51:6

Пышйӧй Вавилонысь, видзӧй ассьыныд олӧмнытӧ, медым Вавилонлӧн мыжъяс вӧсна энӧ кулӧй, ӧд воис кад, кор Господь мынтысьӧ Вавилонлы, водзӧс перйӧ сылысь.

Закар 10:8

– Ме чукӧста найӧс, чукӧрта ставнысӧ, ӧд Ме ньӧби найӧс, и найӧ важ мозыс бара лоӧны уна лыда войтырӧн.

Закар 2:10

Нимкодясь да гажӧдчы, Сион ныв! Ме локта да овмӧдча тэ ордӧ, – висьталӧ Господь.

Индӧд 30:4

Весиг му помсянь Господь, тіян Енныд, чукӧртас тіянӧс

Восьтӧм 18:20

– Нимкодясь, енэжыс! Нимкодясьӧй, вежа апостолъяс да пророкъяс! Енмыс мыждіс тайӧ карсӧ тіянлы лёк вӧчӧмысь.

Восьтӧм 18:4

Сэсся ме кылі енэжысь мӧд гӧлӧс шы. Сійӧ шуис: – Войтырӧй Менам, петӧй тайӧ карсьыс, медым энӧ ӧтувтчӧй сылӧн мыж вӧчӧмас, медым сійӧс моз эз су тіянӧс бырӧдӧмыс.