Исай 46:3 - Коми Библия 2023

³ Кывзӧй Менӧ, Яковсянь чужысьяс, кывзӧй, Израильлӧн коляс войтырыс! Ме новлӧдлі тіянӧс чужӧмсяньныд, новлӧдлі тіянӧс мам кынӧмсяньныд.

Исай 46:3 Iomraidhean Croise

Псалтыр 28:9

Господьлӧн гӧлӧс шыысь вайсьӧны кӧръяс, Сылӧн гӧлӧс шыысь кушмӧны вӧръяс. Сылӧн крамын ставныс гораа шуалӧны: «Ошкӧм Сылы!»

Псалтыр 71:6

Ӧксы мед лоас ытшкӧм видз вылӧ киссьысь зэр кодь, мусӧ кӧтӧдысь сувтса зэр кодь.

Петӧм 19:4

ті аддзылінныд, мый Ме вӧчи египетсакӧд. Кутш бордъяс вылын моз Ме лэбӧді тіянӧс, вайӧді Ас дінӧ.

Исай 1:9

Господь Саваоф кӧ эз видз коляс войтырсӧ, ми эськӧ бырим Содом моз, миянӧс эськӧ суис сійӧ жӧ, мый Гомораӧс.

Исай 10:20

Сійӧ лунӧ Израильлӧн коляс войтырыс, Яковсянь чужысьясысь ловйӧн кольӧмаяс, оз нин пондыны лача кутны найӧс дзескӧдысь вылӧ, но став сьӧлӧмсянь пондасны лача кутны Господь вылӧ, Израильлӧн вежа Ен вылӧ.

Исай 10:21

Коляс войтырыс бӧр бергӧдчас, Яковсянь чужысьясысь ловйӧн кольӧмаяс бӧр бергӧдчасны вына Ен дінӧ.

Исай 10:22

Израиль, тэнад войтырыдлӧн лыдыс кӧ лоӧ весиг саридздор лыа мында, бергӧдчас сӧмын колясыс. Бырӧдӧмыс лоӧ веськыдлун серти, сійӧ ыльӧбтас ойдӧм ва моз.

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

Исай 37:4

Гашкӧ, Господь, тэнад Енмыд, кылас ассурса ӧксылӧн эскана мортлысь кывъяссӧ. Сылӧн ыджыдыс, ассурса ӧксы, мӧдӧдіс сійӧс, медым омӧльтны ловъя Енмӧс. Гашкӧ, Господь, тэнад Енмыд, мыждас сійӧс омӧльтана кывъяссьыс. Кевмысь ловйӧн кольӧмаяс вӧсна».

Исай 4:3

Сэки Сион-Ерусалимын ловйӧн кольӧмаясӧс кутасны шуны вежаясӧн. Тадзи шуасны Ерусалимын олысьясӧс, кодъясӧс гижӧма ловъяяслӧн небӧгӧ.

Исай 44:21

Эн вунӧд, Яков, эн вунӧд, Израиль, мый тэ – Менам кесйӧг, Ме вӧчи тэнӧ. Тэ – Менам кесйӧг, Израиль, эн вунӧд Менӧ.

Исай 46:12

Кывзӧй Менӧ, чорыд сьӧлӧмаяс, кодъяс ылынӧсь веськыдлунсьыс.

Исай 48:1

– Кывзӧй тайӧс, Яковсянь чужысьяс! Ті шусянныд Израиль нимӧн, ті петінныд Иуда чужанкотырысь, ті кыв сетӧмӧн кӧсйысянныд Господь нимӧн, шуанныд, мый кесъяланныд Израильлӧн Енлы, но вӧчанныд тайӧс онӧ збыльысь да онӧ веськыда.

Исай 51:1

– Кывзӧй Менӧ, веськыдлунсӧ да Господьӧс корсьысьяс! Видзӧдлӧй изкыртаыс вылӧ, мыйысь вӧчӧма-кералӧма тіянӧс, видзӧдлӧй му пыдӧсӧ, кытысь кодйӧма-перйӧма тіянӧс.

Исай 51:7

Кывзӧй Менӧ, веськыда олысьяс, ті, кодъяс видзанныд сьӧлӧманыд Менсьым Индӧдӧс. Энӧ полӧй йӧзлӧн омӧльтӧмысь, налӧн лёкӧдӧмысь энӧ повзьӧй.

Исай 63:9

сьӧкыд кадӧ Сійӧ вӧлі накӧд, Сылӧн анделыс отсаліс налы. Аслас муслуныс да бурлуныс вӧсна Сійӧ мездывліс найӧс, новлӧдліс найӧс ки вылас став важся лунъясӧ.

Индӧд 1:31

Овтӧминын ті аддзылінныд, мый Господь, тіян Енныд, нуис тіянӧс ки вылас, кыдзи бать нуӧ ассьыс писӧ. Татчӧ вотӧдзныд Сійӧ пыр нуис тіянӧс ки вылас”.