Исай 46:13 - Коми Библия 2023

¹³ Ме мӧдӧді веськыдлунсӧ, сійӧ матын нин. Ме мӧдӧді мездӧмсӧ, сійӧ оз сёрмы. Ме сета Сионлы мездмӧмсӧ, Израильлы – Ассьым дзирдлунӧс.

Исай 46:13 Iomraidhean Croise

Псалтыр 46:1

Сьылысьясӧн веськӧдлысьлы. Корей пиянлӧн псалом.

Псалтыр 46:5

Сійӧ бӧрйис да вичмӧдіс миянлы му, тайӧ мунас ошйысис Сылӧн муса Яков.

Псалтыр 85:10

Ӧд Тэ ыджыд, Тэ вӧчан шензьӧданаторъяс. Тэ – Ен, и мӧдыс абу.

Псалтыр 85:9

Господьӧй, Тэ вӧчин став войтыръяссӧ. Найӧ локтасны да копыртчасны Тэ водзӧ, ошкасны Тэнсьыд нимтӧ.

Исай 12:2

Енмыс – менӧ Мездысьыс. Сы вылӧ ме лача кута да ог пов. Господь – менам вынӧй, Сійӧ – менам сьыланкывйӧй. Господь мездіс менӧ».

Исай 28:16

Та вӧсна Господь Ыджыдыс тадзи висьталӧ: – Сионӧ Ме пукта подув из. Сійӧ – пельӧс из, кодӧс Ме бӧрйи. Сійӧ – дона из, сулалӧ зумыда. Сылы эскысь оз янав.

Исай 43:7

вайӧдӧй быдӧнӧс, кодӧс Ме чукӧсті, кодӧс Ме вӧчи Ачымӧс нимӧдӧм могысь.

Исай 44:23

Нимкодясьӧй, енэжъяс, ӧд Господь вӧчис тайӧс. Гораа горӧдӧй, му пыдӧсъяс, гораа нимкодясьӧй, керӧсъяс, нимкодясьӧй, вӧр да вӧрса пуяс, ӧд Господь ньӧбис Яковӧс, Господьӧс лоӧ нимӧдӧма Израильӧс мездӧм пыр.

Исай 45:8

Енэжсьыс мед зэрӧн киссяс веськыдлуныс, мед сійӧ киссяс кымӧръяссьыс, муыс мед воссяс да ваяс мездӧм, веськыдлуныс мед кутас дзоридзавны. Ме, Господь, вӧча тайӧс.

Исай 51:5

Менам веськыдлунӧй матын, Месянь мездмӧмыс регыд нин воас, Менам киӧй мыждас войтыръясӧс. Саридз дорын олысьяс виччысьӧны Месянь отсӧг, лача кутӧны Менам вынӧй вылӧ.

Исай 54:17

Но ни ӧти тышкасянтор, мый вӧчӧма тэныд паныд, оз вермы тэнӧ. Быдӧнӧс, коді мыжалӧ тэнӧ, тэ ачыд мыждан. Тадзи лоӧ Господьлӧн кесйӧгъяскӧд. Ме вӧча найӧс веськыдӧн, – висьталӧ Господь.

Исай 56:1

Господь тадзи висьталӧ: – Мыждӧй веськыда, олӧй веськыда, ӧд регыд воас Месянь мездмӧмыс, регыд воссяс Менам веськыдлунӧй.

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.

Исай 60:9

Саридз дорын олысьяс лача кутӧны Ме вылӧ, фарсисса корабльяс медводзын кывтӧны, ылі муясысь найӧ вайӧны тэнсьыд пиянтӧ да налысь зарни-эзысьсӧ Господьлӧн, тэнад Енлӧн, нимыс вӧсна, Израильлӧн вежа Ен вӧсна, ӧд Сійӧ нимӧдіс тэнӧ.

Исай 61:11

Кыдзи муыс быдтӧ пуктас-быдтассӧ, кыдзи йӧрын быдмӧны кӧдзӧмторъяс, тадзи Господь Ыджыдыс быдтас веськыдлун, тадзи быдмас-содас Сійӧс ошкӧмыс войтыръяс водзын.

Исай 61:3

Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.

Исай 62:1

Сион вӧсна ог кут чӧв овны, Ерусалим ради ог дугды висьтавлыны, кытчӧдз сылӧн веськыдлуныс оз воссьы югыд моз, сылӧн мездмӧмыс оз тыдовтчы ӧзъялысь би моз.

Исай 62:11

Со, Господь юӧртӧ му помӧдзыс: – Висьталӧй Сион нывлы: видзӧд, локтӧ тэнад Мездысьыд, Сыкӧд ставныс, кодъясӧс Сійӧ шедӧдіс, Сылӧн син водзын ставныс, кодъясӧс Сійӧ Аслыс босьтіс.

Еремей 33:9

Мувывса став войтыръяс водзын тайӧ карыс ваяс Меным нимкодьлун, ошкӧм да нималӧм. Кор войтыръяс кыласны бурыс да лӧньлуныс йылысь, мый Ме сета тайӧ карас олысьяслы, найӧс полӧм-дзӧрӧм босьтас.

Йоиль 2:32

И быдӧн, коді шыасяс Господь дінӧ, мездмас. Господьлӧн шуӧм серти мездмӧмыс лоӧ Сион керӧсын да Ерусалимын. Мездмасны найӧ, кодъясӧс корас Господь.

Йоиль 3:17

– Сэки ті тӧдмаланныд, мый Ме – Господь, тіян Енныд, Ме ола Сионын, Аслам вежа керӧсын. Ерусалим лоӧ вежаинӧн, и мукӧд войтыр сэтчӧ оз пыр.

Микей 7:9

Ме мыжа Господь водзын, та вӧсна меным колӧ нуны Сылысь скӧрлунсӧ, кытчӧдз Сійӧ оз видлав менсьым мыжӧс да оз бурсьӧлӧмтчы ме дінӧ. Сэки Сійӧ петкӧдас менӧ югыдас, и ме аддза Сылысь веськыдлунсӧ.

Аввакум 2:3

Тайӧ аддзылӧмыс локтана кад йылысь, кадлӧн пом йылысь, тайӧ абу ылӧг. Тайӧ кадыс кӧ дыр на оз во, виччысь, ӧд тайӧ аддзылӧмыс инас, оз вежсьы.

Аггей 1:8

Кайӧй керӧс вылӧ, вайӧй сэтысь пуяс да Менӧ пыдди пуктӧм могысь лэптӧй Менам сьӧлӧм серти крам, – висьталӧ Господь.

Иоан 17:10

Ставыс, мый Менам, сійӧ Тэнад, а мый Тэнад – сійӧ Менам. Менам дзирдлунӧй воссяс на пыр.

Римӧ 1:17

Бур Юӧрыс восьтӧ Енлысь веськыдлунсӧ эскӧмсянь да эскӧм пыр. Гижӧма: «Веськыда олысь эскӧмнас кутас овны».

Ефесӧ 1:6

Сідзкӧ, ошкамӧй Енсӧ дзирдлуна буралӧмсьыс. Тайӧ буралӧмсӧ Сійӧ козьналіс миянлы Аслас муса Пиыс пыр.

2 Фессалоникаӧ 1:10

Тайӧ лоӧ сійӧ лунӧ, кор Господь локтас. Сэки Сылӧн став вежа войтырыс кутас ошкыны Господьӧс да став эскысьыс кутас шензьыны Сы вылӧ. Ті тшӧтш лоанныд на лыдын, ӧд ті эскинныд миян висьталӧмӧ.

2 Фессалоникаӧ 1:12

Сэки миян Господь Исус Кристослысь нимсӧ лоӧ ошкӧма тіян пыр, а тіянӧс – Сы пыр, миян Ен да Господь Исус Кристослӧн буралӧмыс кузя.

Еврейяслы 10:37

Гижӧма: – Регыд, вывті регыд, и Локтысьыс нюжмасьтӧг воас.

1 Петыр 2:6

Гижӧдыс висьталӧ: – Сионӧ Ме пукта пельӧс из. Сійӧ – дона из, кодӧс Ме бӧрйи. Сылы эскысь оз янав.