Исай 46:12 - Коми Библия 2023

¹² Кывзӧй Менӧ, чорыд сьӧлӧмаяс, кодъяс ылынӧсь веськыдлунсьыс.

Исай 46:12 Iomraidhean Croise

Псалтыр 49:1

Асафлӧн псалом. Енмыс, Господь Ен, сетіс Ассьыс гӧлӧс шысӧ, став му пасьталаысь асыввывсянь рытыввылӧдз Сійӧ чукӧстіс йӧзӧс.

Псалтыр 76:5

Енмӧй, Тэ он лэдз меным куньны синмӧс, ме ловнам усьӧма, ог вермы весиг сёрнитны.

Исай 28:14

Сідзкӧ, ті, больгысьяс, Ерусалимын веськӧдлысьяс, кывзӧй Господьлысь кывсӧ.

Исай 28:23

Копыртӧй пельнытӧ, кывзӧй менӧ, сюся кывзӧй, мый висьтала тіянлы.

Исай 45:20

Чукӧртчӧй да локтӧй, матыстчӧй ставныд, кодъяс ловйӧн колинныд войтыръяс пӧвстысь. Вежӧртӧмӧсь найӧ, кодъяс новлӧдлӧны ассьыныс пу идолъяснысӧ да кевмысьӧны енлы, коді оз мезды.

Исай 46:3

Кывзӧй Менӧ, Яковсянь чужысьяс, кывзӧй, Израильлӧн коляс войтырыс! Ме новлӧдлі тіянӧс чужӧмсяньныд, новлӧдлі тіянӧс мам кынӧмсяньныд.

Исай 48:1

– Кывзӧй тайӧс, Яковсянь чужысьяс! Ті шусянныд Израиль нимӧн, ті петінныд Иуда чужанкотырысь, ті кыв сетӧмӧн кӧсйысянныд Господь нимӧн, шуанныд, мый кесъяланныд Израильлӧн Енлы, но вӧчанныд тайӧс онӧ збыльысь да онӧ веськыда.

Исай 48:4

Ме тӧді, мый тэ асныра, мый тэнад сьыліыд кӧртысь, плешкыд ыргӧнысь.

Исай 5:7

Господь Саваофлӧн виноград йӧрыс – Израиль войтыр. Иуда войтыр – Сылӧн муса быдтасыс. Сійӧ кӧсйис аддзыны веськыда вӧчӧм, но аддзис вир кисьтӧм. Кӧсйис аддзыны веськыда олӧм, но аддзис бӧрдӧм-ойзӧм.

Исай 59:14

Ми ылыстім веськыда мыждӧмсӧ, веськыдлуныс сулалӧ ылын, збыльыс крукасис изэрдйӧ, веськыда вӧчӧмыс оз су миянӧс.

Исай 59:15

Збыльыс эз ло. Лёксьыс ылыстчысьлысь эмбурсӧ мырддьӧны. Господь аддзис, мый веськыда мыждӧмыс абу, и тайӧ вӧлі зывӧк Сылы.

Исай 64:6

Ми ставным пежӧсь, миян веськыдлунным няйтчӧм паськӧм кодь, ми ставным косьмӧм коръяс кодьӧсь, миян мыжъясным тӧвныр моз нӧбӧдӧны миянӧс.

Исай 9:9

Та йылысь тӧдмаліс став войтырыс, Ефремын да Самарияын олысьяс. Найӧ тшапа да ышнясьӧмӧн сёрнитӧны:

Еремей 2:5

Господь тадзи висьталӧ: – Аддзылісны ӧмӧй тіян батьясныд, мый Ме ог веськыда вӧч? Таысь ӧмӧй найӧ ылыстчисны Меысь? Найӧ вӧтчисны идолъяс бӧрся, нинӧм бӧрся моз, и асьныс лоины татшӧмӧсь.

Амос 5:7

Со, веськыда мыждӧмсӧ ті бергӧдінныд курыд зелляӧ, веськыдлунсӧ муӧ талялінныд!

Аввакум 1:3

Мыйла Тэ сетан меным аддзыны лёк вӧчӧмсӧ, видзӧдны шогыс вылӧ? Быдлаын гусясьӧны-мырддялӧны, виалӧны-дзескӧдӧны, лӧгалӧны да зыксьӧны.

Ап. уджъяс 7:51

Асныралысьяс, тіян сьӧлӧмныд оз тӧд Енсӧ да тіян пельныд оз кыв Сійӧс! Асланыд батьяс моз ті век паныд сувтанныд Вежа Ловлы.

Ефесӧ 2:13

Коркӧ ті вӧлінныд ылынӧсь Енсьыс, ӧні ті Исус Кристос пытшкынӧсь. Сылӧн вирыс матыстіс тіянӧс Ен дінас.

Ефесӧ 5:14

Сійӧн и шуӧма: – Садьмы, узьысь, ловзьы кулӧмысь, и тэнӧ югдӧдас Кристос.