Исай 45:9 - Коми Библия 2023

⁹ Курыд шог сылы, коді вензьӧ аслас Вӧчыськӧд, сылы, коді сӧмын жугалӧм гырничтор кодь. Сёйыс ӧмӧй шуас гырнич вӧчысьыслы: «Мый тэ верман вӧчны?» Тэнад киӧн вӧчӧмторйыд ӧмӧй шуас, тэ пӧ сямтӧм?

Исай 45:9 Iomraidhean Croise

Иов 10:9

Эн вунӧд, мый Тэ сёйысь вӧчин менӧ, а ӧні бӧр вӧчан менӧ муӧн?

Иов 33:13

Мыйла тэ вензян Сыкӧд, шуан, мортлы пӧ Сійӧ оз вочавидз?

Иов 40:2

– Вӧнясь тышкаморт моз! Ме кута юасьны, а тэ Меным вочавидз.

Иов 9:12

Коді сувтӧдас Сійӧс мыйкӧ босьтӧмысь, коді шуас Сылы: «Мый Тэ вӧчан?»

Иов 9:4

Енмыс – ыджыд мывкыдлуна, вынасьыс-вына, Сылы паныд кыпӧдчӧмысь мортлы бурыс оз ло.

Шусьӧгъяс 21:30

Господьтӧгыд мывкыдлуныс абу, вежӧрыс абу, и туйдӧдӧмыс абу.

Еклесиаст 6:10

Ставыслы, мый эм, нимсӧ сетӧма нин. Ми тӧдам, коді сэтшӧм мортыс. Сійӧ оз вермы вензьыны сыысь вынаджыккӧд.

Исай 10:15

Чер ӧмӧй ошйысьӧ чернас керасьысь водзын? Пила ӧмӧй ошйысьӧ пилитчысь водзын? Бедь ӧмӧй шенасьӧ мортӧн, коді сійӧс киас кутӧ? Бедь ӧмӧй лэптӧ мортӧс, кодӧс абу пуысь вӧчӧма?

Исай 29:16

Мый ті йӧйталанныд? Гырнич вӧчысьӧс ӧмӧй позяс ӧткодявны сёйкӧд? Вӧчӧмторйыс ӧмӧй шуас вӧчысьыс йылысь, эз пӧ сійӧ вӧч менӧ? Гырничыс ӧмӧй шуас гырнич вӧчысьыс йылысь, сійӧ пӧ нинӧм оз гӧгӧрво?

Исай 45:10

Курыд шог сылы, коді батьсӧ шуӧ шогмытӧм батьӧн, мамсӧ шуӧ шогмытӧм чужтысьӧн.

Исай 64:7

Некод оз шыась Тэнад нимӧ, некод оз кутчысь Тэ дінӧ. Та вӧсна Тэ бергӧдін миянысь Ассьыд чужӧмтӧ, эновтін миянӧс кувны асланым мыжъясын.

Исай 64:8

Но Тэ, Господьӧй, – миян Батьным, ми – сёйыс, а Тэ – миянӧс Вӧчысьыс. Ми ставным – Тэнад киӧн вӧчӧмторъяс.

Еремей 18:6

«Израиль войтыр, Ме ӧмӧй ог вермы вӧчны тэкӧд тайӧ гырнич вӧчысьыс моз? – висьталӧ Господь. – Кыдзи гырнич вӧчысьлӧн киын сёйыс, тадзи ті, Израиль войтыр, Менам киынӧсь.

Еремей 36:29

А иудаса Ехояким ӧксылы висьтав, мый Господь тадзи висьталӧ: тэ сотін гижӧд тубрассӧ да юалін Еремейлысь, мыйла сійӧ гижӧма, мый локтас вавилонса ӧксы да пазӧдас тайӧ мусӧ, бырӧдас тайӧ муас олысь йӧзсӧ да ыж-мӧссӧ.

Еремей 50:24

Ме пукті тэныд нальк, Вавилон, и тэ тӧдлытӧг шедін сэтчӧ. Тэнӧ аддзисны да кутісны, ӧд тэ кыпӧдчин Господьлы паныд.

1 Коринфӧ 10:22

Ми огӧ кӧсйӧй дӧзмӧдны Господьӧс, ми ӧд Сыысь абу вынаджыкӧсь.