Исай 44:7 - Коми Библия 2023

⁷ Эм-ӧ кодкӧ Ме кодьыс? Мед сійӧ юӧртас, ставсӧ сьӧрсьӧн-бӧрсьӧн висьталас сійӧ кадсяньыс, кор Ме вӧчи важся войтырӧс. Мед висьталас локтанаыс йылысь, юӧртас, мый водзӧ лоӧ.

Исай 44:7 Iomraidhean Croise

Исай 19:12

Кӧнӧсь найӧ? Кӧнӧсь тэнад мывкыда йӧзыд? Ӧні мед найӧ висьталасны тэныд, ӧні мед тӧдмаласны Господь Саваофлысь водзвыв шуӧмсӧ, мый лоӧ Египеткӧд.

Исай 41:22

Юӧртӧй, мый водзӧ лоӧ, висьталӧй, мый водзынджык вӧлі, сэки ми пондам мӧвпавны да гӧгӧрвоам, мыйӧ тайӧ вайӧдас. Юӧртӧй, мый водзӧ лоӧ,

Исай 41:23

висьталӧй локтанаыс йылысь, сэки ми тӧдмалам, мый ті – енъяс. Вӧчӧй бурсӧ либӧ лёксӧ, медым тайӧс аддзӧмысь миянӧс ставнымӧс полӧм босьтіс.

Исай 41:26

Коді та йылысь водзвыв висьталіс, медым ми тӧдім? Коді та йылысь водзвыв юӧртіс, медым ми вермим шуны, мый тайӧ збыль? Но тіян пӧвстысь некод эз висьтав та йылысь, некод эз юӧрт, тіянлысь кывъяснытӧ ми эгӧ кывлӧй.

Исай 41:4

Коді вӧчис тайӧс, коді збыльмӧдіс? Сійӧ, коді му пуксьӧмсяньыс сетӧ олӧм. Ме, Господь, Ме – Медводдзаыс, и бӧръя олысьяслы Ме – Сійӧ жӧ.

Исай 43:12

Ме водзвыв висьталі да мезді, юӧрті тіянлы, мый лоас. Тіян пӧвстын эз вӧв мукӧд енмыс. Ті тӧданныд, – висьталӧ Господь, – мый Ме – Енмыс,

Исай 43:9

Став войтыръясыс мед чукӧртчасны ӧтлаӧ. Коді на пӧвстысь водзвыв юӧртіс, мый ӧні лоӧ, коді водзвыв висьталіс сійӧ, мый вӧлі нин? Мед найӧ вайӧдасны аддзылысьясӧс висьтавны, мый налӧн водзвыв юӧртӧмыс веськыд, медым кывзысьяс шуасны: «Тайӧ збыль!»

Исай 45:21

Сёрнитчӧй ас костаныд, висьталӧй-вочавидзӧй. Коді важысянь юӧртіс та йылысь, водзысянь висьтавліс тайӧс? Эг-ӧ Ме, Господь? Меысь кындзи мӧд Енмыс абу! Ме веськыда вӧчысь Ен, Мездысь, Меысь кындзи мӧдыс абу!

Ап. уджъяс 17:26

Ӧти вирсянь Сійӧ вӧчис войтыръясӧс да овмӧдіс найӧс му пасьтала, торйӧдіс налы муяс да индіс налысь олан кадъяс,

Индӧд 32:8

Кор Медвылыссаыс юкліс войтыръяслы му, кор разӧдіс-овмӧдіс йӧзсӧ му пасьтала, Сійӧ индіс мудоръяс Израиль пиян лыд серти.