Исай 44:28 - Коми Библия 2023

²⁸ Кирлы Ме шуа, мый сійӧ – Менсьым войтырӧс видзысь, сійӧ ставсӧ вӧчас Менам кӧсйӧм серти. Сійӧ шуас Ерусалимлы, тэнӧ пӧ выльысь лоӧ лэптӧма, а крамлы шуас, тэнсьыд подувтӧ пӧ выльысь лоӧ пуктӧма.

Исай 44:28 Iomraidhean Croise

2 Каднебӧг 36:22

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

2 Каднебӧг 36:23

«Тадзи висьталӧ персияса Кир ӧксы. Господь, енэжвывса Ен, став му пасьталаысь войтыръясӧс сетіс менам кипод улӧ. Сійӧ тшӧктіс меным лэптыны Иуда муын, Ерусалим карын, Сылы крам. Быдӧн Сылӧн войтырысь мед мӧдӧдчас туйӧ. Господь Ен мед лоас быдӧнкӧд!»

Ездра 1:1

Персияса Кир ӧксылӧн медводдза веськӧдлан воӧ иніс Господьлӧн кывйыс, мый Сійӧ висьталіс Еремей пыр. Господь ышӧдіс Кир ӧксыӧс гижны да ас му пасьталаыс юӧртны татшӧм тшӧктӧм:

Ездра 1:2

«Тадзи висьталӧ персияса Кир ӧксы. Господь, енэжвывса Ен, став му пасьталаысь войтыръясӧс сетіс менам кипод улӧ. Сійӧ тшӧктіс меным лэптыны Иуда муын, Ерусалим карын, Сылы крам.

Ездра 1:3

Быдӧн Сылӧн войтырысь мед мунас Иуда муӧ Ерусалимӧ. Енмыс мед лоас быдӧнкӧд! Лэптӧй сэні крам Господьлы, Израильлӧн Енлы. Сійӧ – Ен, кодлӧн оланіныс Ерусалимын.

Исай 14:32

Мый вочавидзны йӧз муысь юӧр вайысьяслы? Вочавидзӧй налы тадзи: Господь зумыда сувтӧдіс Сион, Сылӧн войтырысь коньӧръяс аддзасны сэні сайӧдчанін.

Исай 41:27

Ме медводдзаӧн висьталі та йылысь Сионлы, Ме мӧдӧді юӧртысьӧс Ерусалимӧ.

Исай 42:15

Ме кушта керӧсъяс да мылькъяс, чишкала сэтысь став быдмӧгсӧ, юяс вӧча діясӧн, тыяс косьта.

Исай 45:1

Господь тадзи висьталӧ Кирлы, Аслас мавтыштӧмалы: – Ме кута тэнӧ веськыд киӧдыд, сета тэнад киӧ войтыръясӧс, тэнад кипод улӧ – ӧксыясӧс, тэ водзвылын восьта ӧдзӧсъяс, ог лэдз пӧдлавны дзиръяяс.

Исай 45:13

Ме сувтӧді Кирӧс, медым веськыда вӧчны, Ме шыльӧда сылысь став туйсӧ. Сійӧ выльысь лэптас Менсьым карӧс, мездас Менсьым йӧзӧс пленысь, лэдзас найӧс мунны, оз босьт налысь дон ни козин. Тадзи висьталӧ Господь Саваоф.

Исай 45:3

Ме сета тэныд пемыдінын видзан озырлун, дзебӧм озырлун, медым тэ тӧдін: Ме – Господь, Израильлӧн Ен, Ме чуксала тэнӧ нимнад.

Исай 46:11

Асыввывсянь Ме чукӧсті варышӧс, ылі муысь Ме чукӧсті сійӧс, коді збыльмӧдас Менсьым мӧвпыштӧмӧс. Ме шуи, и вӧча тайӧс, Ме мӧвпышті, и вайӧда помӧдз.

Исай 54:11

Коньӧрӧй, тӧвнырыс шатлӧдлӧ тэнӧ, некод оз вермы бурӧдны тэнӧ. Видзӧдлы, тэнсьыд изъястӧ Ме вевття бирюзаӧн, тэнсьыд подувтӧ Ме вӧча сапфирысь,

Исай 58:12

Тэ выльысь кыпӧдан важӧн пазӧдӧм каръяс, лэптан керкаяс важ подувъяс вылӧ. Тэнӧ пондасны шуны карса стенъяс дзоньталысьӧн, туйяс восьтысь-лӧсьӧдысьӧн.

Исай 63:11

Сэки важся кадсӧ, Мӧисей дырся лунъяссӧ, казьтыштігӧн Господьлӧн войтырыс шуис: – Кӧні Сійӧ, коді петкӧдіс Ассьыс ыж чукӧрсӧ саридзысь, мездіс найӧс да налысь видзысьсӧ? Кӧні Сійӧ, коді сетіс Аслас войтырлы Вежа Ловсӧ?

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 27:6

Тайӧ муяссӧ ӧні Ме сета вавилонса Навукодоносор ӧксылы, Аслам кесйӧглы. Весиг зверъясӧс Ме сета, медым найӧ кесъялісны сылы.

Еремей 43:10

Шу налы, мый Господь Саваоф, Израильлӧн Ен, тадзи висьталӧ: Ме вайӧда татчӧ Ассьым кесйӧгӧс, вавилонса Навукодоносор ӧксыӧс. Сылысь юралан пуклӧссӧ Ме сувтӧда тайӧ дзебӧм изъясыс вылӧ. На весьтӧ сійӧ шевкнитас ассьыс ӧксыалан дӧрачомсӧ.

Даниил 10:1

Персияса Кир ӧксылӧн коймӧд веськӧдлан воӧ Данииллы, кодӧс шуисны Белтешацарӧн, вӧлі Енсянь восьтӧм. Тайӧ восьтӧмыс вӧлі збыль, но сійӧс сьӧкыд вӧлі гӧгӧрвоны. Даниил гӧгӧрвоис восьтӧмсӧ аддзылӧм пыр.