Исай 44:26 - Коми Библия 2023

²⁶ Ме збыльмӧда сійӧ, мый юӧртіс Менам кесйӧгӧй, вӧча сійӧ, мый висьталісны Меӧн мӧдӧдӧмаяс. Ме висьтала, мый Ерусалимӧс бара лоӧ овмӧдӧма, Иуда каръясӧс выльысь лоӧ лэптӧма. Ме выльысь кыпӧда бырӧдӧм каръяс.

Исай 44:26 Iomraidhean Croise

Ӧксыяслӧн 4 небӧг 7:16

Сэки войтырыс петіс карсьыс, муніс да кушӧдз куштіс арамейяслысь чомъяснысӧ. Господьлӧн шуӧм серти ӧти куд тыр медбур пызьсӧ сэки вузалісны ӧти сикельысь, та донысь жӧ вузалісны кык куд тыр ид пызь.

Ӧксыяслӧн 4 небӧг 7:18

Енлӧн морт ӧд шуліс ӧксылы: «Аски тайӧ кадас Самария карса дзиръя дорын кык куд тыр ид пызь пондасны вузавны ӧти сикельысь, та донысь жӧ пондасны вузавны ӧти куд тыр медбур пызьсӧ».

Ӧксыяслӧн 4 небӧг 7:20

Тадзи сыкӧд и лоис. Дзиръяӧд петіганыс йӧзыс талялісны тайӧ мортсӧ, и сійӧ кувсис.

Ездра 2:70

Попъяс, левитъяс, войтыр, сьылысьяс, дзиръя видзысьяс да крамбердса кесйӧгъяс овмӧдчисны асланыс каръясӧ. Быд израильса морт овмӧдчис аслас карӧ.

Неемий 1:3

Найӧ вочавидзисны, пленысь локтысьяс пӧ ёна сьӧкыдалӧны асланыс муын, сэні пӧ найӧс увтыртӧны. Ерусалим карлысь пӧ стенъяссӧ жуглӧма, а дзиръяяссӧ сотӧма.

Неемий 2:3

Полӧмпырысь вочавидзи сылы: «Кузь нэм ӧксылы! Кыдзи нӧ ме верма дзебны шогсьӧмӧс, кор кисьтӧма карсӧ, кытчӧ дзебӧма менсьым батьясӧс, да сотӧма карыслысь дзиръяяссӧ».

Псалтыр 102:17

Но Господьлӧн буралӧмыс помасьлытӧм Сыысь полысьяс дінӧ,

Псалтыр 147:2

Сійӧ ёнмӧдӧ тэнад дзиръяяслысь иганъяссӧ, бурсиӧ тэнсьыд олысьястӧ.

Еклесиаст 3:3

эм кад виавны и бурдӧдавны, жуглыны и тэчны,

Исай 40:9

Сион, бур юӧр вайысь, кыпӧдчы джуджыд керӧс вылӧ! Ерусалим, бур юӧр вайысь, висьтавлы гора шыӧн! Эн пов, висьтавлы иудаса каръяслы: «Со, тіян Енныд!»

Исай 42:19

Коді Менам кесйӧг кодь синтӧм, коді Меӧн мӧдӧдӧм юӧртысь кодь пельтӧм, коді Меӧн бӧрйӧма кодь синтӧм, коді Господьлӧн кесйӧг кодь синтӧм?

Исай 42:9

Сійӧ, мый Ме висьталі, збыльмис, а ӧні Ме юӧрта локтанаыс йылысь, висьтала тіянлы, мый эз на ло.

Исай 49:8

Господь тадзи висьталӧ: – Ме кылі тэнӧ бур кадӧ, отсалі тэныд мездман лунӧ. Ме видзи тэнӧ, пукті тэнӧ тайӧ войтырыслы йитӧд пыдди, медым тэ выльысь сӧвмӧдін тайӧ мусӧ, медым тэ юклін кушмӧм муяссӧ,

Исай 52:9

Кыпыда гажӧдчы, пазӧдӧм Ерусалим кар! Сьылӧй ставныд ӧтвылысь, ӧд Господь бурӧдіс Ассьыс войтырсӧ, мездіс Ерусалим.

Исай 54:3

Тэ паськӧдчан веськыдвылӧ и шуйгавылӧ, тэнад челядьлы вичмас мукӧд войтырлӧн муясыс, найӧ овмӧдчасны кушмӧм каръясӧ.

Исай 55:11

Тадзи жӧ Менам кывйӧй, мый петӧ Менам вомысь, оз бергӧдчы Ме дінӧ кушӧн, а вӧчӧ Менам кӧсйӧм серти, вӧчӧ ставсӧ, мый могысь Ме мӧдӧді сійӧс.

Исай 58:12

Тэ выльысь кыпӧдан важӧн пазӧдӧм каръяс, лэптан керкаяс важ подувъяс вылӧ. Тэнӧ пондасны шуны карса стенъяс дзоньталысьӧн, туйяс восьтысь-лӧсьӧдысьӧн.

Исай 60:10

Йӧз муысь локтысьяс пондасны кыпӧдны тэнсьыд стенъястӧ, налӧн ӧксыясыс пондасны кесъявны тэныд. Аслам скӧралігӧн Ме нӧйті тэнӧ, но Аслам муслун кузя Ме лоа бур сьӧлӧма тэ дінӧ.

Исай 61:4

Найӧ выльысь кыпӧдасны важӧн пазӧдӧм каръяс, овтӧм каръяс пыдди найӧ кыпӧдасны выльясӧс, выльысь лэптасны киссьӧм каръяс, кӧні важӧн нин некод оз ов.

Еремей 1:10

Талун Ме пукта тэнӧ войтыръяслы юӧртысьӧ, медым нетшкыны да жуглыны, бырӧдны да пазӧдны, выльысь тэчны да вужйӧдны.

Еремей 28:9

Пророк кӧ юӧртӧ лӧнь олӧм йылысь, и сылӧн кывъясыс инасны, сӧмын сэки тӧдмаласны, мый сійӧс збыльысь Господь мӧдӧдіс».

Еремей 30:18

Господь тадзи висьталӧ: – Ме выльысь сувтӧда Яковлысь чомъяссӧ, бурсьӧлӧмтча сылӧн оланін дінӧ. Карсӧ выльысь лоӧ лэптӧма аслас керӧс вылӧ, изкарыс кутас сулавны аслас местаын.

Еремей 31:4

Ме выльысь кыпӧда тэнӧ, и тэнӧ лоӧ кыпӧдӧма, Израиль ныв. Тэ бара босьтан киад тимпан, кутан йӧктыны гажӧдчысьяскӧд.

Еремей 32:15

Ӧд Господь Саваоф, Израильлӧн Ен, тадзи висьталӧ: ”Тайӧ муас коркӧ бара кутасны ньӧбавны керкаяс, видз-му да виноград йӧръяс”.

Еремей 32:44

эзысь вылӧ видз-му, аддзылысь-висьталысьяс дырйи кутасны гижавны видз-му ньӧбӧм йылысь кабалаяс да тупкыны найӧс сёйысь вӧчӧм печатьӧн. Тадзи кутасны вӧчны Венямин муын, Ерусалим кар гӧгӧрын, иудаса, негевса, керӧсвывса да керӧсбердса каръясын. Ӧд Ме бӧр бергӧда найӧс пленысь, – висьталӧ Господь».

Еремей 33:7

Ме бергӧда пленысь Иуда да Израиль войтырӧс, воддза мозыс Ме вынсьӧда найӧс.

Езекиль 36:10

Ме овмӧда унасьыс-уна йӧзӧс Израиль керӧсъяс вылӧ. Израиль войтыр выльысь овмӧдчас каръясас, из чукӧръясысь лэптас керкаяс.

Езекиль 38:17

Господь Ыджыдыс тадзи висьталӧ: Гог, тэ йылысь Ме важӧн висьтавлі Аслам кесйӧгъяслы, израильса пророкъяслы. Найӧ уна во чӧж пророкалісны, мый Ме вайӧда тэнӧ Израиль войтырлы паныд.

Даниил 9:12

Тэ збыльмӧдін Ассьыд кывтӧ, мый Тэ шуин миян йылысь да миян юралысь-веськӧдлысьяс йылысь. Тэ ыстін миян вылӧ ыджыд шог, татшӧм шогыс эз на вӧвлы му вылас, мый суис Ерусалим карӧс.

Даниил 9:25

Тӧд да гӧгӧрво, мый сійӧ кадсяньыс, кор петас тшӧктӧм выльысь сувтӧдны Ерусалим кар, да сійӧ кадӧдзыс, кор локтас мавтыштӧм Ӧксы, коляс сизимысь сизим во да квайтымын кыкысь сизим во. Сьӧкыд кадӧ Ерусалим карсӧ лоӧ выльысь кыпӧдӧма, изэрдъяссӧ да стенъяссӧ лоӧ выльысь вӧчӧма.

Амос 9:14

Ме бӧр вайӧда пленысь Ассьым Израиль войтырӧс. Найӧ выльысь лэптасны кушмӧм каръяснысӧ да овмӧдчасны сэтчӧ. Найӧ пуктасны виноград пуяс, ассьыныс винасӧ кутасны юны. Сад йӧръясӧ пуктасны пуяс, налысь вотӧссӧ кутасны сёйны.

Аггей 1:13

Сэки Аггей, кодӧс Господь мӧдӧдіс, юӧртіс войтырыслы: «Ме тіянкӧд! – висьталӧ Господь».

Закар 1:17

Нӧшта юӧрт, мый Господь Саваоф тадзи висьталӧ: – Менам каръясын бара пуксяс бур олӧм. Господь бара бурӧдас Сионӧс, выльысь бӧръяс Ерусалим кар».

Закар 1:6

Но Менам кывъясӧй инісны. Сійӧ, мый йылысь Ме ӧлӧдӧмӧн висьтавлі Меным кесъялысь пророкъяс пыр, суис батьяснытӧ. Сэки найӧ бергӧдчывлісны мыжсьыныс шуалӧмӧн: ”Господь Саваоф кыдзи шуис, сідзи и вӧчис. Сійӧ вӧчис миянкӧд асланым бӧрйӧм туйным да лёк вӧчӧмным серти”».

Закар 12:6

Сійӧ лунӧ Ме вӧча иудаса юралысьясӧс вӧрын ыпъялысь биӧн да кольтаяс костын ӧзтӧм бипурӧн. Найӧ бырӧдасны став войтыръяссӧ Ерусалим гӧгӧрысь – шуйгаладорсьыс и веськыдладорсьыс. А Ерусалимын олысьяс кольччасны овны асланыс карӧ».

Закар 2:4

да шуис: «Мун ӧдйӧджык да висьтав мурталысь том мортлы: Ерусалим гӧгӧр оз нин кутны лэптыны стен, ӧд сы мында сэні олысьыс да ыж-мӧскыс лоӧ.

Матвей 26:56

Ставыс тадзи лои, медым инісны пророк гижӧдъяс». Сэки велӧдчысьяс ставныс эновтісны Исусӧс да пышйисны.

Матвей 5:18

Веськыда висьтала тіянлы: енэжыс да муыс быртӧдз, ставыс збыльмытӧдз весиг ӧти шыпас, ӧти чуттор оз вош Индӧдысь.

Лука 24:44

Сэсся Исус шуис налы: «Кор на Ме вӧлі тіянкӧд, Ме висьтавлі, мый инас ставыс, мый гижӧма Ме йылысь Мӧисей Индӧдын, пророк гижӧдъясын да псаломъясын».