Исай 44:24 - Коми Библия 2023

²⁴ Господь, коді ньӧбис тэнӧ, вӧчис тэнӧ мамыдлӧн кынӧмас, тадзи висьталӧ: – Ме – Господь, Ме вӧчи ставсӧ, ӧтнамӧн шевкниті енэжсӧ, Аслам вына киӧн Ме вольсалі мусӧ.

Исай 44:24 Iomraidhean Croise

Иов 26:7

Енмыс шевкнитіс войвывсӧ нинӧм весьтас, ӧшӧдіс мусӧ абутӧмас.

Иов 31:15

Ӧд Сійӧ, коді артмӧдіс менӧ мам кынӧмын, артмӧдіс тшӧтш менсьым кесйӧгъясӧс. Ми – ӧти Енлӧн вӧчӧмторъяс.

Иов 37:18

Тэ ӧмӧй Енмыскӧд артмӧдін енэжсӧ, ыргӧн рӧмпӧштан кодь ёнӧн вӧчин енэжвевтсӧ?

Иов 9:8

Сійӧ ӧтнас шевкнитіс енэжсӧ, Сійӧ ветлӧ саридзса гыяс вывті.

Псалтыр 104:2

Сьылӧй Сылы, ошкӧй Сійӧс, висьтавлӧй Сылӧн шензьӧдана уджъясыс йылысь!

Псалтыр 136:6

Ерусалим, ме кӧ вунӧда тэнӧ, ме кӧ ог кут нимкодясьны тэӧн, менам кывйӧй мед косьмас.

Псалтыр 71:6

Ӧксы мед лоас ытшкӧм видз вылӧ киссьысь зэр кодь, мусӧ кӧтӧдысь сувтса зэр кодь.

Исай 40:22

Господь пукалӧ му кытш весьтын, а му вылас олысьясыс Сылы чирк кодьӧсь. Сійӧ шевкнитіс енэжсӧ вонйӧс моз, паськӧдіс сійӧс дӧрачомйӧс моз, медым сэні овны.

Исай 41:14

Эн пов, Яков-номыр, этша лыда Израиль, Ме отсала тэныд, – висьталӧ Господь, тэнад Мездысь, Израильлӧн вежа Ен. –

Исай 42:5

Господь Ен вӧчис енэжсӧ да шевкнитіс сійӧс, вӧчис му да ставсӧ, мый сэні быдмӧ. Мувывса войтырлы Сійӧ сетӧ олӧм, мувывса йӧзлы – ловшы. Сійӧ тадзи висьталӧ:

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Исай 43:14

Господь, тіянӧс Мездысь, Израильлӧн вежа Ен, тадзи висьталӧ: – Тіян вӧсна Ме мӧдӧда Вавилонӧ тышкайӧзӧс, медым жугӧдны сэні став игансӧ. Калдея войтыр пышъясны корабльяс вылын, кӧні водзынджык гажӧдчисны.

Исай 43:7

вайӧдӧй быдӧнӧс, кодӧс Ме чукӧсті, кодӧс Ме вӧчи Ачымӧс нимӧдӧм могысь.

Исай 44:2

Тэнӧ вӧчысь да тэнӧ артмӧдысь, мам кынӧмсяньыд тэныд отсалысь Господь тадзи висьталӧ: – Яков, Менам кесйӧгӧй, эн пов, Ешурун, [Израиль,] Ме бӧрйи тэнӧ.

Исай 44:6

Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.

Исай 45:12

Ме вӧчи мусӧ, вӧчи му вылас йӧзӧс. Менам киӧй шевкнитіс енэжсӧ, Ме веськӧдла енэжвыв вынъясӧн.

Исай 45:18

Господь эм Ен, Сійӧ вӧчис енэжсӧ, вӧчис-артмӧдіс мусӧ, вӧчис сійӧс зумыдӧн, эз вӧч мусӧ кушӧн, но артмӧдіс мусӧ, медым сэні вӧлі олӧм. Господь тадзи висьталӧ: – Ме – Господь, и мӧд Енмыс абу.

Исай 45:7

Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.

Исай 45:8

Енэжсьыс мед зэрӧн киссяс веськыдлуныс, мед сійӧ киссяс кымӧръяссьыс, муыс мед воссяс да ваяс мездӧм, веськыдлуныс мед кутас дзоридзавны. Ме, Господь, вӧча тайӧс.

Исай 48:13

Менам киӧй вӧчис мусӧ, Менам веськыд киӧй шевкнитіс енэжсӧ. Ме чукӧста найӧс, и найӧ ӧтвылысь сувтасны Ме водзӧ.

Исай 48:17

Господь, тэнӧ Мездысь, Израильлӧн вежа Ен, тадзи висьталӧ: – Ме – Господь, тэнад Енмыд, Ме велӧда тэнӧ бурас, нуӧда тэнӧ сійӧ туйӧдыс, кыті тэныд колӧ муннысӧ.

Исай 49:1

Кывзӧй менӧ, саридз дорын олысьяс, сюся кывзӧй, ылысса войтыръяс! Господь чукӧстіс менӧ чужтӧдз на, мам кынӧмын на сетіс меным ним.

Исай 49:26

Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.

Исай 49:7

Господь, Израильӧс Мездысь, сылӧн вежа Ен, тадзи висьталӧ ыджыдалысьяслӧн кесйӧглы, кодӧс ставныс увтыртӧны, кодӧс лёкӧдӧны войтыръяс: – Тэнӧ аддзигӧн ӧксыяс сувтасны, юралысьяс копыртчасны муӧдзыс, ӧд Господь эскана, ӧд Израильлӧн вежа Ен бӧрйис тэнӧ.

Исай 51:13

А Господьӧс тэ вунӧдан. Сійӧ вӧчис тэнӧ, шевкнитіс енэжсӧ, зумыда сувтӧдіс мусӧ. Мыйла тэ пыр полан дзескӧдысьлӧн скӧралӧмысь, полан сыысь, коді дась тэнӧ бырӧдны? Но кӧні нӧ тэнӧ дзескӧдысьлӧн скӧралӧмыс?

Исай 54:5

Ӧд тэнад верӧсыд – тэнӧ Вӧчысьыд, Сылӧн нимыс – Господь Саваоф. Тэнӧ Мездысьыд – Израильлӧн вежа Ен, Сійӧс шуӧны став му пасьтала ыджыдалысь Енмӧн.

Исай 54:8

Скӧрлунӧй ыпнитігӧн Ме кад кежлӧ бергӧдчи тэысь, но Ме кута буравны тэ дінӧ, лоа помтӧг бур сьӧлӧма тэ дінӧ, – висьталӧ Господь, тэнӧ Мездысь.

Исай 59:20

Сионӧ локтас Мездысь, Сійӧ локтас Яковсянь чужысьяс дінӧ, кодъяс бергӧдчисны мыжъяссьыныс, – висьталӧ Господь.

Исай 60:16

Мукӧд войтыръяс кутасны йӧлӧн пӧткӧдны тэнӧ, налӧн ӧксыясыс – вердны тэнӧ. Сэки тэ тӧдмалан, мый Ме, Господь, – тэнӧ Мездысьыс, Яковлӧн вына Енмыс – тэнӧ Видзысьыс.

Исай 63:16

Господьӧй, Тэ – миян Батьным. Ӧвраам оз тӧд миян йылысь, Израиль оз тӧд миянӧс, но Тэ – миян Батьным! Важысянь тэнад нимыд – Миян Мездысь.

Еремей 10:12

Аслас вынӧн Господь вӧчис мусӧ, Аслас мывкыдлунӧн муюгыдыслы пуктіс подувсӧ, Аслас вежӧрлунӧн шевкнитіс енэжсӧ.

Еремей 50:34

Но найӧс Мездысьыс вына, Сылӧн нимыс – Господь Саваоф. Сійӧ доръяс найӧс да налӧн мулы сетас лӧньлун, а Вавилонын олысьяслы ыстас полӧм-тіралӧм.

Еремей 51:15

Аслас вынӧн Господь вӧчис мусӧ, Аслас мывкыдлунӧн муюгыдыслы пуктіс подувсӧ, Аслас вежӧрлунӧн шевкнитіс енэжсӧ.

Закар 12:1

Водзвыв висьталӧм. Израиль йылысь Господьлӧн кыв. Господь, коді шевкнитіс енэжсӧ, пуктіс мулы подувсӧ да артмӧдіс морт пытшкын ловсӧ, висьталӧ:

Иоан 1:3

Ставсӧ Сы пыр вӧчӧма. Сытӧг немтор абу лоӧма.

Галатӧ 1:15

Но Енмыс менӧ мам кынӧмсянь нин бӧрйӧма да Аслас буралӧмнас корӧма.

Ефесӧ 3:9

да восьтны быдӧнлы Енмыслысь водзвыв мӧвпыштӧм гусяторсӧ. Енмыс, коді вӧчис ставсӧ Исус Кристос пыр, видзис тайӧ гусяторсӧ Ас пытшкас нэмъяс пуксьытӧдзыс на,

Еврейяслы 1:2

Тайӧ бӧръя кадас Сійӧ шыасьліс миян дінӧ Пиыс пыр. Енмыс сетіс Сылы ставсӧ, Сы пыр вӧчис ентыкӧласӧ.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.