Исай 44:20 - Коми Библия 2023

²⁰ Татшӧм мортыс быттьӧ бус бӧрся вӧтлысьӧ, сылӧн вежӧрыс пемдӧма, и сійӧ шедӧма ылӧгас. Сійӧ оз вермы мездыны асьсӧ да шуны: «Менам киӧн вӧчӧмторйыс – ылӧг».

Исай 44:20 Iomraidhean Croise

Иов 15:2

– Мывкыд морт оз вочавидз абутӧм тӧдӧмлунӧн, сійӧ оз пӧткӧдчы сынӧднас,

Иов 15:31

Мед оз ылӧдлы асьсӧ абутӧм вылас лача кутӧмнас, нинӧм абуыс сылы аслыс бергӧдчас.

Псалтыр 102:9

Оз век Сійӧ скӧрав, оз лӧгав нэмъяс чӧж,

Псалтыр 115:4

Ме вая вина вись, аттьӧала Господьӧс мездмӧмысь.

Псалтыр 144:11

Найӧ мед висьталасны Тэнад дзирдлуна юралӧмыд йылысь, мед юӧртасны Тэнад ыджыд выныд йылысь.

Псалтыр 144:8

Господь бур да мелі сьӧлӧма, Сійӧ дыр терпитӧ да ёна буралӧ.

Шусьӧгъяс 15:14

Вежӧра мортлӧн сьӧлӧмыс тӧдӧмлун корсьӧ, вежӧртӧм сӧмын йӧйталӧмнас пӧткӧдчӧ.

Исай 47:10

Лёксӧ вӧчигӧн тэ эн повлы, тэ шуавлін: «Некод оз аддзы менӧ». Тэнад сюсьлуныд да тӧдӧмлуныд кежӧдісны тэнӧ туй вывсьыд. Тэ шуалін аслыд: «Ме кодь мӧдыс абу!»

Исай 57:11

Кодысь тэ полан, кодысь повзин сэтшӧмасӧ, мый эновтін Менӧ? Тэ вунӧдін Менӧ, он казьтывлы Ме йылысь. Ме дыр чӧв олі, гашкӧ, та понда тэ дугдін Меысь повнысӧ?

Исай 59:13

Ми кыпӧдчим Господьлы паныд, пӧрйӧдлім Сійӧс, бергӧдчим асланым Енмысь, ми суклясим-асныралім, новлӧдлім сьӧлӧманым ылӧгсӧ да висьтавлім сійӧс.

Еремей 16:19

– Господьӧй, Тэ – менам выныс, Тэ – менам изкарыс, менам шог дырйи сайӧдчаніныс. Му помсяньыс локтасны Тэ дінӧ войтыръяс, найӧ шуасны: «Миян батьяслы вичмис сӧмын ылӧгыс – вичмисны идолъяс, кодъяслы весьшӧрӧ юрбитӧны, ӧд таысь нинӧм бурыс абу».

Осий 12:1

Ефрем кыйӧдӧ тӧвныр, вӧтлысьӧ асыв тӧв бӧрся, быд лун содтӧ пӧръясьӧмсӧ да виалӧмсӧ, Ассуркӧд кӧрталӧ йитӧдъяс, Египетӧ нуӧ вый.

Осий 4:12

Менам войтыр шыасьӧ путор дінӧ, и бедь сетӧ сылы вочавидзӧмсӧ. Кырсалан руыс кежӧдіс найӧс ылӧгас, кырсалысь ань моз найӧ эновтісны ассьыныс Енсӧ.

Аввакум 2:18

Вермас-ӧ отсавны бӧлбан – пуысь вӧчӧмторйыс? Вермас-ӧ отсавны идол – сывдӧмӧн вӧчӧм ылӧгвелӧдысьыс? Но вӧчасьысь лача кутӧ аслас идол вылӧ, сёрнитны вермытӧм ен вылӧ.

Лука 15:16

Сійӧ дась вӧлі пӧткӧдчыны быдмӧгӧн, мый сёйлісны порсьяс, но весиг тайӧ сылы эз вичмыв.

Римӧ 1:25

Енлысь збыльсӧ найӧ бергӧдісны пӧръясьӧмӧ, юрбитісны вӧчӧмторъяслы, а эз Ставсӧвӧчысьлы. Ошкӧм Сылы нэмъяс чӧж! Аминь.

Римӧ 1:28

Найӧ эз лыддьыны коланаӧн тӧдны Енсӧ, та вӧсна Ен колис найӧс торксьӧм вежӧрас вӧчны ковтӧмторсӧ.

1 Тимофейлы 4:2

Татшӧм велӧдӧмыс петӧ пӧръясьысьяссянь, кык бана шаньгаяссянь, кодъяс воштӧмаӧсь яндзимнысӧ.

2 Тимофейлы 2:13

Ми кӧ эновтам Сійӧс, Сійӧ оз эновт миянӧс, ӧд Ачыс Ассьыс соссьыны оз вермы.

2 Тимофейлы 3:13

А лёк да пӧръясьысь йӧзлӧн лёк вӧчӧмыс кутас содны. Найӧ унаӧс ылӧдасны, асьныс тшӧтш ылаласны.

Восьтӧм 12:9

Ыджыд гундырӧс, важ змейӧс, вӧлі шыбитӧма му вылӧ. Сылӧн нимыс – омӧль да сӧтана, сійӧ – муюгыдысь став йӧзсӧ ылӧдлысь. Сыкӧд тшӧтш вӧлі шыбитӧма му вылас сылысь анделъяссӧ.

Восьтӧм 13:14

Став шензьӧданаторнас, мый сійӧ вӧчӧ воддза зверыслӧн син водзын, сійӧ ылӧдлӧ му вылын олысьясӧс. Сійӧ тшӧктӧ налы вӧчны шыпуртӧн дойдӧм да ловзьӧм зверыслысь серпассӧ.

Восьтӧм 18:23

Некор оз кут ӧзйыны тані би, некор оз кут кывны верӧспулӧн да гӧтырпулӧн гӧлӧс шыныс! Тэнад вузасьысьяс ыджыдалісны тайӧ му вылас, тшыкӧдчӧмӧн тэ кыскин войтыръясӧс ылӧгас.

Восьтӧм 20:3

Андел шыбитіс сійӧс пыдӧстӧминӧ да йигналіс сэтчӧ. А петанінсӧ тупкис печатьӧн, медым гундыр эз пет да эз ылӧдлы войтыръясӧс, кытчӧдз оз помась сюрс воыс. Та бӧрти сійӧс лоӧ лэдзӧма дженьыд кад кежлӧ.