Исай 44:19 - Коми Библия 2023

¹⁹ Мортыс весиг оз мӧвпыштлы, сылӧн оз тырмы вежӧрыс, оз тырмы мывкыдлуныс, медым шуны: «Пу джынсӧ ме соті биын, биа ӧгыръяс вылын ме пӧжалі нянь, дасьті яй да сёйи сійӧс. А пуыслӧн колясысь ӧмӧй ме вӧча зывӧктор? Ме ӧмӧй понда юрбитны путорлы?»

Исай 44:19 Iomraidhean Croise

Ӧксыяслӧн 3 небӧг 11:5

Соломон кутіс юрбитны сидонсаяслӧн Астарта енлы да аммон войтырлӧн зывӧк Милком идоллы.

Ӧксыяслӧн 3 небӧг 11:7

Ерусалимсянь асыввылын сулалысь керӧс вылын Соломон вӧчис моавсаяслӧн зывӧк Кемош идоллы да аммон войтырлӧн зывӧк Молок идоллы юрбитанінъяс.

Ӧксыяслӧн 4 небӧг 23:13

Ӧксы пежаліс вись ваян мылькъяс, кодъяс сулалісны Ерусалимсянь асыввылын, Бырӧдӧмлӧн керӧссянь лунвылын. Найӧс коркӧ вӧчліс израильса Соломон ӧксы, мед юрбитны сидонсаяслӧн зывӧк Астарта идоллы, моавсаяслӧн зывӧк Кемош идоллы да аммон войтырлӧн зывӧк Милком идоллы.

Ӧксыяслӧн 4 небӧг 23:14

Ӧксы жугліс юрбитан изъяс, пӧрӧдіс юрбитан пуяс да тыртіс сійӧ местасӧ морт лыясӧн.

Петӧм 7:23

Фараон бергӧдчис да пырис аслас керкаӧ. Сылы вӧлі веськодь.

Исай 44:18

Идолъясӧс вӧчысьяс нинӧм оз тӧдны да оз гӧгӧрвоны, налысь синнысӧ да вежӧрнысӧ тупкӧма, найӧ оз аддзыны да оз гӧгӧрвоны.

Исай 45:20

Чукӧртчӧй да локтӧй, матыстчӧй ставныд, кодъяс ловйӧн колинныд войтыръяс пӧвстысь. Вежӧртӧмӧсь найӧ, кодъяс новлӧдлӧны ассьыныс пу идолъяснысӧ да кевмысьӧны енлы, коді оз мезды.

Исай 46:8

Энӧ вунӧдӧй тайӧс, мӧвпалӧй та йылысь. Сибӧдӧй тайӧс сьӧлӧманыд, лёк вӧчысьяс.

Исай 5:13

Та вӧсна менсьым войтырӧс тӧдлытӧг нуӧдасны пленӧ. Налӧн нималана йӧзыс кутасны тшыгъявны, озыръяс нюкыртчасны горш косьмӧмнысла.

Исай 66:3

Ӧшкӧс начкысь да вись пыдди вайысь [коді торкӧ Индӧдсӧ] морт виысь кодь, ыжӧс вись пыдди вайысь понлысь голясӧ песовтысь кодь, нянь вись вайысь порсьлысь вирсӧ вись пыдди вайысь кодь, казьтылан вись пыдди чӧскыд ӧвтанторъяс тшынӧдысь идоллы копрасьысь кодь. Найӧ бӧрйисны ассьыныс туйнысӧ, найӧ радейтӧны пежсӧ вӧчны.

Езекиль 40:4

Сійӧ шуис меным: «Морт пиӧй, бура видзӧд, сюся кывзы да босьт тӧд вылад ставсӧ, мый ме петкӧдла тэныд. Дзик та вӧсна тэнӧ татчӧ вайӧдӧма. Ставсӧ, мый аддзылан, висьтав Израиль войтырлы».

Осий 4:12

Менам войтыр шыасьӧ путор дінӧ, и бедь сетӧ сылы вочавидзӧмсӧ. Кырсалан руыс кежӧдіс найӧс ылӧгас, кырсалысь ань моз найӧ эновтісны ассьыныс Енсӧ.

Осий 7:2

Найӧ оз вежӧртны, мый налысь лёк уджъяссӧ Ме тӧд вылын кута. Ӧні налӧн уджъясныс кытшалӧмаӧсь найӧс, налӧн лёк вӧчӧмныс Менам чужӧмбан водзын.

Аггей 1:5

Господь Саваоф тадзи висьталӧ: – Видзӧдлӧй, кыдзи ті оланныд!

Индӧд 27:15

”Ёрӧм улӧ веськалӧ быдӧн, коді сывдӧмӧн либӧ мӧд ногӧн вӧчӧ бӧлбанӧс – Господьлы зывӧкторйӧс – да гусяинын юрбитӧ сылы”. И став войтырыс мед шуас: ”Мед лоӧ тадзи!”

Индӧд 32:46

шуис: «Босьтӧй сьӧлӧманыд кывъяссӧ, мый талун висьтала тіянлы. Тшӧктӧй асланыд ныв-пилы овны тайӧ Индӧдыс серти.