Исай 44:16 - Коми Библия 2023

¹⁶ Пу джынсӧ морт сотӧ биын, дасьтӧ сы вылын яй да пӧттӧдзыс сёйӧ. Шоналӧм бӧрас сійӧ шуӧ: «Бур, ӧні ме шоналі, и биыс югдӧдӧ меным».

Исай 44:16 Iomraidhean Croise

2 Каднебӧг 32:19

Найӧ шуалісны, мый ерусалимсаяслӧн Енмыс сэтшӧм жӧ, кутшӧм мукӧд войтыръяслӧн енъясыс, кодъясӧс вӧчӧма морт киӧн.

Иов 39:14

Страус кольӧ ассьыс колькъяссӧ му вылӧ, медым пӧжсисны пӧсь лыа вылын.

Исай 44:15

Ломтас вылӧ сійӧ чукӧртӧ пу, сотӧ пусӧ, медым шонтысьны, пестӧ би да пӧжалӧ сы вылын нянь. Тайӧ жӧ пусьыс морт вӧчӧ енмӧс да юрбитӧ сылы, вӧчӧ бӧлбанӧс да копрасьӧ сылы.

Исай 44:17

Мӧд джынсьыс сійӧ вӧчӧ енмӧс, вӧчӧ аслыс бӧлбанӧс да юрбитӧ сылы, копрасьӧ сылы да кевмысьӧ: «Мезды менӧ, ӧд тэ – менам ен».

Исай 47:14

Но найӧ идзас кодьӧсь, биыс сотас найӧс, найӧ оз вермыны видзны асьнысӧ ыпъялан биысь. Наысь весиг ӧгыр оз коль, медым шонтысьыштны. Наысь он песты бипур, медым сы дорын пукалыштны.