Исай 44:1 - Коми Библия 2023

¹ – Ӧні кывзы, Яков, Менам кесйӧгӧй, кывзы, Израиль, Меӧн бӧрйӧмаӧй.

Исай 44:1 Iomraidhean Croise

Олӧм 17:7

Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.

Псалтыр 105:6

Асланым батьяс моз ми мыж вӧчим, кежим веськыдлунсьыс да вӧчим лёксӧ.

Исай 14:1

Регыд нин воас сійӧ кадыс, кор лоӧ бырӧдӧма Вавилонӧс. Сэки Господь бурсьӧлӧмтчас Яков дінӧ да выльысь бӧръяс Израильӧс – бергӧдас найӧс асланыс муӧ. Йӧз муысь локтысьяс ӧтувтчасны Израиль войтыркӧд

Исай 41:8

Израиль, тэ – Менам кесйӧгӧй, Яков, тэ – Менам Ӧвраам ёртсянь чужысь, Ме бӧрйи тэнӧ.

Исай 41:9

Ме босьті тэнӧ му помсьыс, чукӧсті тэнӧ медылі муясысь. Ме шуи тэныд: «Тэ – Менам кесйӧгӧй, Ме бӧрйи тэнӧ и ог ӧтдорт тэнӧ!»

Исай 42:23

Коді тіян пӧвстысь кутас кывзыны тайӧс? Водзӧвылӧ коді кутас сюся кывзыны?

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Исай 44:21

Эн вунӧд, Яков, эн вунӧд, Израиль, мый тэ – Менам кесйӧг, Ме вӧчи тэнӧ. Тэ – Менам кесйӧг, Израиль, эн вунӧд Менӧ.

Исай 45:4

Аслам Яков кесйӧг понда, Аслам бӧрйӧм Израиль понда, Ме чуксала тэнӧ нимнад, Ме нимӧді тэнӧ, кӧть тэ Менӧ он тӧд.

Исай 48:12

Кывзы Менӧ, Яков, кывзы, Израиль. Ме тэнӧ чукӧсті. Тайӧ – Ме. Ме – Медводдзаыс, Ме – Медбӧръяыс.

Исай 55:3

Локтӧй Ме дінӧ, сюся кывзӧй Менӧ! Кывзӧй Менӧ, и ті кутанныд овны! Давид дінӧ вежсьывлытӧм буралӧмӧй вӧсна Ме кӧртала тіянкӧд пыр кежлӧ йитӧд.

Еремей 30:10

– Эн пов, Менам Яков кесйӧгӧй, – висьталӧ Господь, – эн пов, Израиль! Ме вайӧда тэнӧ ылі муысь, мезда тэсянь чужысьясӧс пленысь. Яковлӧн рӧдыс бӧр локтас, сійӧ кутас овны лӧня да повтӧг, сійӧс некод оз кут повзьӧдлыны.

Еремей 4:7

Сук вӧрысь петӧ лев, локтӧ войтыръясӧс бырӧдысь. Сійӧ петӧ аслас оланінысь, медым пазӧдны тэнсьыд мутӧ. Тэнсьыд каръястӧ лоӧ кисьтӧма-жугӧдӧма, сэні оз коль олысьыс.

Лука 13:34

Ерусалим, Ерусалим! Пророкъясӧс виалысь да тэ дінӧ ыстӧмаясӧс изъялысь! Кымынысь Ме кӧсйи чукӧртны тэнсьыд ныв-питӧ, кыдзи лэбач чукӧртӧ ассьыс пиянсӧ борд улас, но ті энӧ кӧсйӧй.