Исай 43:24 - Коми Библия 2023

²⁴ Тэ эн ньӧблы Меным чӧскыд дука турунъяс, эн пӧткӧдлы Менӧ пемӧсъяслӧн госӧн. Но тэ сьӧктӧдлін Менӧ аслад мыжъясӧн, мудзтӧдлін Менӧ аслад лёк вӧчӧмъясӧн.

Исай 43:24 Iomraidhean Croise

Псалтыр 95:10

Висьталӧй войтыръяс пӧвстын: «Господь ӧксыалӧ! Муюгыдыс сулалӧ зумыда, сійӧ оз вӧрзьыв. Господь кутас веськыда мыждыны войтыръясӧс».

Петӧм 30:34

Господь тшӧктіс Мӧисейлы: «Босьт ӧтмындаӧн чӧскыд ӧвтанторъяс – стакти, оних да халван, тшӧтш ладан сир.

Петӧм 30:7

Висьпуктанін вылас Аарон мед тшынӧдас чӧскыд ӧвтанторъяс. Сійӧ мед тшынӧдчас сэні быд асыв, кор кутас локны видзӧдны би дозъяс бӧрся.

Исай 1:14

Выль тӧлысь да гажӧдчан лунъяс пасйӧмнытӧ Ме мустӧмта. Найӧ сьӧктӧдӧны Менӧ, Ме ёна мудзи наысь.

Исай 1:24

Вӧрӧгъясӧс Ме верма, паныд сувтысьяслысь Ме водзӧс перъя, – висьталӧ Ыджыдыс, Господь Саваоф, Израильлӧн вына Ен.

Исай 63:10

Но найӧ паныд кыпӧдчисны да шогӧдісны Господьлысь Вежа Ловсӧ, та вӧсна Сійӧ лӧгаліс на вылӧ, тышкасис налы паныд.

Исай 7:13

Сэки Исай шуис: «Кывзӧй, Давидлӧн рӧдыс! Тіянлы ӧмӧй этша на, мый ті йӧзсӧ сьӧктӧданныд? Ті кӧсъянныд тшӧтш менсьым Енмӧс сьӧктӧдны?

Еремей 44:22

Господь эз нин вермы терпитны тіянлысь лёк да зывӧк вӧчӧмнытӧ. Та вӧсна тіян муныд лои овтӧминӧн да повзьӧдчанторйӧн, сійӧс ёрӧма, и ӧні олысьыс сэні абу.

Еремей 6:20

Меным оз ков Саваысь вайӧм ладаныс, оз ков ылі муысь вайӧм чӧскыд дука туруныс. Тіянлысь сотан висьяснытӧ Ме ог кӧсйы, тіян висьясныд Меным абу шогманаӧсь».

Езекиль 16:43

Сыысь, мый тэ вунӧдін том кадтӧ да скӧрмӧдін Менӧ аслад уджъясӧн, Ме мынтыся тэныд олан туйыд серти, – висьталӧ Господь Ыджыдыс. – Тэнад уджъясыд ӧд пежӧсь да зывӧкӧсь.

Езекиль 6:9

Сэні пленын олігӧн найӧ тӧд выланыс уськӧдасны Менӧ, кор Ме жугӧда налысь сьӧлӧмсӧ да пемдӧда налысь синсӧ. Ӧд найӧ эновтісны Менӧ да кырсалысь ань моз сетчисны идолъяслы. Та бӧрын найӧ зывӧктасны асьнысӧ став пеж вӧчӧмсьыныс

Левит 3:16

Поп мед сотас тайӧс висьпуктанін вылын. Тайӧ лоӧ чӧскыда ӧвтысь сотан вись. Став госсӧ колӧ сотны Господьлы.

Левит 4:31

Мед перъялас кӧзалысь став госсӧ бурасян висьлысь госсӧ моз да сотас висьпуктанін вылын. Тайӧ лоӧ Господьлы чӧскыда ӧвтан вись. Тадзи поп вештас вись вайысьлысь мыжсӧ, и сійӧс лоӧ прӧститӧма.

Амос 2:13

Регыд Ме личка тіянӧс, кыдзи кольта тыра тарантас личкӧ мусӧ.

Малакий 1:14

Ёрӧма пӧръясьысьӧс, коді дзоньвидза ай пемӧссӧ кӧсйысьӧ вись пыдди вайны Господьлы, но вайӧ висьысьӧс. Тӧдӧй, Ме – ыджыд Ӧксы, – висьталӧ Господь Саваоф, – и Менам нимысь полӧны войтыръяс.