Исай 43:15 - Коми Библия 2023

¹⁵ Ме, Господь, тіян вежа Енныд, Израильӧс Вӧчысь, тіян Ӧксыныд!

Исай 43:15 Iomraidhean Croise

Псалтыр 149:2

Гажӧдчы, Израиль, тэнӧ Вӧчысь йылысь! Нимкодясьӧй, сионса олысьяс, асланыд Ӧксы йылысь!

Исай 30:11

Вешйӧй туй вылысь, кежӧй ветлан туй вылысь, водзӧ энӧ казьтывлӧй миянлы Израильлӧн вежа Ен йылысь».

Исай 31:1

Курыд шог налы, кодъяс мунӧны Египетӧ отсӧгла! Найӧ лача кутӧны вӧвъяс вылӧ, тарантасъяслӧн уна лыдыс вылӧ да верзьӧмаяслӧн выныс вылӧ, а Израильлӧн вежа Ен вылӧ оз видзӧдны, Господь дінӧ отсӧгла оз шыасьны.

Исай 33:22

Господь – миян Мыждысьыс, Господь – миян Юралысьыс, Господь – миян Ӧксыыс, Сійӧ мездас миянӧс!

Исай 40:25

Кодкӧд ті ӧткодяланныд Менӧ, эм-ӧ кодкӧ Ме кодьыс, – юалӧ вежа Ен.

Исай 41:14

Эн пов, Яков-номыр, этша лыда Израиль, Ме отсала тэныд, – висьталӧ Господь, тэнад Мездысь, Израильлӧн вежа Ен. –

Исай 41:16

Тэ кутан шердйыны найӧс, а тӧлыс нӧбӧдас, тӧвнырыс разӧдас найӧс. Тэ кутан нимкодясьны Господьӧн, кутан ошйысьны Израильлӧн вежа Енмӧн.

Исай 41:20

медым йӧзыс аддзасны да тӧдмаласны, видзӧдласны да гӧгӧрвоасны, мый Господьлӧн киыс вӧчис тайӧс, Израильлӧн вежа Ен артмӧдіс тайӧс.

Исай 41:21

Господь, Яковлӧн Ӧксы, шуӧ войтыръяслӧн енъяслы: – Висьталӧй ёрд водзын ассьыныд могнытӧ, висьталӧй ассьыныд эскӧдана кывъяснытӧ.

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Исай 43:21

Тайӧ войтырсӧ Ме Аслым вӧчи, сійӧ кутас кыпӧдны Меным ошкӧмсӧ.

Исай 43:3

Ме – Господь, тэнад Енмыд, Израильлӧн вежа Ен, тэнӧ Мездысь. Ме ньӧби тэнӧ, сеті тэ пыдди Египет, Эфиопия да Сева муяс.

Исай 43:7

вайӧдӧй быдӧнӧс, кодӧс Ме чукӧсті, кодӧс Ме вӧчи Ачымӧс нимӧдӧм могысь.

Исай 44:6

Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.

Исай 45:11

Господь, Израильӧс Вӧчысь, Израильлӧн вежа Ен тадзи висьталӧ: – Энӧ юасьӧй Менсьым, мый лоас Менам челядькӧд, энӧ велӧдӧй Менӧ, мый Меным вӧчны Аслам киӧн вӧчӧмторъяскӧд.

Исай 47:4

Миян Мездысьным – Израильлӧн вежа Ен, Сылӧн нимыс – Господь Саваоф!

Исай 48:17

Господь, тэнӧ Мездысь, Израильлӧн вежа Ен, тадзи висьталӧ: – Ме – Господь, тэнад Енмыд, Ме велӧда тэнӧ бурас, нуӧда тэнӧ сійӧ туйӧдыс, кыті тэныд колӧ муннысӧ.

Еремей 51:5

Калдея войтыр мыжа Израильлӧн вежа Ен водзын, налӧн муыс тырӧма мыжӧн, но Израиль да Иуда войтыръясӧс Господь Саваоф, налӧн Енмыс, эз эновт.

Аввакум 1:12

– Господьӧй, менам вежа Енмӧй, важысянь Тэ – Ен. Ми огӧ кулӧй. Господьӧй, Тэ мӧдӧдін калдея войтырӧс, мед мыждыны миянӧс. Дорйысьӧй, Тэ вайӧдін найӧс, мед чирыштны миянӧс.

Матвей 25:34

Веськыдладорын сулалысьяслы Ӧксы шуас: ”Локтӧй, менам Батьлӧн бурсиӧмаяс. Тіянлы вуджӧ Енлӧн Юраланіныс, кодӧс дасьтӧма тіянлы му пуксьӧмсяньыс.

Восьтӧм 3:7

«Филадельфия вичкоса анделлы тадзи гиж: Со мый висьталӧ Вежаыс да Збыльыс, код ордын Давидлӧн восьтаныс. Сійӧ восьтӧ, и некод оз вермы тупкыны. Сійӧ тупкӧ, и некод оз вермы восьтны. Сійӧ висьталӧ: