Исай 42:25 - Коми Библия 2023

²⁵ Та вӧсна Господь кисьтіс на вылӧ Ассьыс скӧрлунсӧ да ярлунсӧ – пансис чорыд тыш. Тайӧ биыс чишкаліс найӧс быд боксянь, но найӧ эз гӧгӧрвоны тайӧс, биыс сотіс найӧс, но найӧ нинӧмӧ эз велавны.

Исай 42:25 Iomraidhean Croise

Ӧксыяслӧн 4 небӧг 25:9

Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ.

Иов 40:11

сылӧн лядьвейыс ён, кынӧм яйчигыс чорыдсьыс-чорыд.

Исай 29:13

Господь шуис: – Тайӧ войтырыс матыстчӧ Ме дінӧ кывнас, вомнас найӧ пыдди пуктӧны Менӧ, но налӧн сьӧлӧмныс ылын Меысь. Меысь налӧн вежавидзӧмыс – тайӧ сӧмын тшӧктӧм серти вӧчӧм – тшӧктӧм, мыйӧ велӧдісны найӧс йӧзыс.

Исай 47:7

Тэ шуалін: «Ме пыр лоа ӧксы-аньӧн», но тэ эн мӧвпыштлы, эн кӧсйы тӧдны, мый лоӧ бӧрыннас.

Исай 48:8

Тэ эн кывлы, эн тӧдлы та йылысь, тэнад пельыд важысянь тупкыса. Ме тӧді, мый тэ ылӧдчысь, мам кынӧмсяньыд нин тэнӧ шуӧны паныд кыпӧдчысьӧн.

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Исай 57:1

Веськыда олысь кулӧ, и некод оз босьт тайӧс сьӧлӧмас. Вежавидзысь йӧз мунӧны мӧдаръюгыдас, и некод оз мӧвпыштлы та йылысь. Веськыда олысь ылыстчӧ лёксьыс,

Исай 57:11

Кодысь тэ полан, кодысь повзин сэтшӧмасӧ, мый эновтін Менӧ? Тэ вунӧдін Менӧ, он казьтывлы Ме йылысь. Ме дыр чӧв олі, гашкӧ, та понда тэ дугдін Меысь повнысӧ?

Исай 9:13

Господь нӧйтіс войтырсӧ, но найӧ эз бергӧдчыны Сы дінӧ, эз шыасьны Господь Саваоф дінӧ.

Исай 9:19

Господь Саваофлӧн скӧрлуныс сотӧ-чишкалӧ мусӧ, войтырыс лои билы сёянторйӧн. Йӧзыс оз жалитны ӧта-мӧднысӧ.

Еремей 12:11

вӧчисны сійӧс овтӧминӧн. Куш муыс бӧрдӧ Ме водзын, сійӧс дзикӧдз куштӧма, некод оз тӧждысь сы вӧсна.

Еремей 5:3

Господьӧй, Тэнад синмыд кӧсйӧ аддзыны збыльсӧ. Тэ нӧйтан найӧс, но налы веськодь. Тэ бырӧдан найӧс, но найӧ оз кӧсйыны вежӧрсявны. Найӧ чорзьӧдісны асьнысӧ, лоины изйысь чорыдджыкӧсь на, оз кӧсйыны бергӧдчыны Тэ дінӧ.

Еремей 7:20

Та вӧсна Господь Ыджыдыс тадзи висьталӧ: Менам скӧрлунӧй да ярлунӧй киссяс тайӧ местаыс вылӧ, йӧз и ыж-мӧс вылӧ, пуяс и быдтас-вотӧс вылӧ. Менам скӧрлунӧй ыпнитас и оз кус.

Бӧрданкыв 2:3

Скӧрйывсьыс Сійӧ жугӧдіс Израильлысь вынсӧ, вештіс сы вылысь Ассьыс веськыд кисӧ, эз видз сійӧс вӧрӧгысь. Сійӧ сотіс Яковӧс ыпъялысь биӧн, мый ньылыштӧ ставсӧ.

Бӧрданкыв 2:4

Паныд сувтысь моз Сійӧ зэвтіс Ассьыс ньӧввужсӧ, мустӧмтысь моз веськӧдіс мелань кисӧ. Сійӧ виис-бырӧдіс ставсӧ, мый долыдмӧдӧ синтӧ. Биӧс моз Сійӧ кисьтіс Ассьыс скӧрлунсӧ Сион нывлӧн оланін вылӧ.

Езекиль 20:34

Ме петкӧда тіянӧс йӧз муысь, чукӧрта мукӧд войтыръяс пӧвстысь, кытчӧ тіянӧс вӧлі разӧдӧма. Вӧча тайӧс скӧрлунӧн, Ассьым вына киӧс да ён сойӧс лэптӧмӧн.

Осий 7:9

Локтысьяс чурскисны сылысь вынсӧ, а сійӧ эз казявлы тайӧс. Юрсиыс сылӧн дзормис, а сійӧ оз и тӧд та йылысь.

Наум 1:6

Коді вермас паныд сувтны Сылӧн лӧглунлы, коді вермас ловйӧн кольны Сылӧн ыпъялан скӧрлунысь? Сылӧн скӧрлуныс би моз разалӧ, Сы водзын потласьӧны-жугалӧны изкыртаяс.

Малакий 2:2

– Ті кӧ онӧ кутӧй кывзысьны Менсьым, онӧ кӧ кутӧй сьӧлӧмсяньныд пыдди пуктыны Менӧ, – висьталӧ Господь Саваоф, – Ме ыста тіян вылӧ ёрӧм, бурсиӧм пыдди ёра тіянӧс. Но Ме тіянӧс ёри нин, ӧд ті онӧ сьӧлӧмсяньныд пыдди пуктӧй Менӧ.

Индӧд 32:22

Менам скӧрлунысь ӧзйис би, пыдӧстӧминӧдз сійӧ сотӧ ставсӧ. Мусӧ ньылыштӧ став быдтас-вотӧснас, керӧсъяс чишкалӧ подулӧдзыс.