Исай 40:7 - Коми Библия 2023

⁷ Господьлӧн пӧльыштӧмысь турун косьмӧ, дзоридз нярмӧ. Збыльысь, йӧзыс турун кодьӧсь.

Исай 40:7 Iomraidhean Croise

Иов 14:2

Дзоридз моз сійӧ мыччысьлӧ да нярмунӧ, вуджӧр моз вешйӧ, оз сувтлы.

Иов 4:9

Енлӧн лолыштӧмысь найӧ кулӧны, Сылӧн скӧрлуна пӧльыштӧмысь бырӧны.

Иов 41:21

Нӧшкыд сылы идзас кодь, ёсь шылӧн шутёвтӧм вылӧ сійӧ видзӧдӧ сералӧмӧн.

Псалтыр 102:4

Мездӧ тэнӧ кулӧмыслӧн кабыр улысь, кытшалӧ тэнӧ буралӧмнас да мелілуннас.

Псалтыр 103:15

Тэ сетан вина, медым гажӧдны мортлысь сьӧлӧмсӧ, нянь, медым ёнмӧдны мортӧс, вый, медым югъяліс мортлӧн чужӧмыс.

Псалтыр 103:16

Тэ пӧткӧдан ливанса сус пуяс, Господьлӧн пуяс пыр вежӧсь.

Псалтыр 90:5

Луннас он повзьы ньӧвйӧн лыйӧмысь, и войыс тэнӧ оз повзьӧд.

Псалтыр 90:6

Он повзьы пемыдас ветлысь пӧрӧс висьӧмысь и луншӧр кадӧ бырӧдысь висьӧмысь.

Исай 11:4

Сійӧ веськыда мыждас коньӧръясӧс, гӧльясӧс доръяс збыльыс серти. Аслас чорыд кывнас сійӧ чирыштас мувывса олысьясӧс, аслас ловшынас виас лёк вӧчысьясӧс.

Исай 37:27

Сэтчӧс олысьясыс вынтӧммисны, найӧ яналісны да ёна полӧны. Найӧ лоины видзвывса турун кодьӧсь, вежӧдысь турун кодьӧсь, керка вевтвывса нявда кодьӧсь, шептасьтӧдзыс на чишкасьӧм нянь кодьӧсь.

Исай 40:24

Найӧс сӧмын на пуктӧма-кӧдзӧма, найӧ муртса на вужъясьӧмаӧсь му пытшкас, но кор Господь пӧльыштас на вылӧ, найӧ косьмасны, и тӧвнырыс нӧбӧдас найӧс идзасӧс моз.

Исай 51:12

– Ме, Ме – тэнӧ Бурӧдысьыс! Мыйла тэ полан мортысь, кодлӧн олӧмыс дженьыд, кодлӧн олан лунъясыс турунлӧн кодь?

Аггей 1:9

– Ті виччысянныд уна, а чукӧртанныд этша. Мый ваянныд гортаныд – сійӧс Ме шердъя. Мыйла тадзи артмӧ? – висьталӧ Господь Саваоф. – Сы вӧсна, мый Менсьым крамӧс пазӧдӧма, а ті асланыд керкаяс вӧсна тӧждысянныд.

Яков 1:10

а озыр – улӧ лэдзӧмнас, ӧд сійӧ турунвывса дзоридз моз косьмас-бырас.

Яков 1:11

Шонді петас, пӧжас да косьтас турунсӧ. Дзоридзыс сылӧн усьӧ, мичлуныс бырӧ. Дзик тадзи кусӧ озыр мортлӧн мырсян-пессян олӧмыс.