Исай 40:18 - Коми Библия 2023

¹⁸ Кодкӧд ті ӧткодяланныд Енсӧ, аддзанныд-ӧ нӧшта Сы коддьӧмсӧ?

Исай 40:18 Iomraidhean Croise

Иов 40:9

сэки Ме ошка тэнӧ, ӧд тэ верман мездыны ачыд асьтӧ.

Псалтыр 113:5

Саридз, мыйла тэ пышъян? Йӧрдан, мыйла тэ мӧдарӧ визувтан?

Псалтыр 89:6

Тэ кылӧдан йӧзӧс ытваӧн моз, налӧн олӧмыс вӧт кодь дженьыд, найӧ вежӧдысь турун кодьӧсь, асывнас сійӧ чепӧсйӧ-быдмӧ, а рытнас нярмӧ-косьмӧ.

Псалтыр 89:7

Тэнад скӧралӧмысь ми бырам, Тэнад лӧгалӧмысь ми полам-тіралам.

Псалтыр 89:8

Тэ тӧдан миянлысь лёк вӧчӧмнымӧс, Тэ аддзан миянлысь гуся мыжъяснымӧс.

Петӧм 15:11

Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.

Петӧм 20:4

Эн вӧч аслыд бӧлбанӧс да идолӧ пуктӧм могысь эн серпасав сійӧс, мый эм енэжас, му вылас да муысь улынджык ваас.

Петӧм 8:10

Фараон вочавидзис: «Аски». Мӧисей шуис: «Лоас тэнад шуӧм серти. Сэки тэ тӧдмалан, мый Господь Енным кодь мӧдыс абу.

Петӧм 9:14

Ӧні Ме мӧдӧда став бырӧданторсӧ тэ вылӧ, тэныд кесъялысь йӧз да став войтырыд вылӧ, медым тэ гӧгӧрвоин, мый став му пасьтала Ме кодь мӧдыс абу.

Исай 40:25

Кодкӧд ті ӧткодяланныд Менӧ, эм-ӧ кодкӧ Ме кодьыс, – юалӧ вежа Ен.

Исай 44:6

Господь, Израильлӧн Ӧксы да Мездысь, Господь Саваоф тадзи висьталӧ: – Ме – Медводдзаыс и Медбӧръяыс, Меысь кындзи мӧд Енмыс абу.

Исай 46:5

Кодкӧд ті ӧткодяланныд Менӧ, эм-ӧ кодкӧ Ме кодьыс? Кодӧс ті орччӧн сувтӧданныд, медым ӧткодявны Мекӧд?

Исай 46:9

Казьтыштӧй, мый вӧлі водзынджык, му пуксьӧмсяньыс. Ме – Енмыс, и мӧдыс абу, Ме – Енмыс, и Ме кодь мӧдыс абу.

Еремей 10:1

Израиль войтыр, кывзы, мый висьталӧ тэныд Господь!

Еремей 10:16

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Еремей 10:6

Господьӧй, Тэ кодь мӧдыс абу! Тэ – ыджыд Ен, Тэнад нимыд вына.

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Ап. уджъяс 17:29

Ми кӧ Енсянь чужысьяс, миянлы оз ков ӧткодявны Енсӧ зарни, эзысь либӧ изйысь вӧчӧмторъяскӧд, мый мӧвпыштӧма ачыс мортыс да вӧчӧма аслас кужысь киӧн.

Индӧд 33:26

Ешурунлӧн Ен кодь мӧдыс абу. Верзьӧма моз Сійӧ локтӧ енэжӧд, юралысь моз – кымӧръяс вывті, медым отсавны тэныд.

Индӧд 4:15

Кор Господь Хорив керӧсын сёрнитіс тіянкӧд би пытшсянь, ті Сійӧс энӧ аддзылӧй. Сідзкӧ, ас бӧрсяныд сюся видзӧдӧй,

Колосӧ 1:15

Сійӧ – тыдавтӧм Енмыслӧн пертас, чужӧма став вӧчӧмторсьыс медводз.

Еврейяслы 1:3

Пиыс – Енлӧн яръюгыд дзирдлуныс, Сылӧн пертасыс. Пиыс ставсӧ кутӧ Аслас вына кывнас. Аслас вирнас Сійӧ мыськаліс миянлысь мыжъяснымӧс да пуксис Медыджыдыслӧн веськыдладорӧ енэжас.

Ӧксыяслӧн 1 небӧг 2:2

Сӧмын Господь вежа, Сыысь кындзи мӧдыс абу. Миян Ен кодь дорйысьыс абу.