Исай 38:14 - Коми Библия 2023

¹⁴ Ме курликті тури моз, чивзі чикыш моз, гажтӧмтчи гулю моз, син мудзтӧдз видзӧді енэжас. Господьӧй, ме сьӧкыдала, отсав меным!

Исай 38:14 Iomraidhean Croise

Иов 17:3

Енмӧй, кывкут ме вӧсна. Тэысь ӧтдор коді тайӧс вӧчас?

Иов 30:29

Шакалъяслы ме лои вокӧн, страусъяслы – ёртӧн.

Псалтыр 143:7

Нюжӧд Ассьыд китӧ вылісянь, мезды менӧ да лэпты джуджыд ваысь, мезды менӧ локтысь йӧзлӧн киысь.

Псалтыр 55:2

Енмӧй, ло бур сьӧлӧма ме дінӧ, ӧд йӧзыс кӧсйӧны бырӧдны менӧ, быд лун усьласьӧны ме вылӧ да дзескӧдӧны менӧ.

Псалтыр 69:3

Мед яналасны да лоӧны серамтуйынӧсь менсьым олӧмӧс корсьысьяс. Мед бӧр бергӧдчасны да лоӧны серамтуйынӧсь меным лёксӧ кӧсйысьяс.

Исай 59:11

Ми ставным равзам ошъяс моз, курксам гулюяс моз. Ми виччысям веськыда мыждӧмсӧ, но сійӧ абу, виччысям мездмӧмсӧ, но сійӧ ылын миянысь.

Бӧрданкыв 4:17

Весьшӧрӧ отсӧгсӧ виччысигӧн миян синным мудзис. Башня вывсянь ми дзӧргим, виччысим войтырӧс, но сійӧ эз лок миянӧс мездыны.

Езекиль 7:16

Ловйӧн кольысьяс керӧсӧ пышъясны, гулюяс моз кырта потасӧ дзебсясны. Быдӧн пондас ымзыны-бӧрдны аслас мыж вӧснаыс.

Наум 2:7

Шуӧма, мый карсӧ куштасны, олысьяссӧ нуӧдасны пленӧ. Кесйӧг аньяс ойзӧны-ружтӧны гулюяс моз, вачкалӧны асьнысӧ морӧсаныс.

Наум 2:8

Ниневия водзысяньыс вӧлі вайӧртӧд кодь, но ӧні сэтысь ваыс пышйӧ. «Сувтӧй, сувтӧй!» – горзӧны, но некод оз бергӧдчыв.

Еврейяслы 7:22

Тайӧ кывъясыс висьталӧны, кутшӧм вына сійӧ йитӧдыс, мый кӧрталӧма Исус пыр.