Исай 38:12 - Коми Библия 2023

¹² Ыж видзысьлысь чомсӧ моз менсьым оланінӧс разьӧма, ылыстӧма ме дінысь. Ме гартышті ассьым олӧмӧс, кыдзи дӧра кыысь гартыштӧ кыӧм дӧрасӧ, ӧні Господь вундас менӧ кысян стан бердысь. Лун и вой ме виччыси, мый Тэ мӧдӧдан меным олӧм пом.

Исай 38:12 Iomraidhean Croise

Иов 14:2

Дзоридз моз сійӧ мыччысьлӧ да нярмунӧ, вуджӧр моз вешйӧ, оз сувтлы.

Иов 17:1

Менам лолӧй нюкыртчӧма, олан лунъясӧй чинӧны, кок пӧлӧн ме гортйын нин.

Иов 4:20

Асывнас на мортыс вӧлі, а рытнас абу нин, он и казявлы сылысь бырӧмсӧ.

Иов 6:9

Енмыс кӧ эськӧ виис менӧ, кисӧ нюжӧдіс да олӧмӧс орӧдіс!

Псалтыр 102:11

Кутшӧм ыджыд коластыс енэжа-муа костас, сэтшӧм ыджыд Господьлӧн буралӧмыс Сыысь полысьяс дінӧ.

Псалтыр 73:14

Тэ пасьвартін юрсӧ левиафанлысь, сетін сійӧс сёйны [эфиопияса] овтӧминын олысь йӧзлы.

Псалтыр 90:5

Луннас он повзьы ньӧвйӧн лыйӧмысь, и войыс тэнӧ оз повзьӧд.

Исай 1:8

Сион ныв ӧткӧн сулалӧ виноград йӧрса чом моз, град йӧрса лэбув моз, кытшалӧм кар моз.

Исай 13:20

Сэтчӧ некод оз овмӧдчы, сэні некод оз кут овны нэмъяс чӧж. Сэні араб оз сувтӧд чомсӧ, ыж видзысь оз понды шойччыны ыжъясыскӧд.

2 Коринфӧ 5:1

Ми тӧдам: тайӧ мувывса чомйыс, миян вир-яйным, кӧ киссяс, Енмыс сетас миянлы енэжас оланін – киӧн вӧчтӧмӧс, бырлытӧмӧс.

2 Коринфӧ 5:4

Тайӧ вир-яй чомъяс олігӧн ми сьӧкыда ышлолалам, ӧд огӧ кӧсйӧй пӧрччысьны, но кӧсъям пасьтавны выльсӧ, медым олӧмыс вевттис куланасӧ.

Еврейяслы 1:12

кӧлуйӧс моз Тэ гартыштан найӧс, и найӧ вежсясны. А Тэ он вежсьы, Тэнад олан вояслы помыс оз ло.

Яков 4:14

Но ті весиг онӧ тӧдӧй, мый ваяс тіянлы аскиа луныс. Ӧд тіян олӧмныд ру кодь, петкӧдчылас дженьыдик кад кежлӧ, а сэсся бырас.