Исай 37:22 - Коми Библия 2023

²² Со татшӧм кыв Господь висьталіс ассурса ӧксы йылысь: – Тэнӧ мустӧмтӧ сӧстӧм Сион ныв, сійӧ лёкӧдӧ тэнӧ. Юрнас довкйӧдлӧ, тэ вылын сералӧ Ерусалим ныв.

Исай 37:22 Iomraidhean Croise

Ӧксыяслӧн 4 небӧг 19:21

Со татшӧм кыв Господь висьталіс ассурса ӧксы йылысь: – Тэнӧ мустӧмтӧ сӧстӧм Сион ныв, сійӧ лёкӧдӧ тэнӧ. Юрнас довкйӧдлӧ, тэ вылын сералӧ Ерусалим ныв.

Иов 16:4

Ті кӧ сьӧкыдалінныд ме моз, ме эськӧ тіян моз жӧ сёрниті, дасьті сёрниӧс тіянлы паныд, шуаси юрӧс довкйӧдлӧмӧн,

Псалтыр 9:14

Господьӧй, ло бур сьӧлӧма ме дінӧ, видзӧдлы, кутшӧма ме сьӧкыдала менӧ мустӧмтысьяс вӧсна. Тэ лэптан менӧ кулӧмыслӧн дзиръя дорысь.

Исай 1:8

Сион ныв ӧткӧн сулалӧ виноград йӧрса чом моз, град йӧрса лэбув моз, кытшалӧм кар моз.

Исай 10:32

Ассурса тышкайӧз талун нин воӧдчасны Нов кар дорӧ, кинысӧ кыпӧдӧмӧн найӧ пондасны ыршасьны Сион керӧслы паныд, ерусалимса вывтасінлы паныд.

Исай 23:12

Сійӧ шуис: – Сидонын олысьяс, ті, яналӧм войтыр, водзӧ онӧ нин кутӧй нимкодясьны. Чеччӧй да мунӧй Киттимӧ, но весиг сэні тіянлы шойччӧгыс оз ло!

Исай 47:1

– Вавилон ныв, лэччы да пуксьы му вылас, пукав му вылас, калдея войтырлӧн ныв, ӧд юралан пуклӧсыд тэнад абу нин. Водзӧ оз нин шуны, мый тэ мелі да шань войтыр.

Исай 62:11

Со, Господь юӧртӧ му помӧдзыс: – Висьталӧй Сион нывлы: видзӧд, локтӧ тэнад Мездысьыд, Сыкӧд ставныс, кодъясӧс Сійӧ шедӧдіс, Сылӧн син водзын ставныс, кодъясӧс Сійӧ Аслыс босьтіс.

Еремей 14:17

– Висьтав налы тайӧ кывъяссӧ: лун и вой мед киссяс менам синваӧй, мед оз дугдыв менам бӧрдӧмӧй, ӧд менсьым войтырӧс пасьвартӧма, сійӧс сьӧкыда дойдалӧма.

Еремей 18:16

Ассьыныс мусӧ найӧ вӧчисны овтӧминӧн, сійӧ пыр кежлӧ лои повзьӧдчанторйӧн. Сы дорті мунысьяс пондасны юрнас довкйӧдлыны, найӧс полӧм босьтас.

Бӧрданкыв 1:15

Господь ӧтдортіс менсьым ён йӧзӧс, индіс-юӧртіс кад, медым бырӧдны менсьым зонъясӧс. Пычкан гуын виноградӧс моз Господь таляліс Иудалысь нывсӧ!

Бӧрданкыв 2:13

Мый меным шуны тэныд, Ерусалим нылӧй, мыйӧн ӧткодявны тэнӧ? Кодкӧд ӧткодявны тэнӧ, Сион нылӧй, медым бурӧдны тэнӧ? Тэнад дойыд саридз кодь ыджыд – коді вермас бурдӧдны тэнӧ?

Бӧрданкыв 2:15

Туй вывті ветлысь-мунысьяс кинас шлопнитӧмӧн шутьлялӧны, юрнас довкйӧдлӧны да Ерусалим йылысь омӧльтӧмӧн шуалӧны: «Тайӧ ӧмӧй сійӧ карыс, кодӧс шуисны медся мичаӧн, став муюгыдыслӧн гажӧн?»

Амос 5:2

Усьӧма Израиль ныв, чеччынысӧ оз вермы! Аслас му вылӧ сійӧс шыбитӧма, сійӧс лэптысьыс абу.

Софоний 3:14

Нимкодясь, Сион нылӧй, гажӧдчы, Израиль! Гажӧдчы, Ерусалим нылӧй, став сьӧлӧмсяньыд нимкодясь!

Закар 2:10

Нимкодясь да гажӧдчы, Сион ныв! Ме локта да овмӧдча тэ ордӧ, – висьталӧ Господь.

Закар 9:9

Долыда нимкодясь, Сион ныв, кыпыда гажӧдчы, Ерусалим ныв! Видзӧд, Ӧксыыд локтӧ тэ дінӧ! Сійӧ веськыда вӧчысь да вына мездысь, Сійӧ рам сьӧлӧма, локтӧ осёл вылын, пукалӧ осёл чань вылын.

Матвей 21:5

– Висьталӧй Сион нывлы: Видзӧд, Ӧксыыд локтӧ тэ дінӧ! Сійӧ рам сьӧлӧма, пукалӧ осёл вылын, сийӧсалӧм осёллӧн чань вылын.

Матвей 27:39

Сэті мунысьяс лёкысь видзӧдӧмӧн омӧльтісны Исусӧс:

Ӧксыяслӧн 1 небӧг 17:36

Ме виавлі левӧс и ошкӧс. Тайӧ вундыштчытӧм филистимсаыскӧд тшӧтш тадзи лоӧ. Сійӧ ӧд увтыртӧ ловъя Енлысь тышкайӧзсӧ. [Ме муна да верма сійӧс, мед вештыны янӧдӧмсӧ Израиль вылысь. Тайӧ вундыштчытӧмыс миянлы некод.]»